[COLOR="Navy"]مرحبا بكم اخواني واخواتي
الصراحة هذي اول مشاركة لي بالمنتدى
اتمنى انكم ما تتجاهلووني وتساعدوني باللي تقدرون عليه
انا شاب عمري 29 سنة خاطب لي ولي سنتين بالضبط لاني زي ذا الشهر خطبت
المهم يمكن بعضكم يقول فترة الخطوبة طويلة
وانا بقول هذا شي مو بيدي ولا بيد عروستي عسى ربي يحفظها
كل المشكلة انو انا حضرمي وهي سعودية
صار لي سنتين من محكمة لمحكمة ومن وزارة لوزارة ومن الرياض لجدة
عشان اخلص معاملتي وللاسف لم يتم قبول اي معاملة لي
والسبب ان عمرها ما تجاوز العشريين سنة
كثيرين رح يقولو السعودي اولى فيها وسمعت هالهرجة كثيييييييير
بس احب اقول ان انا من مواليد السعودية وعايش طووول عمري فيها وعمري ما طبيت اليمن ولا ادري وش شكلها
اهلنا كلهم عايشيين في هالبلد وماكلين من خيره
وانا طول عمري عاد نفسي مواطن واحس ان السعودية هي بلدي
المهم انا تعبت وهي تعبت واخاف ترفضني لان المعاملة طولت
ابيكم تفيدوني تساعدوني وش ممكن اسوي لو رفضت لاني رح اجن
مع اني شاب ومتعلم وجامعي درست في كندا حالتي المادية ممتازة عندي وظيفة ودخلي جيد جدا ولله الحمد يعني يعيشني انا وياها عيشة ملوك
عندي شقة ملكي وكل المؤهلات اللي تخلي اي بنت توافق علي بس...
بس عشان الجنسية ننحرم من بعض
والله حرااااااام حراااااااام انحرم منها وانا من يوم ما دخلت علي يوم الشوفة للان وانا ما انام الا وانا افكر فيها يعني ممكن تقولون حب من اول نظرة
خخخخخ ادري طولت عليكم بس تبون الصدق هذي اول مرة افضفض عن اللي في قلبي لاحد
حسيت براحة مو عادية يالله ياريت تريحوني اكثر وتفيدوني
اخوكم
المقهووور

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..