أعزائي بهالمنتدى

مساء الخير ــ والورد

عندي هون بدي أفضفض اليوم
موضوع الفضفضة : مشاكل لأ ـحب آآه

أنا بحكي من خبرة شخصية
اتجوزت من سنتين و8 شهور تقريبا
والحمد الله لليوم أهلي وأهله ما بيعرفوا عن تفاصيل حياتنا الا الشيء الحلو
اما الزعل والنكد ،، ما حد بيعرف فيه
بتعرفوا ليش؟؟؟


بس نطاوش أنا وحبيبي ،، أول شي حد فينا بيختصر يا أنا بختصره يا هو بيختصرني

يعني القاعدة الأولى : يمكن مرات يكون سهل عليكي تتنازلي اتنازلي واختصري !! ما اتكبري الموضوع اذا مش مستاهل

تاني اشي: اذا في شي بيدايقني ،، ما بصير أصيح أو باخد موقف ، بكمل الموضوع عادي وبنتعشى عادي بس الصبح لما يصحى بلاقي جنبه ورقة كبيره كتير مكتوب عليها يا حب أنا امبارح موقفك الي صار وبشرحه وبشرح أي نقطه بالزبط زعلتني وبفهمه انو ما بحب هالشي يتكرر واذا عندو شي بدي يناقشني فيه يكتبه على الورقة

( طبعا الورقة ما بكون انا كاتبه فيها تجريح )
هلا هو أيام برد علي على نفس الورقة اذا بدو يوضح اشي ، وأيام تانيه ما بيكتب اشي غير بحبك وبعرف انه انتهى الموضوع


اذا اتكرر الموضوع نفسه ما بعصب وبحكي لفلانه وعلانه ( بحاول بس اهدى ) اقعد واحكي معه بالموضوع وافهمه الوضع


ثالث اشي : دائما افترضوا حسن النيه في تصرفات شريك حياتكلأنه خيالك وروحك وعيونك هو كل شيء ،، ما تفرضوا سوء النية
وما تسمحوا للشيطان يوسوس


أهم قاعدة : ما تشكي لحد مشكلتك معه الا هو لانه هو الوحيد الي معني انو كل الأمور تكون منيحه

لإنو أمه حتصف مع ابنها

أمك حتصف معك

أخته بجوز بتغار منك وما حتفيدك ،، أختك بجوز بتحبك ومن كتر الحب تأذيكي



دايما قاعدة زي لما تحكي بحبك لزوجك ما بينفع تحكيها الا لزوجك
زي المشكله بينك وبينه ما بينفع اتناقشيها الا معه



والله يديم المحبة بين الجميع

مشكوووووورة أختي

طيب إذا كان الطرف الأخر رافض لأي نقاش ، أو يعاني من داء الغرور
أو إنه غير مهتم و لا مبالي ؟؟؟

أكيد وقتها الطرف الثاني بيحس باليأس ؟؟؟

هذا مجرد احتمال ..؟؟؟

لكن طريقة الورقة ، حلوة

لما يشوف معاملة التاني منيحه ،، ببطل تنح ، يعني ممكن يكون مغرور وما بنقش
انا بأول خطوة بطلب من الطرف الأول يمشي كل الأمور متل ما هي ويكتب زعله على ورقة وخلي يقرأها أول مره وما يناقش بس بتكوني عرفتي اتوجهي وتلفتي انتباه لشو بيزعجك
وبعدين بنرجع نكتب كمان مره وكمان مره لحد ما يستفز ويصير بدو يناقش ويحكي


شكرا
تصبحون على وطن