طارت بي الدنيا لما عرفت ان الانسان اللي حبيته خطبني بس تفاجأت بعدين بطلعاته ويا اصحابه وانا اجلس فالبيت كأني ديكور ناقص للغرفة
يحب الساعة اللي اقوله فيها راح انام ببيت اهلي
انا اتمنى يقولي لا تباتي وانه ما يقدر على فراقي ولا ليلة
صارت حياتنا نزاع بس صبرنا
صرت اشوف خياناته مصورة في تلفونه والبنات حواليه وانذبح واصبر
وف النهاية دايما يطري لي باسلوب ضحك انه يبي يتزوج بس مستحيل بيتركني
ودايما يقول انه جوك مو رومانسي
كيف راح يكون رومنسي وهو يخمد اي خطوة انا ابديها ف الرومانسية
لما نطلع مع بعض احسه يكون من دون نفس واي خطأ اسويه في حق اهله بيكبره ولا كأني أقرب له
تسلفت له واشتريت له سيارة وف النهاية انكر كل اللي سويته
يحب يكلمني ف التلفون بس وكأني وحدة من صاحبته بس
ما عرف عن شغله وما اعرف صدقه من كذبه من وين جاي او لوين رايح
تعبتتتتتت
الف مرة احاول اناقشه ويصر انه ما غلط في حجي وان الحريم مكانهن البيت وما يناقشن
اريد زوجي يكون رومانسي لاني تعبت من هالجفاء