سلام عليكم و رحمة الله و بركاته
أنا بعد مشاركاتي بهيدا المنتدى لقيت منكم أروع ناصحين و الله اعلم بحجم الثقة التي زرعتموها في قلبي تجاهكم ..لكم جزيــــــــــــــل الشكر
هذه المرة جئتكم بمشكلة لصديقتي و هي قريبتي أيضا و هي اعز صديقة إلي ..
مشكلتها في نظري ليست بالكبيرة لكنها تزعجها و مش واثقة إنو نصيحتي لها كافية لهذا لجأت إليكم كي تساعدوها و تنصحوها .....

صديقتي تخرجت من شي سنة و تعمل هلأ عمرها 22 سنة ونصف هي ملتزمة ماشاء الله لا ازكي على الله أحد لكن احسبها من الصالحات .. المهم هي تخاف من العلاقات المحرمة خصوصا بسبب اللي عم بيصير هلأ بجتمعاتنا الشاب و الفتاة تكون علاقتهم غير شرعية يعني قبل الملكة يعني العقد المدني او الشرعي يتكلموا بكل شي و و يضهروا مع بعض فهي في ظل هيدا الخوف كانت تقوم الليل و تدعي دعت الله كزا مرة إنو ما يوصل لأهلها الا اللي يكون نصيبها فهلأ اللي بيتقدمولها تيخطبوها سبحان الله ما بيوصلوا لبيا - أبوها- فبيحكوا مع اخوها فبتقلوا هي لأ لأن ما في المواصفات اللي هي بدا ...فالمشكلة اهلها كتير بيزعجوها إنو مواصفاتك هيدي مستحيل تكون موجودة ..
هي شو بدها ؟؟؟؟؟؟؟؟؟؟
هي بدها شب يكون متدين كما يحب الله و رسوله الدين الصح دين و أخلاق مش اللي عم نشوفوا هلأ أمام الناس قديس و في الخلوات إبليس ..من بره الله الله و من جوا يعلم الله .. يكون يفهم عليها و قريب من الله فعلا من جواتو
و كمان يكون مش من بلدها يعني يكون من غير بلد و تحديدا من بلد كتير بعيدة عنا و ثقافاتنا مختلفة و ما بعرف هي ليش كل هالقد مصرة على هيدي النقطة ما بدا تتنازل فيها ابدا رغم إني بصراحة بقلها انو رح يكون تواصل جوزا- زوجها مع اهلها كتير صعب .المهم هدول هنن شروطها الرئيسية و و في أكيد شروط ثانوية مثل الشكل و المادة و غيرو .. هي عندها صورة وااضحة بشكل غريب و كأنو بتعرفو .. يعني تفاصيل التفاصيل بتلاقيها .. أحيانا بشك فيها بقلها أكيد بتعرفيه بس تحلفلي إنها ما بتعرفوا بس مجرد حلم بدها يتحقق و بس .. اهلها بيقولولها هيدي الورقة ابعثيها لله يفصل حدا هيك لأنو مش موجود فبتقلهن هي ليش انا بعثتها لالكن ما هي لله اصلا و هو القادر فبيهزؤوا فيها كتير بصراحة احيانا بتصعب علي لانهن عاملينها مسخرة بمجالسن و أنا بنزعج و هنن بقولولها رح تعنسي و هيك اشياء ..شو اعمل معها ...
أنا قلتلها ممكن رغم إني بصراحة بشوف الأمر صعب .. لان بيتقدمولهها شباب يعني ماشي حالن مناح هي مصرة على التدين و من حقها و كمان البلد يكون مش من بلدنا و هيدي الصعبة .....
إنتو خصوصا أصحاب الخبرة شو بتنصحوني قلها ؟؟؟