اخوتي الاعزاء

كيف اتعامل مع زوجتي المتسلطة خصوصا ان هدوءي وصبري يزيدها عصبية

تزعل وتذهب لبيت اهلها بغضب ثم تعود وتعتذر بعد ان تفتقد راحة بيتها


مجرد وجودي بالمنزل تبداالمشاحنات

هل اشغال نفسي باعمال خارجية هو الحل برايكم

وصعوبه الانفصال بوجود اربع اطفال لاذنب لهم


ارجو الفزعة والنصيحه

ليش هى دائماا عصبية أكيد فية سبب


وانت الله هداك تزيد من عصبيتها من سكوتك ناقشها شوف شنو السبب


بعدين عندكم أطفال فكروا فيهم لا تستعجل خوي فى الانفصال

بعض النساء تجي معهم العين الحمره
أني ما عندي خبرة بس أكيد الاخوان بيطرحون ارائهم ويفيدونك

والله يهديها

تحيااااتي

__________________
سكنتي روح أحبابج وصرتي القلب وضي العين..
وكثر ماأعشق ترابج كتبت بدمي البحرين

ياشيخ ليش هيه معصبه اكييييييييد في سبب خل بينكم حوار إذا عصبت قولها غسلي وجهك تعوذي من الشيطان وتعالي اجلسي جنبي وقول لها وش مضايقك----------------------------بتشوف راح تطفى وتضحك وتقولك على كل شي وتنتهي الزعل --وراح تروح العصبيه( وهذي المره كذا تحب في احد يفتح قلبه لها)






بسألك سؤال هل انت قاعد في البيت تتدخل في اشغالها؟(معليش لا تزعل)


والله يألف بين قلوبكم ويهديكم لبعض( ولا تفكر في الطلاق ابدا وقول هذي حياتي احاول اصلح امورها مهما كلفتني من التعب )
انتوا يا الرجال إذا كانت المره طويلة بال زعلتو وإذا كانت عصبيه زعلتو---------الحل





(والله اني اعاني من زوجي على كثره العصبيه ولا حتى يسمعني ويقول انت تحبين المشاكل مع انه هوه يدور عليها)

سكوتك يزيدها عصبيه؟؟؟
والله غريب امرها...!!!
يعني هي شنو تبي...؟؟

تبيك ترد عليها و تعصب مثلها....واخرتها تمد ايدك....؟؟


المسأله بسيييييييييييييييييييييييييييطه و ما يبيلها شي....الطلاق شيله من بالك نهائيا

من كلامك عندكم اربع اطفال....يعني زواجكم مر عليه اكثر من خمس سنوات....

يعني استمرار زوجتك بهالاسلوب المستفز....نتيجه لتهاونك معاها

صنف النساء النمرود هذا....طناااااااااااااااااش......مو تعصب و انت تسكت عنها....لا......طنشهاااااا و لا كانها تتكلم.....و بعز كلامها و صراخها...قوم و خلها....اطلع بره البيت او ادخل غرفه ثانيه و اقفل عليك الباب....

مرة مرتين....وراح تلقاها متعدله مثل الالف....

واذا سألتك عن سبب معاملتك معاها

قولها طالما هي مو محترمه نفسها بالكلام انت بعد مراح تحترمها وراح تطنشها كل ما رفعت صوتها....!!





الله يهديكم و ييسر اموركم



دوووووووووت

__________________

شكرا جزيلا على مروركم وتفاعلكم

الاخت دلال
سبب معظم عصبيتها انها لا تريدني ان ارفض لها اي طلب وتعتبر هذا اهانه لها وبحقها .

راح اجرب العين الحمرا يمكن تنفع ولو انه سيكون مثل التمثيل لان طبعي هادي لكن ماعليه نجرب



فال 14 مع التحية
لا بالعكس انا بعيد عن التدخل باعمال المنزل وهي كذلك لان معظمها من تخصص الشغاله .

اصبت dot سكوتي يزيدها عصبيها قالتها لي بالنص لكن مالعمل لان بعض الامور لا تستحق الجدال عليها .


شكرا للجميع على تفاعلكم وساجرب بعض نصائحكم عسى ولعل .... والله انني احيانا بعد عودتي من العمل متعبا اتمنى ان اجلس على عتبة الباب على ان اواجه المنتظر في الداخل .

لا يا فال 14 لو قلت لها هدي او تعوذي من الشيطان او اغسلي وجهك فسيكون كالساكب الماء على الزيت وستفجر عصبيه .

الله يعينك اخوي ..

الحرمه العصبية محتاجه لمعامله خاصـة ودقيقــه ..

اذا سكــت عنها زادت في عصبيتها ..

واذا رديت عليها اطاير الشرر من أثر احتكاك السانك بلسانها ...

لازم اتكون متوازن جدا في تعاملك معاها ..

الله يعينك ..

اخوي حارس الازواج

ماشاء الله عليك حطيت اصبعك على الجرح تماما , ولكن لم تخبرني عن المعاملة الخاصة الدقيقة التي تعنيها ؟ اتمنى التوضيح مع جزيل الشكر لاهتمامك

تصدق اخوي هذه المشكله مشكله كثير من الازواج يبتلون بزوجه عصبيه وتحب التمللك يجري بدمها

الله يساعدك ماقول الا ادعا لها بالهدايه والله يصلح اموركم وصراحه الله يعطيك طولت البال
تحياتي

__________________

والله ما ادري شو اقولك اخوي ... علاج العصبية ما ينحل بين يوم وليله .. لأن صفـة العصبية جزء منها وراثي بالاضافــه الى انها ( وهي الاهـم ) صفــه مكتسبه يكتسبها الانسان من البيئه المحطيه فيــه ..

والظاهر ان زوجتـك عاشت في بيئه عصبية أججت أو عززت فيها هذه الصفه ..

وبرايي .. انت محتاج لفترة لسيت بالقصيره لكي تخفـض وتنزل من معدل العصبية عندها ..يعني لازم اتكيفها وتأقلمهـا تدريجيا على بيئه هاديــة وهذا الشي محتاج لطولت بال وحلم وصبر وبرودة اعصاب شديدين منــك ..

لازم تتعامل معاها بهدوء وعقل ومنطق .. ( يقولون الهدوء دائما يكسب ) .. وانا ما اقصد بالهدوء السكوت .. ابدا السكوت ما كان الحــل ... لازم اترد عليها بكل الاحوال علشان ما تحس انك تتجاهلها ويشتعل فتيل العصبيه اضعافا عندها .. يعني لما تتكلم معاك بعصبيه رد عليها بصوت هادىء او متوازن ( متوسط النبرة ) لكـن بمنطق وعقل شديدين علشان تحس باهتمامـك بكلامها ، وبنفس الوقـت ولما تكون هادىء متزن تقدر انك اترد عليها بمنطق يكسر منطقها ..
ومع مرور الوقت والزمــن راح اتقلل عفويا واتخـف من عصبيتها تدريجا خوفا من احراجك الدائم لها لأن منطقك الهادىء المتأني يغلب منطقها العصبي المتسرع ( لكن اعيد واكرر المسئلة تحتاج لصبر ووقت ليس بالقصير ليما تقدر اتروضها ) .

وفي بعض المواقف ..اذا حسيت انها وصلت لدرجة كبيره من العصبية حاول انك تقلب الموقف كله من قمـة الجد الى قمـة المزاح ..يعني مثلا ( علق على كلامها بدعابة حلوة .. اضحك .. داعبها .. امتص غضبها بحركات خفيفه وطريفه .. سمعها كلمات رقيقة وناعمه مثل ( يا حلاتـك وانتي معصبة .. ) ( او كلمات حـب اتحول الجبل الى تراب ) ..

ممكن تستاء في البداية وتشتعل لكن ضوء عصبيتها ما يلبث ان يخفت وينطفىء ان شاء الله ..

حاول ان تفرض اسلوب لعبك عليها بهدوء ورويه ( هدي اللعب يعني ) علشان تطلع فائز في الجولـة .. ولا تحاول انك اتسرع اللعب أو اتجاريها في عصبيتها عشان ما تتفوق عليك وتطلع منها خسران بعدد كبير من الاهداف في قلبك واعصابك .. وتتعرض لخسارة مذلـة كلما التقى لسانك بلسانها .. وفي النهاية من يكسب اخيرا يكسب كثيرا ..

هذا كل اللي عندي .. ورأيي قابل للخطـأ قبل الصواب ..
وكل شي بأمـر الله ..
الله يوفقك ..