السلام عليكم ورحمة الله وبركاته ..
حياكم الله جميعاً ..
أولاً : وأشكركم على هذا المنتدى الرائع اللذي وجدت فيه النفع الكثير والمعلومات القيمة والخبرات .
ثانياً : أنا سلمكم الله عمري 22 وتوي متخرج من الجامعة وابحث عن وظيفة وبيسرها ربي بإذن الله ، أنا متعرف لي على عائلة من خارج ديرتنا ولي تقريباً ٣ سنوات اعرفهم .. وهم ماشاء الله تبارك الله أخلاق واحترام وطيبة قلب وحبوبين حيل وبنفس الوقت مرتاحين لي ويحبونن وينادوني لزواجات عيالهم وبناتهم ومتواصلين معي بشكل مستمر .. السالفة وما فيها اني ودي اخطب منهم والاسباب كثيرة : اول شيء انا مرتاح لهم وهم مرتاحين لي ، ثاني شيء : اخلاقهم واحترامهم وامهم اهم حاجه .. سنعه بالحيل ومربية عيالها وبناتها تربية ماشاء الله ثالث شيء عندهم بنت بنفس عمري ولسى متخرجه
وماودي تروح علي أبغى رايكم اخطبها الحين وبعد مااحصل وظيفة اتملك عليها ونتزوج ان شاء الله محتااااار جداً جداً .. فلا تبخلون بردودكم

وعليكم السلام ورحمة الله وبركاته
الف مبروك اخوي على التخرج واسأل الله أن يوفقك بالوظيفه الزينه ..
أخوي بما أنك تعرفهم وتعرف تربيتهم وعلىرتواصل مستمر معهم ..
مابقي عليك إلا الأستخارة ثمن طلب النظرة الشرعية وهذي اهم نقطة ..
اسأل الله أن يوفقنا ويوفقك لما يحب ويرضى

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

و لما نظرة شرعية
شاف البنت و خلص من زمان؟؟

ما رأي أهلك بزواجك من خارج بلدك؟
وهل التصريح للزواج صعب او سهالات؟
برأيي اذا كل شي متيسر. أخطب

__________________

الله يجزاكم خير واياك يارب ..
بخصوص المسافة ترى كلنا بمنطقة وحدة ديرتنا تبعد عنهم ٥٠ كيلو
انا اللي محتار فيه اخطب وانا لسى ماتوظفت واقول لهم الملكة ان شاء الله بعد مااتوظف ،، بخصوص النظرة الشرعية أكيد ضروري بالخطبة اني اشوفها .. لكن متأكد انها

الله يبارك فيك يابعدي ... اللهم امين والجميع يارب ..
بخصوص النظرة الشرعية فأكيد بتكون بالخطبة .. لكن انا اللي محتار فيه اخطب الحين وأنا مابعد توظفت ؟ يعني اخطب واخبرهم انه الملكة والزواج بعد ما أتوظف ؟

الله يسعدك شوفي رده

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

أستخير وتوكل على الله وأخطب
عسى ربي يوفقك

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

استخير واستشير اهلك

اخطب اولاً بعد الاستخاره !!!
وتوظف ورتب امورك ، ومبروك ياعريس مقدماً ....

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

ابو دحيم وراك عجل؟
اقولك عندي بالشغل شباب اطباء اعمارهم فوق الثلاثين ما تزوجو ، لما تسألهم يقولو والله اكبر غلط ما تزوجنا بدري وقلنا نبي نفلها وما سوينا شي..

وعندنا شباب متزوجين من اعمارهم 24.. ولما تسألهم. يقولو لا تتركون العزوبية غلطة الزواج من بدري ما فليناها ومتعنا اعمارنا عزاب !! هههههههه

الفكرة ما يهم اي عمر تتزوج، لكن الي يهم انك مستعد فكريا للزواج وقد المسؤولية .. انا عمري 27 واقولك تفكيري لما كان 23 يختلف وكانت فيه اشياء بايخة اسويها ..

نصيحة انتظر اشتغل وجمع لك كم قرش.. سوي اي شي كنت مخطط له .. تبي تسافر تتمشى تبي تسوي اي شي.. سويه بعدين تزوج وعمرك 26 مثلا ... جدا مناسب.. والبيوت مليانة بنات يعني ما وقفت على البنت هذي..