السلام عليكم ورحمة الله وبركاته

طبعا انا اي مشكلة او استفسار احتار فيه مالي غيركم بصراحة دايما الاقي الجواب الكافي عندكم الله يخليكم للي المحتارين اللي ماعندهم خبرة مثلي المهم انا خاطبة من شهر ونص تقريبا (بعقد قران)علاقتي بزوجي تمام طيب وحنون ورومانسي وبيحبني ودايما بقلي كلام حلو المشكلة اني خجوووووووووووولة من ناحية الكلام والتعبير عن الحب مع اني احبه كتيييير ومن فترة احسه مضايق من هالشي وكل ما يجيني ويروح احس بالذنب خاصة اذا طلب كم كلمة مني وانا ابدا استحي ومااقدر


خبروني كيف اشيل هالخجل واحسسه بالحب والحنان لأنه محتاجلي كتييييير؟؟؟؟؟؟؟؟؟؟؟؟
ومشكورين

حاولي أختي الكريمة أن تقولي له الكلام الحلو عن طريق الهاتف مثلا إن كنت تستحين من إلقائه أمامه مباشرة أو أن تكتبي له هذا الكلام برسالة عبر هاتفه الجوال ... أو حتى رسالة عادية بخط يدك مثلا ...
و الحياء أمر جيد في الفتاة و هو لا يأتي إلا بخير ,,,
و الرجال يا أختي أمرهم غريب و أنا منهم إذا استحت الزوجة من التغزل به في بداية الزواج تضايق و تذمر و لو تجرأت و صارت تتغزل به و تقول له كلاما معسولا لشك في تصرفها و رماها بوجود علاقات سابقة لها و تجارب مع الرجال ... و بكل تأكيد فإن الرجل يحب الخيار الأول و هو حياء المرأة و خجلها على الأمر الثاني و هو شكه فيها و في عباراتها ....
لذلك أقول : قولي له هذا الكلام الحلو عبر رسائل الموبايل و بإمكانك أيضا أن تقولي له أنك مخبية الحاجات دي و الكلام الحلو بعد الزواج الكامل يعني بعد الدخول و عليه أن لا يستعجل

من الطرائف ما أخبرني به عمي مما يدل على حياء نسائنا قديما و قلة خبرتهن ( ما كان فيه ستالايت ) يقول عندما خلوت بزوجتي و قربت منها قبلتها على رأسها استلطافا لها
قال : فصرخت في وجهي و فالت لي : يلعن أبوك !
طبعا هي لم تكن تعرف أن هذا الرجل يحق له أن يفعل ذلك ... نعم هو زوجي بس لا يحق له أن يقبلني لأنه عيب فأنا بنت و هو شاب !!

اخي المسلم المعاصر شكرا على ردك السريع
بالنسبة للرسايل دايما هالشي موجود بنا يعني دايما برسله رسايل بالجوال بالذات لكنه كذا مرة طلب انه يسمع الكلام وجها لوجه وانا بصراحة نفسي اقله كل الكلام اللي في قلبي والله انه يستاهل خاصة انه مفتقد الحنان والكلام الحلو فليه ما افرحه كل ما احاول اقله احبك لو على التليفون استحي حتى رسالة بايدي استحي الشهر اللي فات كان عيد ميلاده قلت استغل الفرصة واكتبله كلمتين حلوين بس ماقدريت اتمادى وكتبتله تهنئه ومشيت الحال
وبعدبن دايما اسمع الحريم الاكبر شوي يتندموا انهم ما تجرؤا قبل الزواج واللي يستحي من اولها عمروا مايتجرئ وانه هالشي ضيع ازواجهم منهم
وناس تانيه تقول الخجل لازم والرجال ما يحب البنت الجريئه(اصلا من فين تيجيني الجرأة يا حسرتي)ويحب الخجل عند البنت يا ناس مين كلامه صح؟؟؟؟؟؟؟؟؟؟؟؟

الحياء زين بالنسبه للمرئه

مفروض زوجك يتفهم وضعك مو انتي تحاولي تسوي شي صعب عليك

قولي له مع الايام راح اسعدك خليني اخذ عليك شوي يعني اتعود عليك

حبيبتي اكيد اهوا مقدر انكم بأول أيام يعني الوضع طبيعي خلينا نبديها حبة حبة ...

كل ما يقولج كلام حلو قوليله أنا بعد !! هذي مو صعبه عليج ودايما خلي بلسانج كلمة حبيبي حاولي ..

إن شاءلله بتعودين وتقولين كل الي بقلبج لا تحاتين اهيا اول ايام صعبه جذي ...

حلاتهم بناتنا الحياويين

__________________

وانا اقرا الرساله احس انها نفس مشكلتي
لكن اللي يمنعني من الكلام خوفي ان يعرف بمشاعري وعنده يبعد عني
فقالوا في الامثال الزجل مثل الظل كلما اقتربت منه ابتعد عنك

السلام عليكم

اختي انا عندي فكره

اتصلي عليه وقوي قلبك و قولي له

احبك و اقفلي الخط

عشان الاحراج

وهكذا شوي شوي

وتضبط الامور

__________________

هلا وسهلا اختي nogha اشرق وانور المنتدى بنور طلبك اللي حنا انشا الله نكون قد الثقة خاصة حنا المشاركين الجدد اللي البعض يسمونا بيبيهات المنتدى ...

اختي الحياء شيء طبيعي بكل انسان .. بل العكس انا اظن اللي مايستحي مو بانسان لان الحياء من الايمان ....
المثل يقول اكل العنب حبة حبة .... واللي مايطول العنب حامض عنه يقول
التدرج حلو ... والاحلى منه لما تقدمي على خطوة تكون بجرأة منك وتكون خارجة من قلبك والكلمة اللي تقوليها اعميليلها الف حساب ... بس برضوا التغلي مرفوض .. وهذا عند اكثر الرجال الحين زوجك بفكر بعقله يقول هذه تتغلى علي طييييب انا اوريها شلون التغلي وعااد تقومين بمشاكل معااه وليش صرت كذا ووين الكلام الحلو اللي كنت بتقوله زماان ... هذا الكلام اللي انا متأكد 100 100 انك راح تقولينها اذا هو تغلى... بالبداية حاولي مثلا الله لايحرمني منك ومن حلاك ومن دلالك يازوجي .. وحاولي الله يخلينا لبعض .. وبعدين ابدائي بارسايل بعد فترة تكونين صريحة شوي .. يعني احبك وكلام زي كدا بس ماراح اقد اكتب الكلام عشان قوانين المنتدى تمنع شيء اسمه عذب الكلام ....... المهم انتي ادرى يابنات بالكلام الحلو .... بعد الرسايل او ماتشوفينه قوليله حضر القمر بنوره بهر .. يعني زي كدا

وهو ترا زووووووووووووووووووووووووووووووووووووووووجك ....

اتمنى منك الرد وتقوليلنا اخر التطورات ومحلولة انشا الله

اخوك انسان يحب

حاولي تفهمينه انك تستحين الحين

لكن لما ربي يجمعكم تحت سقف واحد راح تقولين له كل الكلام الي في قلبك

فيه اختي طريقه بس انا ماادري كيف طريقتكم في الجلوس مع بعض يعني اقصد هل احد من اهلك يجلس معكم ولا انتو لوحدكم بس

حاولي لما تجلسين معه تخلين النور خافت يعني ما تشوفين الا خياله بس وبهذه الطريقه صدقيني شوي شوي راح تتكلمين بكل حريه

ولا تنسيني من دعواتك اختي

__________________
دعواتكم لي بالتوفيق

اول شئ اشكر الجميع على الردود الرائعة والمطمنه واسفة على التأخير عارفين رمضان انشغلت الايام اللي فاتت وتوني شفت الردود
المهم بالنسبة للي للتطورات على حالي لا كلام ولاغيره مع انه المسكين حاول قبل يومين يستدرجني بشكل واضح وعلى باله اسهل الطرق انه يسالني اسئلة ويقولي جاوبي بصراحة مع انها اسئلة مو هذه الصعوبة يعني ايش اعني لك؟ ايش تحبي في؟......
انا قلت استغل الفرصة واقول كلام عدل لككككككككككن اختكم الشاطرة ارتبكت وجاوبت بموضوعية شديدددة وقطع في الكلام...صوت واطي ...وغيره من الامور اللي تنرفز يعني اكيد تنرفز مني وقلي ترضي اجاوبلك بهالطريقة قلتلو الكلام اللي قلتولي عليه انه الايام جايه وحتعود عليك قلي ياخوفي هذا طبعك وما يتغير
بعد هالمكالمة حسيته يتغلى علي يومين ويرجع ياحلوه يومين يعني مو عارف ايش يسوي وله اسبوع لحين ما جاني ويقولي للعيد (يباني اشتقله) والله اشتقت له بس هو يقول انه مايحس مدري ايش يباني اسوي لما يقلي وحشتيني رديت عليه وقلت انت كمان مدري ايش يبي آآآآآآآآه طولت عليكم بس والله محتاره فيه ومعاه صرت ما افهمه فوق غموضه وصرت خايفه يصير لي مثل ما قال الاخ انسان يحب(شكرا لاهتمامك)وشكله هذا اللي حيصير مع اني فهمته اني انسانه بردة فعل يعني اللي يعطيني شي اردله باكثر ما يعطي بس يبدأومع كل الناس بس عاد الرجال ما يعجبهم هدا الكلام مره مافي صبر

اسفه على التأخير والحوسه اللي دوخته فيها بس مالي غيركم افضض .