السلام عليكم ورحمة الله وبركاته...

أنا دخلت المنتدى وكنت مخطوبه .. واليوم كانت ملكتي ... باين وجهكم خير عليه ..بس عندي مشكله أن زوجي يبغي يكلمني في التلفون ويبغي كمان أن يشوفني على الأقل مره في بيتنا ... المهم أنا رافضة هشي بتاتا ..لا أريد أكلمه ولا أريد أشوفه .. يعني أبغي العرس يكون شي جديد علينا وابغي يكون له ذوق ومشاعر مختلفه ما أبغي تعرفنا قبل العرس يحرق هذا كله.. المهم هو شاف صورتي وانا أعرف شكله كمان..ويعرف أشياء كثيره عني عن طريق أهله وانا بعد توصلي أخباره عن طرق أهله.. المهم أنتم شو رايكم وعلى فكره العرس بيكون بعد 5 شهور أو أكثر؟ صح سمعت التعارف خلال فترة الملكه له آثار سلبيه ؟

اولا مبروك عليكم واتمنى لكم السعاده نصيحتي مع اخذ اكثر من راي في هذه الموضوع لاتقبلي بهذه الشي بعذر اهلك يمنعوا هذا الشي واكيد تفهميه بانني لااستطيع ان اعمل شي من دون موافقة اهلك صدقيني بهذا الشي حتكبري في عينيه لو متاخر ولا تحبذا المكالمه في التليفون +لانك غير متعوده على هذا الشي مع اعطائه قصص لو من الخيال لااحد يحبذ هذا الشي وان لانحرق شهرالعسل
بالتوفيق انشاءالله

__________________
قالت تبي ترجع عقب يومين غيابها طول وأنا في رجاها

__________________
اللهم صلي على سيدنا محمد صلااة اهل السموات واراضين عليه واجري يارب لطفك الخفي في امري والمسلمين

شكرا يا السعد على الرد ,, أنا أبغي أسوي نفس الكلام الي قلته أو قلتيه... أنا قلت لخواته ما أبغي أسوي شي من ورى اخواني الشباب .. واذا بغى يكلمني يكلم أبوي واخواني الشباب واذا رضوا إنشالله بفكر بهشي.. المهم أنا اخواني الشباب يغارون كثير عشان كذا متأكده إنهم راح يرفضون .. المهم شكرا جدا على هالنصيحه لأني جد حيرانه وأنا ما ابغي أكلمه,, أتمنى من أعضاء المنتدى أنهم ينصحوني .. وخاصه الرجال والي تكلموا خلال فترة الملكه

بالعكس!! انا اقول كلميه بالتيليفون!! هذا زوجك الحين مو غريب!! وبعدين لا تحرقين حلاوة ايام الملكة!!!! احلى الايام هي ايام الملكة . . مكالمات بالتيليفون . . و مرة بالاسبوع يزورك في بيتكم . . هذا شئ من حقة يا اختي!! هذا زوجك مو غريب!! و هذي حلاوة ايم الملكة . . لان اذا صار العرس ما راح تتكلمون بالتيليفون . . بتروحين معاه البيت . . صح؟! فحرام لا تضيعين من ايديكي و ايدين زوجك هالايام الحلوة . . و طبعا بعد العرس بيكون ايام غيييييييييير و ايام جديدة . . يا اختي كل وقت و له جماله . . و كل فترة ولها حلاتها . . فنصيحتي . . عادي كاميه بالتيليفون مرة وحدة يوميا . . و خليه يزوركم بالبيت مرة بالاسبوع . . يجلس معاك و مع اهلك . . والله حرام تفوتين هالايام الحلوة من ايدينك . . . .







اختكم : دهن العود.

الله يبارك فيك يا بنت الموج ... بس ما نصحتيني ؟ أفا دخلتي وما نصحتينا حتى بكلمه وحده
وتحياتي

شكرا اختي دهن العود على الرد.. بس تعرفين جد خايفة من الكلام وياه,, قالولي كثير من المتزوجات لا تكلمينه عشانهم هم كلموا أزواجهم في فتره الملكه .. وفي شهر العسل من أول يومين كان كل شي عادي يعني ما في حب استكشاف الشخص الثاني لأن خلاص عرفوا بعض عدل .. فهل هذا صحيح

انا اقولك مبروك اولا
وبعدين ما فيها شئ اذا
كلمتيه اصلا احسن لك
مايصير تدخلين ليلة
العرس على طول على رجال
ماتعرفينه مامره كلمتيه
وجلستي معه لو قليل مو حلوه واجد
الله يوفقك

هلا يا اختي هند أم أحمد وشكرا .. أنا لاحظت إن النساء رايهم يلين الحين إني أكلمه ... اتمنى من الرجال إفادتي؟

عزيزتى
أولا ألف ألف ألف مبروووووووووووووووووك .... وربنا يتم لك على خير
ثانيا أنا رأيى من رأى دهن العود فمافى مانع إنك تكلميه مرة فى اليوم أو يزورك مرة فى الإسبوع
لأنها فعلا هذى من أحلى أيام العمر ...... وعلشان بعدين ماتكونى كأنك داخلة على غريب
بل على العكس تكونى حاسة بالأمان من أول يوم لأنك عرفتيه وعرفتى طبايعه ... وتقدرين
تجعلين نفسك مناسبة معه فى كل شئ .............. ومثل مايقولون كل شئ وله حلاوته .....
وكمان الله يوفقك ومبروك مرة ثانية .