:

السلام عليكم ...

مشكلتي اللي بقولها لكم صارت لي مع أعز الناس ( أمي الغاليه ) اللي أحبها .

للأسف أمي ما عطتني مجال اني أعطيها حبي وحناني لها

طبعا ً أنا البنت الكبيره من البنات والأولاد ودائما ً وجهات النظر والتفكير مختلفه تماما ً بيني وبينها ..!

مع ان فارق العمر ( قريب ) من امي لكن للأسف وجهات النظر مختلفه وكل واحد له تفكيره ..

مهما اسوي لأمي من بــر وخير وخدمه تشوف اني مقصره بحقها ..!

واختي اللي بعدي تشوفها احسن مني وتفرق بيني وبين اختي وتقول لي : اختك اطيب منك وقلبها حنون علي ..وانتي ( قطع منك ومن قسوتك علي )

مع اني والله احبها احبها يا ناس بس هي ما حست بهذا الشيء

أنا استغرب أبوي يحبني و يحس فيني ويحس بحبي له وبحناني ،
وهو اذا شافني معه كذا يعبر عن مشاعره لي انه يحترمني و يوجهني وينصحني ويتقرب مني انه يسأل عن اهتماماتي .

واذا صرت في مشكله يكون قلبه قلب أب لبنته .


لكن امي عكس ...! اقول في نفسي وش لون تفكيري وتفكير ابوي ( متطابق مع بعض ) وامي تفكيرها في الغرب وانا في الشرق ...؟؟

لا حظت ان اغلب مشاكلي مع امي من ناحيه :

- تدخلها في خصوصياتي وتاخذ اغراضي اللي في غرفتي .

- تستخدم لاب توبي أكثر مني .

- تفتيشها لمكتبي و شنطتي .

- ( تفقد ) لغه الحوار الهين اللين الحنون في اسلوب الحوار بين الأم وبنتها .

- عصبيه وتغضب لأتفه الأسباب ولسانها يأخذ بالسب واللعن والدعاء علي .

- اذا شافت مني خطأ أو تصرف غير صحيح ما توجهني بطريقة إجابيه إنما تكتفي
بالإنتقاد السلبي ، مثل ( انتي فاشله ، انتي مسكينه ، انتي عديمه التصرف ، انتي قاسيه ، ...الخ )



وكل هالنقاط اللي ذكرتها اذا صارت لي مع امي نتهاوش مع بعض و تعصب واعصب انا
واصيح في غرفتي وهي تدعي علي و للأسف كل طرف خسر الثاني



الحين امي زعلانه وما تكلمني بسبب انه حصل بيني وبينها موقف تافه جدا ً وصارت هالنتيجه ..!

والله اني ما غلطت هي اللي غلطت علي ، وسبتني ودعت علي .

انا الحين اصيح بحرقه من قلبي لأن زعل امي معذبني واحس بألم وكأني بدون امي مثل شخص غريب أوطان في دنيا غريبه

انا ودي اراضيها واحب راسها بس انا عارفه تصرفها اذا راضيتها وحبيت راسها راح تمسح وجهي في الأرض وتذلني
يعني ابوي اذا تضايق بشيء على طوووول اراضيه واحب راسه ويقول لي ما حصل الا الخير وأجلس معه وكأن ماصار شيء .

بس امي ( لا ) اذا حبيت راسها تجلس تعايرني و تمد بوزها
وتتغلى ولا بعد فوق هذا كله تزعل علي مره ثانيه وتتجاهلني يعني يصير الزعل زعليـن





انا الحين ابيكم توجهوني ابيكم تنصحوني من الغلطان انا ولا امي ...؟؟

وش لون اتصرف ...؟

الحين هي زعلانه مني ولا تكلمني كيف اراضيها ....؟

كتبت هذا المووضوع وانا دموعي بحر لأن ما لقيت احد يوجهني

.



.

.

لوكانت-غير-امك-لقلنا-هي-غلطانة
لكن-مادام-انها-امك-انتي-الغلطانة
مهما-تنتقدك-ابتسمي-ولا-تغضبين-عليها-اذا-تفتش-اغراضك-عادي-اذا-تريد-اللابتوب-اعطيها-الالويةهي-ولاتحسسينها-انك-تريدي-الجهاز
لو-تغير-شعورك-السلبي-تجاه-لتغيرت-معاملتها-لك
حبيها-من-كل-قلبك

اكتبي الي بخاطرك كله على ورقة وضعيها تحت المخدة والله انها تقطع من البكاء من كلامك وشوفي كيف بتتغير بس لازم توصليلها انها زعلانة وانك محرومة الحنان منها بذوق وعبارات تذرف بها دموع القلب قبل العين صدقيني طريقة موثوق بها جدا الله يحنن قلبها عليك واعرفي مافي ام تدعي على ولدها من قلبها بس يمكن انتي بسن مراهق وهي خايفة عليك من الزمن الي احنى فيه انا كدة اسوي مع بنتي افتش واطالع لكن دون ان تنتبه اكتبيلها بالرساله اني اشوف الحنيه كلها فيك لكن متل النار لااستطيع لمسها ولاتنسي برها لانه سبب في دخولك الجنة ولاتنيس المقولة ادعي على ابني واكره الي يقول ااااااامين

__________________

ام لؤي ...

لي عودة للرد والتعليق على طرحك ..


لي عوووودة بإذن الله انتظريني ...

بانتظار عودتك حبيبتي

__________________

أنا انتظرت وما رديت على مشاركتك عشان أطبق اللي قلتي لي واقولكم النتيجه ..!

رحت و كتبت لأمي رساله وقلت اللي في خاطري ، قلت لها اني محتاجه لك .

و ارجوك انك ما تحرميني من حنانك واني احبك وانك غاليه ............الخ


وبعد كذا في نفس اليوم أمي سافرت لمدة يوم ورجعت للبيت من بكره وبعد رجوعها
قلت خليني أستغلها فرصه و أحب راسها واقولها الحمدلله على السلامه ..


وفعلا ً يوم دخلت سويت اللي فكرت فيه ..


لكن للأسف ...!

أمي تسلم علي بكل بــروووود عظيم ..لأني كنت متوقعتها تبتسم في وجهي إبتسامة رضى ..!!

واللي يشوفها يقول كأني ما ارسلت لها كلام حلو و فيه اعتذار وحب ...!!

حسيت اني مخنوقه ومشتت تفكيري واحس الدنيا ضاقت فيني ..

والله العظيم من همي قمت اردد أدعيه ان ربي يهدي أمي و يحنن قلبها لي ..


تدرين يا أم لؤي اني صرت ادعي رب العالمين انه يرزقني بالزوج الصالح .. لأن هدفي اني اتزوج
و اترك أمي تفتــك مني و يرتـــاح بالها ..

ابيها تحس بقيمه وجودي وتفقدني اذا رحت عنها ..

تكفون من قلوبكم من قلوبكم أدعوا أن ما يبـــر في أمي إلا أنــــا

ولايحرمني من أمي وابوي ولا يحرمني من حنانهم وعطفهم اللهم اجعلني "ابنة" بارة بهم اللهم أجعلني خادمة تحت أقدامهم

ويجعلني بارة طائعة لهما اللهم ارزقني رضاهما وأعوذ بك من عقوقهما ...



آآآمين آآآمين


ويارب يا حي يا قيوم أنه يرزقني بالزوج الصالح عاجلا غير آجل .. ..



.

ربما ( لكثرة ) تداول الخلاف السلبي الذي يواجهني مع والدتي
جعلني افقد الشعور الإجابي ..!

جزاك الله خيرا ..

اشكرك على طرحك

.

قرأت قصص مثل قصتك و كان تحليلها من متخصصين ان الام تكون عندها غيرة من حب الاب لك... و هذه مشاعر موجودة بين امهات كثيرات فعليك برها و مراعاة مشاعرها فيمكنك اهدائها بالهداية كل فترة و حث والدك علي اهدائها ... و الاهتمام بمشاعرها.. و عن تجربة ادعي في كل صلاة اللهم ارزقني بر أمي.. و أصلح ذات بيننا..

عزيزتي ممكن يكون في اشياء بشخصيتك ماتعجب امك
ممكن صفة العناد عندك اكثر من اخواتك طبعا انت تشعري انك بتبريها اكثر لكن عنادك معاها ياثر واسمك البنت الخجوله هل انت فعلا كدا الام ماتحب بناتها يكونوا خجولين زياده
اكيد هي تحبك وحاسه بكل شي مافي ام ماتحس ومافي ام تفرق بالحب من جهة الحب تحبهم كلهم بنفس المستوى
واحسني الظن في امك
انا بقول هالكلام لاني ام وعندي بنات وكثير مشاكل تسير بيني وبين بنتي الكبيره لانها تسيئ الظن فيني
ودمتي بتوفيق الله

__________________
اللهم لا اله الا انت سبحانك اني كنت من الظالمين

اختي الغاليه .. انا حسيت في كل سطر كتبتيه وكل نصيحه اسديتيها لي في هذي
الصفحه لأنك حاسه بشعور الأم و في نفس الوقت عرضتي علي تجربتك اللي تبينه من بنتك .

اما بالنسبة للعناد اللي ذكرتيه ، انا الحمدلله وبفضل من ربي شخصيتي غير عناديه بالعكس قنوعه
بدليل ان امي كانت تقولي اني اذا قلت لك شيء على طول تقتنعين بكلامي .

بس السالفه وما فيها مو عناد ( لا ) السالفه سالفه [ سوء فهم بيني وبين أمي ] .

وكل واحد له رأي وله تفكير معين ، مثلا انا لي سياق معين في التفكير وامي لها طريقتها .

لا الحمدلله .. خجلي مو لدرجه انه يكون خجل مرضي ..

بس انا اخترت اللقب على اساس أن بنت حواء بطبيعتها خجوله وفيها انوثه اكثر
و الحياء شعبة من الإيمان =)

.