السلام عليكم ورحمة الله وبركاته:
أشكر كل من سيرى موضوعي وكل من يساعدني ويعلق عليه راح أستفيد منكم كثير...
انا أخذت خطيبتي عن حب والحمد لله مررررره نمووووت في بعض بس مشكلتها متشرطه مع ان كلامها اللي قبل انها ماتبغى الا قربي وما تبغى شي من الدنيا وبعد ماملكت عليها ألحين تتشرط في القاعه وفي الشقه وتدقق في امور المفروض تتغاضى عنها لأني على قد حالي وقلت لها بعد الوظيفه بأعوضك وأخليك ملكه بس ولا كأن هالكلام يفيد فيها واللي قهرني مرررررره انها كل مره تأخر الزواج مع ان بيدها انها تخليه قريب ألحين مأخرته سبعه شهور مع ان أبوها انسان مرره طيب ويقول متى ماتبغى تحدد زواجك حدده وشيلها ربي يوفقكم.. والبنت تقول لا خليه شهر سبعه عشان فلانه تجي وخالتي تجي لانها ساكنه بعيد وماادري ايش ... وانا اقول لها اني احبها مووت وابغى قربها بسرعه وهي تأخر الموعد عشان تقول كمان أمها تفرح بأخواتها وما ادري ايش ... طيب انا ايش ذنبي؟ يعني الأهم انا أو امها طيب ايش الفايده لو صار الزواج وانا مو راضي عن الموعد؟ تعبت بصراحه ايش الحل برايكم؟ ومشكورين وسامحوني أطلت عليكم..

اخي شكلها واثقة من حبك لها
حالسه تتمادى حاول تحسسها انك مدايق ومنزعج وذكرها بالوعود

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

تفاهم مع ابوها وامها

بدون ماتشاورها على اساس انك بتشاورهم ووضح لهم نيتك بتقديم ونيتها بتاخير بحجت خالاتها وخذ كلمه من ابوها وامها

وحدد معاهم موعد الفرح

وينتهي موضوعك

مبروك

الله يتمم لك ع خير

ماني شايفة اي غرابة في كلامها
انسانة ودها تفرح بقرب ناس عزيزين عليها وودها تشوفهم معها بالعرس
و تغليهم,,,مافيها شي لو استنيتوا 7 شهور ,,عارفة يمكن تقول طويلة
بس استغلها بتجميع بعض المال لتكملة النواقص في الشقة,,,

__________________

دعها تحدد موعد الزواج بنفسها , ولا تسمح بتأخيره بعد ذلك أبداً
ولبي طلبها من ناحية القاعه .

باقي الأمور من سكن وتأثيث عليها أن تراعي ظروفك لا سيما وهي تعلم ظروفك مسبقاً .

حبيبي أنت رجل ليه .. أنت اللي تتكلف , يمكن استشارتها لكن الأمر بيدك وليس بيدها ..

ومن سوء الأدب أن المخطوبة تتشرط على زوجها فوق طاقته ..

ونصيحتي ترى الدم من رأسك والحجر من الأرض .. يعني كله من ظهرك ..

واركد وارزن ولا تكون تلين بحجة الحب , فغالب النساء تذل من يحبها وتهين كرامته ..

اذا كنت آخر تفكير خطيبتي وأمري لا يهمها .. فهي ليس جزء من تفكيري وبنات حواء كثير ..

وقلبي أضعه تحت قدمي وكرامتي أهم ممكن لا يهمها كرامتي ..

سلام عليكم
من وجهة نظري انا في موضوع حضور الاحباب هاي رغبة كل بنت لانو راح تعمل حفل زفاف واحد وحقها انو الناس الغاليين عليها يحضرون يمكن لحضرتك تاخدها من باب انك تلبي الها هاي الرغبة والحلم وتصبر شوي بس تحدد وقت اخير ونهائي ما يتاجل
وموضوع انها تتشرط في الشقة والعرس المفروض عليها تتفهم الوضع وترضي بالقليل المهم انو رب العالمين اكرمها بابن ناس الي يحبها ويبغي يحافظ عليها احكي معها وفهمها وضعك المادي وان شاء الله اموركم راح تتسير والله يتمم بالخير ويهنيكم يا رب العالمين
اخي الكريم علو النفس مو لها الدرجة الرجل رجل وعلي راسنا يا سيدي . الرجل بيكمل الست والست بتكمل الراجل يعني ما في داعي للسلطوية والتجبر والحب عمرو ما كان اهانة ومس بكرامة الرجل بالعكس هو بيصحي بس اللمسة الحنونة الي مزروعة في قلب كل الرجل وكلو بالحوار البناء الي بياخد فيه الراجل قيمتو كرجل والست قيمتها كست يعني عمرماكان اللطف والود ضعف واهانة

ترى سبعه شهور تمربغمضة عين..خصوصا لما تكون غرقان في تجهيز الشقه..ماتدري الا والزواج قرب...

اتفقتوا على شهر7 خلاص روح احجز شهرسبعه من الحين لان كل القاعات بتكون مليانه ويمكن ماتلاقي حجز الا في شهر10...

ونصيحه لاتقبل اي تاجيل بعد ماتحجز...مهما كانت الظروف لازم تبينلها ان لك شخصيه وان كلمتك هي الي تمشي

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

مشكورين على ردودكم بس اللي بيننا حب يعني الناس أهم مني ومن خاطري؟ هالشي اكثر شي قاهرني والكلام اللي قبل كله تغير بس الله يعين...

اسمع لوني مكانك بستني وبنفذ كلشي بتطلبو مني بكفي انكم اخذتم بعضكم عن حب نيالك يا راجل

لك قول الحمدلله

بكفي انك رح تعيش حياة حلو

اتخيل حالك لو ما اخدتهاش

كيف رح تكون حياتك

ولك استحمد ربك على طول

وخدها مني نصيحة اوعك تزعلها

ولك انا عايش حياة ما يعلم فيها الا ربنا

ولك حطها في عيونك

وشكرا
تقبل مروري