ساعدوني عندي بروبلم - منتدى عالم الأسرة والمجتمع

28-03-2005, 10:12 AM

فقيرة خبرة

عضو جديد

تاريخ التسجيل: Feb 2005

المشاركات: 26

ساعدوني عندي بروبلم

بصراحة ماني عارفة شنو اقول
بداية آنا مخطوبة ( مملوكة) انزين وصار لي الحين
عشرة شهور من انخطبت يعني كلها شهرين واكمل سنة
ومشكلتي اني ماحس ان زوجي يهتم فيني مثلاً لو اغيب عنه يوم كامل
حق أي ظرف ماشوف منه اهتمام مايتصل ما يدز مسج على الاقل
يحسسني انه مهتم ومفتقد ومشتاق
وتعرفون اشكثر هالشي مهم بالنسبة للبنت وطبعاً آنا قلت مابي
اغيره بطريقه مباشرة واقعد الوم فيه قلت آنا بسوي الشي اللي ابيه يسويه
لي لان اذا شافني ابادر راح يحس شوي على دمه
واتصل له واذا يغيب عني لازم ادز له مسجات مو مسج واحد واذا يمرض
بعيد الشر عنكم حتى لو شي بسيط زكام او كحه اخلي له بطاقة رومانسية واخليها له في مكان بالسيارة مثلا
عشان اذا شافها يعرف اني مهتمه فيه بس اهو الله يهداه احسه مايعرف يتصرف
معاي يعني لو اني مرضت اتمنى اشوفه قاعد يمي مو بس ايي دقيقه
ويقول انتي مريضه راح اخليج ترتاحين ويروح ولا اشوف منه
حس ولا خبر غير هالزيارة البسيطه طبعاً مايقصر اييب لي ادوية وغيره
بس هالشي روتيني أي زوج يسويه لانه واجبه وآنا بطبعي احب الاشياء
اللي تخلي حياتي متميزة مو حياة عاديه ممله
وبعد كوني مخطوبه اكثر شي اشوفه فيه باليل لان بالنهار اهو يكون
بالدوام فبالليل انسب وقت وللأسف طول النهار مايدري عني يعني صار عندي
روتين يومي ان اشوفه بالليل نطلع نروح مكان نتفسح ونرجع بيوتنا
ننام ونصبح وهلم جرا
ملييييييييييييييييييييت
طقت جبدددددي

ودي يفاجئني بشي لو بسيط بس يكسر هالروتين القاتل
اللي زهقت منه آنا مع العلم صارحته بهالشي وقام وعصب علي
وقالي الواحد مايعرف شنو يسوي لج عشان ترضين اقول له
آنا ماقلت انت مقصر علي بشي بس آنا ابي منك اهتمام غير اهتمام
يحسسني بحبك لي وآنا مو قاعدة اتهمك او اهاوشك اعتبره عتاب
ولو ماتهمني ماعاتبتك بس مو راضي يقتنع وحاط اللوم علي ويقول
آنا ما أقدر ظروف انشغاله
يعني الحين مسج بياخذ شنو من وقته صج الرياييل يبطون
الجبد

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 08:26 PM.

روابط سريعه