السلام عليكم ورحمه الله وبركاته
كالعاده احب ان افضفض هنا عندكم
اصبح اريح من الفضفضه لاي شخص على ارض الواقع
مع نهايه العام الماضي
حسيت بتغير بشخصيتي ويمكن بعد حسيتوه بكتاباتي هنا بالمنتدى
في الماضي كنت صريحه ...واعبر عن وجهه نظري
بمعنى لو كل العالم اتفق على شي وانا اشوفه خطا مستحيل بقول معاهم اىه صح
اعجب من اعجب وزعل من زعل
كنت اكره النفاق موت
بمعنى لو وحده نزلت شي مثلا بالقروب والكل سلك لها
ما اعمل زيهم ...على الاقل بصمت
لو ثنتين صار بينهم خلاف ووحده شفتها الغلطانه
بقول فلانه انتي غلطتي
ماراح اعمل زي الاغلبيه الي يقولوا لهذي مشي الموضوع وهذي مشي الموضوع
في الفتره الاخيره صرت ابلع ارائي ان شاءالله لو كان الشخص بيموت اذا مانصحته ودليته
مالي شغل ولا لي صالح باحد
وصرت مجامله كثير
ورسميه اكثر
صحيح عندي صديقات كلوز مره
سوالفنا عادي
لكن البقيه توقفت عن قول ارائي
اكبر مثال لما يطرحوا مواضيع سياسبه واجتماعيه ابدا مااشارك
بصراحه ارتحت وكبرت راسي
ولا تزعلوا مني ولكن صرت اقول العالم مايفهوني وارائي وطرحي فوق استيعابهم
هم كذا المجتمع يبغوا واو صح
صار ما يهمي وش يظنوا الناس ووش يقنعهم
شي ثاني ماعاد يهمني من يجي من يروح
اهم شي راحتي
لو اخسر هذا الشخص اهم شي مايكون هناك مصدر قلق بحياتي
بالسابق كنت جدا اهتم بالاشخاص واواصلهم دائما ومااحب اخسر احد بحياتي
الان ساحبه واسلك للعالم بابتسامه صفراء
مدري اذا فهمتوني او لا
احس اني مهمشه الناس جدا
ولاعاد تهمني مشاعرهم ناحيتي
لاني متاكده دام اني لا اعاتب ولا اعبر عن وجهه نظري ورافعه نفسي عن الاغلبيه مابيكون مشاكل او مشاعر كره ناحيتي
لكن بفقد الخصوصيه ومكانتي عندهم كصديق وفي ومخلص كالسابق