السلام عليكم ورحمة الله وبركاته ....... وبعد

مشكلتي يا اخوان انني كنت سمين حيث كان وزني تقريبا 100 كجم وعملت ريجيم قاسي جدا حيث نزلت الى 74 كجم خلال أربعة اشهرأو اكثر شوي علما بأن طولي 172 سم .
ولكن المشكلة أنني لم اعمل رياضة خلال فترة الريجيم فا صبح جسمي مترهل بالمرة وخصوصا منطقة البطن ترهل غير طبيعي
انا عند الله ثم عندكم اريد حلا لهذة المشكلة التي لم تكن بالحسبان حيث انني ندمت اني سويت ريجيم من شدة الترهل الذي في منطقة البطن بالذات
ارجوكم اللي عندة وصفة من الاعشاب او اي شي ممكن اشد في جسمي لاني بصراحة اصبت بأ حباط شديد جدا
ولكم جزيل الشكر
اخوكم يوسف

الله يساعدك يا اخوي ويشفيك
المفروض تسوي رياضة مع الرجيم حتى يشتد الجسم ولا كان تسوي رجيم قاسي
بس اظن انة ما في الا العملية الجراحية شد الجلد
بس امكن تكون خطيرة بالنسبة لك
واللة يوفقك الى ما فية الخير والصلاح

ارجع اسمن من جديد و بعدين سو رجيم صحي مع رياضة معتدلة...

أخوي أستخدم خل التفاح وطريقة أستخدمه هو أن تمسح خل التفاح على منطقة البطن كل يوم و أن شاء الله تشوف النتيجه تر هذا مو كلامي ؤأنا هو كلام دكتور.................

يب اخوي يوسف لو نعطيك الوصفه اخاف ماتلعب رياضه
شوف..
هات خل التفاح دارنا وهذا احسن شي موجود بالسوق..
وحطه بعلبة رشاشه..
مع شوي موية ورد..
وبعد كل حمام رشه على المناطق المترهله وسوي تدليك..
وخله ينشف كويس والا راح تعلق ريحته المخيسه بالملابس..
بعدين البس ملابسك وتوكل على الله الى الترويشه الثانيه..
ولاااااااااازم الرياضه ماتغنيك عن كل الوصفات..
وانتبه من العمليات تراها خطيره خاصه عندنا مافيه حمايه
للمرضى من النصب..
وعلى فكره الوصفه يبيلها اكثر من شهرين علشان تبين النتيجه..

اخوي انا عندي مثل مشكلتك و شاورت فيها طبيب جلدية من عيادات ديرما و قال ما لك الا عملية.. حالتي يبدو اخف من حالتك فما لك الا 3 خيارات:
1-عملية او تنتظر جهاز راح تجيبه العيادة على اخر الصيف
2- ترجع تسمن( مو شحم بس) حاول تعوض العضلات اللي خسرتها بانك تلعب حديد بعدين اذا رجع جسمك و انشد ارجع اعمل رجيم صحي مع تمارين معتدلة( على ما توصل هذي المرحلة بتكون خبير في التمارين ^_^ خصوصا الحديد)
3- تنتظر من دون ما تسوي شي لعل و عسى تروح من نفسها....

و بما انك ما وراك شي فاقترح عليك الخيار الثاني

اشكركم جزيل الشكر على ردودكم الجميلة بس مسألة اني ارجع اسمن ثاني احسها صعبة مرة لاني ما صدقت على الله اني نحفت
بس شكلي بجرب وصفة خل التفاح مع موية ورد والعب شوية رياضة ونشوف اذا جابت نتيجة .
بس مدري وش هي الرياضة المناسبة علشان اشد جسمي
ومرة ثانية اشكركم على ردودكم الجميلة
وتقبلوا فائق احترامي لكم

السلاااام تحيه طيبه اناااا نفس المشكله لانى سويت عمليه التحويلوضعفت والحين جسمى با يترهل قالى لاازم عمليه شد بس انتظر الين يصير الوزن المثالى والف لا باس عليك[b]

اخوي ابو يعقوب..
رياضة المشي خلها عاده يوميه لك..
والسباحه ..
وبإذن الله بتسرك النتيجه..
وادع لي الله يفرج كربتي.

اشكركم على ردودكم جميعا وخاصة الاخت العزيزة واحة الاحزان اتمنى لك السعادة في حياتك كلها ان شاء الله