مرحبا
اول شي بحب اقول اني عضوه جديده معكم واني انشالله رح ابقى عم بشارك معكن
طول مافي نت على وجه الدنيا
وبصراحه يعني بدي اعمل لكم اختبار قبل ما ابلش اشارك
هيك بدي اسال كم سؤال
لاني زواجي بعد 3شهور ومنيح لقيتكم قبل ما اتورط وانا باسألتي ومشاكلي
بقا في عندي هالسؤالين وياريت الاقي الجواب الشافي عندكن وباين انو اصحاب الخبره كتير
اول سؤال :
اني انا مخطوبه من سنه تقريبا وشهرين بس الخطبه تمت بشكل غريب يعني خطبتي كانت على التليفون وانو صديق واحد من العيله سمع عن البنت الي هيه انا وحب انو يخطبها لابنو مع انو بحياتي ماشفت هالانسان ولا بعرفو وانا من دوله وهوه من دوله
واتصل وقال لاهلي اني طالب فلانه وهوه الاب (والد الشب بيعرفني من يوم كنت صغيره وانا مابعرفهم ابدا وطبعا والدي رضي لثقته بهدول الناس وانا من هذاك الوقت طبعا رضيت وقلت الي مابعرفو بتعرف عليه وبعدين بلشت احكي مع خطيبي بالتليفون والانترنت والمسنجر واول كم مره حكيت فيها معو كنت شوي مرتبكه بس بعدين الي بيشوفنا عم نحكي هيك بيقول هدول متزوجين من 20 سنه وانا حبيتو كتير وهوه حبني جدا وخلص ماعاد فينا ابدا نستغني عن بعض
لاحظو هوه بدوله وانا بدوله تانيه
وهلاء صار نصيب واجا من شهر لهون على نفس الدوله الي انا فيها مشان يشتغل ونتزوج لانو على حكيو خلص مابقا يطيق بعده عني
ولما اجا على قد ما كنت مشتاقه اشوفو بحس اني مابدي اشوفو ابدا
لانوا اول لقاء رحنا عملنا كتب كتاب وبعدين جينا ع البيت وانا ما حكيت ولا كلمه معو ولاقدرت اسلم عليه يد بيد واذا بدو يسالني سؤال ماعم اقدر اجاوب عليه بس راسي بالارض ووجهي احمر
وهوه بيقلي انتي عنجد الي بتحكي معي بالتليفون وع النت بنبقى ساعات منحكي شو صرلك لما بشوفك
وبعدين اهلي بيضلو مطوقين المكان والي جالس معنا وانا بطرف وهوه بطرف وانا بجلس قدامو محجبه طبعا لانو اهلي مو راضين اني اطلع بشعري وهوه المسكين ولا مره بحياتو شافني عادي دائما محجبه وحتى اخر فتره صار يقلي غطي وجهك لما بجي تاني مره وصار يزعل كتير
وبيتضايق اكتر لما مابقدر احكي معو لما منكون مع بعض وانا بحس قلبي عم يخفق بقوه كتير
وهلاء بلشنا بتجهيز البيت ونشتري الاثاث ومنروح سوى على السوق وانا مافيني احكي ولا كلمه ماني عرفانه ليش ولا برضى امسك بايديه مع انو نفسي والله نفسي حتى اضمو بعد الغيبه الطويله
لدرجه انو اشترى كل شي لوحده وانا ساكته
انا بس بدي حل الي اني افرح قلبه واحكي معو لو كلمتين على بعض يعني مو بالمره مابحكي بس بحكي وصوت فيو رجفه ولما بيبلش يغازل قدام اخلي بجي بدي ابكي
وهلاء صار يقول انا رح اضلني عم بحكي معك ع التليفون لانو اسهل وفي اشياء بدنا نتناقش فيها
وكمان انو مو كل شي بحكيه يعني هوه بيسال متى موعد الدوره الشهريه لحتى يعرف اذا بدو يوصي على كروت الفرح مايتوافق مع الدوره موعد العرس وانا كنت عم قول مالك دخل وانت شو الك علاقه بهيك قصص
ولما بدنا نشتري غرفة النوم اجا جنبي وقلي بدك سرير واحد ولا سريرين ولا سرير واحد حتى نستمتع سوى
بس انا قلبت وجهي مع اني مابخاف من الجنس بس مابحب نحكي فيو لانو بحس لما بيحكي الحكي مرعب
وشو اعمل بلييييز حاسه الرجال تعقد وهوه انا نفسي والله احكي معه بس مافيني وكل مره بقول خلص هالمره بدي احكي واطلع فيو ومابقدر واخر مره حطيت بودره على وجهي حتى مايبان الخجل واللون الاحمر وكمان بان انا خايفه ابقى هيك بعد الزواج كمان والله مصيبه
هذا السؤال الاول
السؤال التاني للبنات
انا يا اخواتي البنت الوحيده عند اهلي ومابطلع كتير من البيت وحتى صديقات كتير ماعندي ومابعرف شي لانو امي ما كتير بحكي معها
سؤالي هوه انو الدوره الشهريه ممكن تنزل على شكل دم متجلط يعني قطع دم كبيره شوي
حتى انها احيانا مابتنزل بسهوله وبحس فيها كتير لما بتنزل وهدا الشي بيأثر على الغشاء ولا عادي وكمان اللون الداكن في هالمنطقه عادي واذا كان عادي كيف ممكن اني اخفف منو وكمان بحس انو في شويه ترهل وانا مابعرف احيانا بفكر انو معي مرض يعني العضلات الداخليه مترهله مش الداخليه بالمره الي هيه بيسموها الشفرات الداخليه فيها شويه ترهل ومابعرف طبيعي ولا بدو علاج لانو الزواج قرب
وانا بعرف اشغلتكم معي بس الله بيجزاكم كل الخير على المساعده وانشالله عقبال الي مو متزوجين يفرحو يتزوجو لانو مافي شي احلى من الحب والزواج
27-09-2004, 12:19 PM
ضوابط المشاركة
العرض العادي
