السلام عليكم
أنا فتاة سعوديه طبعا . صار لي تقريبا 6 أشهر مخطوبه والحمد لله زوجي صالح وعفيف وحبيته حب صافي أو يمكن عشقته موبس حبيته وهو كمان حبني وماتصورنا في يوم من الأيام ان أحنا نفترق أو انفكر نترك بعض حتى في اصعب الظروف الي مرت علينا.
لاكن الن صار لي تقريبا خمسة ايام ماشفته ويادوب يكلمني بالتلفون والمشكله ابوي الله يسامحه .
خطيبي على قد حاله وأنا عارفه وابوي عارف هذا الشي من الأول مع هذا أنا قبلت وهو قبل لأن أنا ياجماعه ادور على الرجل الصالح الي ألقى معه السعاده والحب والإحترام والحمد لله هذا الشي لقيته فيهوأنا ماادور على المركز وعلى الفلوس لأ ابدا لن السعاده ماتجي بالفلوس .
والمشكله أن خطيبي أبوه كبير ومايشتغل وخطيبي هو الي يصرف على بيتهم وهذا الشي أنا ماانزعجت منه ابدا وانا شجعته على هالشي وهذا الي زاد حبي له ووافقت أني أسكن معاه في بيتهم لأن راتبه على قده وتقريبا راتبه يروح على الجمعيات مع ذالك قدرت ظروفه وقلت ماعليه كل الشباب كذا مساكين .لاكن ماتصور أن عمه وخاله ينكبون به بعد ماالحو عليه يخطب وقالو له اخطب وكلنا راح نوقف معاك ونساعدك لين رضا وتقدم لي لاكن بعد ماكتبنا الكتاب بأسبوع الكل ابتعد عنه ولحد الآن مالقى منهم اي مساعده حتى أنه راح حق عمه يطلب منه يكفله عشان ياخذ سلفيه من بنك التسليف تعدذر منه وقال له مااقدر اكفلك لأني كافل واحد ونفس الشي خاله قال له نفس الكلام .
ولحد الن موعارف وش يسوي وكيف يكمل مصاريف الزواج وهو لوحده وماحد وقف معاه وأحنا صار لنا (6أشهر) من كتبنا الكتاب ولاسوينا شي لحد الآن ولااحنا قادرين نحدد زواجنا .وفي الأخير أنا قمت وساعدته بمبلغ (سبعه آلاف ريال) وفي الأول مارضا يقبلها مني لاكن مع الإلحاح عليه رضا وأحسه قام يحبني ويحترمني أكثر لأني على قولته كبرت بعينه وانشالله يرد لي الجميل بدال المره مرتين . لاكن أبوي درا أني ساعدته بهالمبلغ وزعل مني وهاوشني وسوا لي مشكله ليش أني عطيته هالمبلغ على قولته خايف انه يقص علي وينكر بعدين أني عطيته هالمبلغ بعد مادخل حسابه ويفسخ الخطوبه. والكلام وصل لخطيبي وزعل من كلام ابوي لأنه اعتبره إهانه له وان ابوي موواثق فيه وطلعه مثل الحرامي بالضبط.
وصارت بينا مشكله بسبب (وصخ دنيا) ومع الكلام والإتصالات في الأخير قرر أنه يفسخ الخطوبه لأنه مايبي ينحرج مع اهلي لأنه مايقدر يتزوج ومافيه احد وقف معاه وأكيد بيطول في فترة الخطوبه.
وأنا ليلحين ماعلمت أي أحد من اهلي بموضوع فسخ الخطبه على امل انه يغير رايه ويلقاله حد يساعده عشان يقدر يتزوج.

والآن يااخوان أبي منكم حد يساعدني في مشكلتي لإنقاذي وإنقاذ الحب الي بينا لأني موقادره اتخيل أني أتركه في يوم من الأيام من أجل وسخ دنيا.

والله يجزاكم خير.

مااقدر اقولك يااختي غير الله يعينك ويعينه وان شاء الله تتعدل اموركم وتتيسر انتي اصبري واكثري من الدعاء فصلاتك والله يخفف عليك واش يدريك امكن ربي يعدلها من عنده .......

__________________

	لا اله الا الله محمد رسول الله

ايوه صح لقيتها انا سمعت ان فيه جمعيات خيريه تتكفل بمصاريف اللي يبون يتزوجون ومو قادرين بسبب ظروف ماديه واعتقد صارت السنه الماضيه عندنا فجده وصار زواج جماعي مره حلوانتي اسألي عنها وانتي قولي لخطيبك لا يستعجل اذا هو بالفعل شاريك يتحمل والحياه فيها مشاكل كثير وكل مشكله لها حل صدقيني فحكاية الجمعيات اللي تساعد الراغبين بالزواج هي الحل وانتي اتصلي عليهم او هو يتصل اي واحد منكم اهم شي ماتستسلمون للمشاكل وانتو لسى ماشفتوا شي اذا هذه اول مشكله تواجهكم كانكم يأستو واستسلمتو واجهوا المشاكل بقلب جامد وراااح تتعدل صدقيني بس لنتي فكري فالحل اللي قلته ورااااح تتعدل من عند الكريم سبحانه ولك خالص دعواتي وشكرا

__________________

	لا اله الا الله محمد رسول الله

الله يصبرك علىمشكلتك ويعينك عليها ترى الفرج من رب العالمين ادعيه
وبالنسبه لاهلك عليهم ان يصبروا على الشاب او يتم عمل الزواج باقل تكلفه ممكنه
اخبري اي شخص من اهلك يستطيع ان يؤثر على والدك لتسهيل الزواج
والله يعينك يااختي مشاكل الاهل والزواج اصعب المشاكل

مرحبا الغالية
قريت رسالتج وقلبي عورني عليج واااايد
بس تدرين حاولي تقنعين اهلج بأنج ماسويتي شي غلط وعطيتي ريلج مب حد غريب
حبيبتي اذا كنتي انتي فعلا اتحبينه المفروض تتنازلين عن كل مصاريف الزواج
وتضحين بكل شي عشان لاخسرين الانسان اللي اتحبينه
وعلى فكره مصاريف الزواج هذي كلها خرابيط مالها لازم خصوصا اذا كانت حالة الزوج المادية تعبانه
فكري في مستقبلج انا اعرف ان الاهل مستحيل يرضون او يقتنعون بس
بإصرارج ممكن كل شي يصير طبعا اذا كنتي اتحبين زوجج
فكري عدل واتمنى ان الله يجمعكم بأسرع وقت ممكن
طمنيني عليج

السلام عليكم ورحمه الله

لا استطيع القول الا الله الموفق

واسئل الله ان يرزق خطيبك من حيث لا يحتسب

واتم الزواج بالخير

والله الموفق

__________________



اللهم ارزقني حبك وحب من يحبك وحب كل عمل يقربني الى حبك
واستغفر الله لذنبي وللمسلمين والمسلمات جميعا الاحياء منهم والاموات
اللهم امين
...."ربى لا تذرني فردا وانت خير الوارثين"....

الله يعينكم و ييسرلكم طريق الحلال و يجمعكم عن قريب.........
الصبر مفتاح الفرج يا أختي..........

اسال الله العلي القدير ان ييسر لكم اموركم
اكثري من الدعاء
واصبري
ان بعد العسر يسر

وارى ان فكرة الجمعيات الخيرية معقولة جدا
وايضا محاولة التقليل من تكاليف الزواج شي مهم طالما تم كتب الكتاب
و له بيت وانتي موافقة علي السكن مع اهله

__________________
لكم تحياتي ...أخوكم حجي

زاهده .. اول شي خطيبك قرر يفسخ الخطبة بدون ما يلمح انها رح يرجع لك المبلغ ؟ والا لا ؟

ترى يمكن نظرة ابوك ما خابت ..

ويمكن تتزوجيه ويستغلك وتجلس تتنازلي ..

انا احييك انك ما نظرت الى الحياة المادية .. ولكن الرجل اللي يفرط في بنت مثلك ما يستاهل تزعلي نفسك عليه ..

استخيري الله ..

واذا كان هالولد شاريكي رح يصبر على المر مو على ابوكي بس

يا اختي ابوكي يخاف على مصلحتك .. والله ييسر لك الخير

شكورين أخواني واخواتي على ردودكم ومثل ماقلتو الصبر مفتاح الفرج وأحنا الي علينا بنسويه والباقي على الله سبحانه .
وأحب اقول لكم أن أحنا فكرنا نروح للجمعيات الخيريه وراح لهم خطيبي قالو له أحنا نقدر نعطيك الأجهزه الكهربائيه أو غرفة النوم وأنت أختار.

أما بالنسبه لطيبيبة القلوب أحب أشكرك على تحليلك للموضوع وتنبيهي .
بس حبيت أقول لك أن خطيبي من يوم سمع أن ابوي موراضي بالي أنا سويته جا من شغله مسكين بالليل ولاحتى استأذن من الشغل جا عطاني فلوسي وفوقهم زود بعد من عنده . ساعه وحده بس ورجع مره ثانيه لشغله .

ومشكورين اخواني وماقصرتوا.