السلام عليكم ورحمة الله وبركاتة ..
انا اكتب لكم اخواني واخواتي على امل انكم تقولولي شو اسوي وتساعدوني في محنتي ..


انا صارلي الحين مخطوبة سنة من ابن خالتي بس ما اعرفة ولا اعرف شكله ولا عمري كلمتة.طبعا ما يصير اكلمة حتى عقد القران ..
المهم انا كنت محتارة و رحت وشاورت اخواني واخواتي واقول لهم روحوا اسئلوا عنة .انا ابغي واحد زين ويصلى ويخاف ربه وطيب . اخواني كانوا مو متحمسين له .. ما اعرف ليش ... بس ابوي وامي كانوا موافقين ويبغونة وابوي ردلهم الموافقة..
ان كنت وايد خايفة لاني ما اعرفةو انة يكون غبر ملتزم و ما يصلى وعنده علاقات مع بنات ...

المشكلة اني اختبرتة وعطيت رقمة لربيعتي وهي اتصلت على اساس هي غلطانة .. وهو الله يهديه ما صدق وقام يكلمها ويقوللها انا ابغي اتعرف عليج وابغي اكلمج .. المهم هي كملت معاه لمدة 4 اسلبيع وكانت تخبرني بكل الي يقولة ...

انا نصدمة منه والله اني ما كنت انام الليل بكيت وبكيت على حظي رحت وخبرت اخواتي عنه اول شي نازعوني لاني اختبرتة ... بس هالشي صار سر بينا ...صليت استخارة مرات عديدة ورحت ادعا وادعو في صلاتي ان ربي يرزقني الزوج الصالح وحتى اخواتي متعاطفين معاي ويفكرون فيني ويدعولي ..


وخبرت اخوي واهلي اني ما ابغية لاني سمعت انه مع علاقات هاتفية مع بنات .. المهم كان الكل ضدي لانه شاب خلوق .. اهلي كانوا يقنعوني فية وابوي كان يكلمني وانا اصيح وما اقدر اوقف من البكاء .. وكبرت المشكلة وقالوا لخطيبي اني سمعت عنة انة يهاتف بنات هو عصب و انكر هالشي وقال لهم انا مب من هالنوع من الشباب ..
اقتنعت فية اولا لانه من اهلي وثانيا لاني اعرف ان معضم الشباب يمضون فراغهم في المكالمات الهاتفية وخصوصا ان اكتشفت ان اخواني كانوا مثله والحمد لله هم الحين عايشين مرتاحين مع زوجاتهم..وما في انسان كامل ..ومثل ما قالي ابوي لازم اصبر اذا اكتشفت في شي ..

الحين انا حسيت بغلطي ما كان لازم اختبرة والله اني ندمانة وما اعرف شو اسوي .. ما اعرف كيف اجابلة هو واهلة .. قولولي شو اسوي الله يخليكم لا حد يعاتبني .. انا عاتبت نفسي مليون مرة قبلكم وندمت لاني احرجتة جدام اهلي واهلة ... (( وما اعرف الحين هو شو شعورة تجاهي )) .. صرت اخاف من وايد اشياء...

وما اعرف كيف اتعامل معاه بعد عقد القران والزواج ..اصارحة بالي سويتة والا لا ؟؟؟
اخاف يستمر على هالمكالمات .. قولولي كيف اقدر اضمنه واخليه ما يخوني ..
كيف املي حياتة واخليه يحبني وما يتخلى عندي ؟؟

وما اكذب عليكم انا الحين ارتاحه لة وايد واحس انه ان هو الانسان المناسب لي ...


وانتوا يا شباب شو رايكم في وحدة تسوي مثلي ,,, انا حاسة بتأنييييب الضمير ..
الله يخليكم ساعدوني وريحوني