السلام عليكم ورحمه الله

تحية طيبه
اعطيكم نبذه مختصره عني وبعدها ادخل باستفساري ....
:
انا والحمدلله تمت ملكتي قبل سنه تقريباا , وبعد الملكه مااخذ رقمي الا بعد شهر وعن طريق خالته
كنت متخوفه بالبدايه من عدم اهتمامه بعدها صار يتواصل معي بطريق الرسائل ( لم يتصل ) !
وفعلت المثل , واهلي تعجبو من الوضع لانه حيآء بغير محله وبعد فتره اتصل ورديت عليه
بقراره نفسي فرحت انه اتصل لكن حسيته متلبك بكلامه قلت خجول وانا برضه خجوله لكن الخجل له حدود!
:
المهم مرت الشهوور وصرنا نتواصل شهريا بالاتصال لكن كلامنآ رسمي(مثل الاصدقاء) ماتكلم عني مامدح شكلي ولا أي شي يتعلق بي ماذكر فيني صفات محببه او جميله ماحسسني انه يميل لي كانثى
لدرجه اني فقدت الثقه بنفسي قلت يابنت ممكن ينحرج منك بادري انتي بادرت انا تدريجيا واحسه يتفاعل شي بسيييييط ويررجع زي ماكان ! واذا صارحته اذا هو مرتاح معي او لا يجاوبني ايه مرتاح !
لكن اسلوبه معاي مايبين هالشي احسه بآرد
وحتى اذا سالته عن مايحب ويكره يتهرب من الاجابه برد مختصر عقيم بدون معنى ولامضمون ولايعطيني الكلام اللي احب اسمعه !!
واحس احيان انه يتجنبني ولايحب التواصل معي (باستمرار )
مثال :-
أخذت ايميله وادخل باستمرار لكن انا متأكده يدخل ظهور دون اتصال ولا يتحدث معي ! الا اذا اخبرته برغبتي بالتحدث فيتصل ويحدثني وغيره مستحييل بالرغم انه يعرف اني احب اتواصل معاااه !

واغلب اللي حولي يأكدون انه هذه التصرفات مريبه وغريبه بالنسبه للملكين
أنا مرحه وأكره اضيع وقتي بالمشاكل وحنونه ورومنسيه جدا بس هو ماعرفت طبعه للحين !

زواجنا باذن الله بعد اسبوعين ولحد الان ماتكلم بمواضيع تحسسني انه مرتاح لي كزوجه ولا تطرق حتى للمواضيع الخاصه بنا كزوجين ولا حتى لمح أبداا باختصار مافي ميآآنه

هل هذا الوضع طبيعي ؟ اخاف انه مخبي علي سر خطير او انه يكون عنده عجز او ليس لديه ميول للنسآء يعني يتزوج لان هذه سنه الحياه !!

أتمنى الاقي تفاعل من الرجال لانهم ادرى واعرف ببعضهم ... والله يستر
/

ساعدوني الله يجزآكم بالخير
وادعو لي ولزوجي انه الله يحفظه ويسخره لي
والحمدلله على فضله ونعمــه ... بانتظاركم ,

والله صراحه مدري وش اقول لك بس لو انتي حاسه ان ذا شي فوق حد وفوق طاقتك لا تعبين نفسك وقلبك خلاص كلميه جد يعني انتي اتصلي واسئليه قولي له اذا تحس ان تواصلي معاك مزعجك خبرني ولاشنو سبب الي يخليك تتهرب مني
لان هذا شي يضايقني وتاكد ماراح نقدر نستمر اذا كنت انت كذا بدون سبب عطني سبب مقنع يخليك تتعامل معي كذا وشوفي رده فعله بعدها تقدرين تحكمين وعلى رده فعله تعرفين كيف تتصرفين

شكرا حبيبتي عالرد

انا واجهته بطريقه لبقه بعد ماصبرت وسكت فتره طويله وصارحته حسيته زعل
يشوف نفسه طبيعي ماسوا شي يثير استغرابي وقال انا مرتاح الحمدلله معاك

بعدها سكت ماعاد عرفت وش اقوله

انا اللي اخاف منه يستمر على كذا لبعد الزوآج ولا وش رايك تتوقعين يتغير ؟
ياريت اسمع اراء الرجال تعرفون بعضكم صراحه انا جد تعبت خلااص

يعافيك ربي ويوفقك تسلمين

وعندي كذا اسئله للرجال

وش اللي يخلي الرجال اذا ملك مايعبر عن مشاعره لخطيبته ولا يمدحها وهي بكامل زينتها امامه !
ليش يتجاهلهاا ولا يحسسها بانوثتها ؟

هل مرض او حاله نفسيه او شي خطير او ماذا ؟

احتاج مساعده عاجله لان نفسيتي تعبت من هذا الموضوع
واخاف اظن فيه ظن سوء واتهمه بالشذوذ والعياذ بالله

أنا بقول لك شي بصراحه , انا في بالي إذا خطبت وملكت ماراح اكلمها حتى ليلة الدخلة وراح تكون أول ثلاثه ايام في بداية زواجنا كلها تعارف وسوالف ولكن بطريقه حلوة , لان الفترة بين الملكة والزواج بحاول تكون فترة قصيرة .
مادري هل توافقيني الرأي ؟

حزن السعوديه باوافقك الرأي بانه فتره الملكه نصيحه لاتطول عن 3 شهور
إنت او كحد اقصى 6 شهور اذا طالت كثرت المشاكل

لكن لازم يكون فيه تعارف خلال هالفتره ومكالمات عشان تعرفون بعض مو تجي ليلة الدخله ماتعرفون بعض
الدعوه ماهي اكشط واربح واللي يجي يجي لااا لااا !



انت خليك وااااااثق من نفسك مهمآ كان خلي لك شخصيه واضحه وحلوه وصريحه قدام خطيبتك
لانها بتاخذ عنك انطباع بهذه الفتره

باسالك سؤال انت فعلا ودك تتزوج كرغبه منك ولا عشان ظغوطات الاهل وكذا سنه الحياه وبس !

اذا كان عشان الاهل وبس وانت بقراره نفسك ماودك لاتظلم بنت النآس

والله يوفقك ان شاءالله بزوجه صالحه تقدرك

صباح الخير حبيبتي
اولا مبروك مقدما على الزواج
خطيبك حركاته غريبه من جد لان الفتره هذي من اهم الفترات في حيات المعاريس
بعدين انتي زواجك مره مره مره قريب تفائلي بالخير.
ممكن يكون هو طبعه خجول .بس
تقبلي مروري .

اختي غياب باذخ أنا تقريبا مثلك بس احسن شويه يعني خطيبي ما اعرف شعوره تجاهي ما قالي ابدا مايتكلم ابدا عن شكلي ولا لبسي و إذا بيتغزل يقول كلام عام يعني انا مستانس اني ملكت أومتى نتزوج<<هذا غزل ترى ‏‏
وكل سوالفنا عامه مع انه جرئ بس احس عنده خجل من الكلام الرومنسي هل هذا ممكن؟

انا اقول احتمال امكن بيئته بيئه جديه مافيها رومانسيه مثل عائلتي انا يعني احب الرومانسيه لكن اهلي عمليين كل شي نظام عسكري ....امكن اهو كذا لاني اتوقع اخوي اذا بيتزوج بيكون مثل خطيبك لان كل شي عند اهلي عيب .الله يكون بعونك الافضل الرجال يجاوبونك

__________________