[

FONT="Tahoma"]السلام عليكم..كيفكم اعضاء وزوار..مابدي اطول عليكم وبدخل في الموضوع دوغري

انا كنت ابحث عن احد يقدر يجاوبني بصدق وعقلانيه على وضعي ..ومالقيت احسن من منتداكم لاني اشوف

ردودكم كيف صادره من منطق وتجربه

.....انا بنت عمري 22 سنه خلصت كليه ودحين بدي اكمل دراستي..اتقدملي عرسان كتير بس مافيهم احد كان مناسب ليا ..لاني بصراحه طموحه واحب العلم والشهادات بدليل التخصص اللي انا ادرسو واللغات اللي معايا..دايما كنت اتمنى يتقدملي عريس متعلم وراقي لكن للاسف ..ماكل مايتمناه المرء..حبايبي مراح اخوض التفاصيل بس في يوم من الايام وقبل 4 شهور بالزبط صحبتي ادتني رابط موقع زواج..موقصدها اني اشارك بس قالتلي شوفي الناس وطلباتهم الغريبه..كتبت سيرتي الزاتيه في الموقع عشان اقدر افتح صفحتي الخاصه بس كانت بيانات عامه يعني عمري وفي اي مدينه اعيش واللي زي كدا عموميات
المهم..كانت تجيني طلبات بس ماكنت مقتنعه اصلا بالموقع ودخلت عشان اتصفح لاني احب الاطلاع..والله فضلت 4 ايام بس في الموقع بعدين جيت ابا الغي الحساب ماعرفت ولا اتعرفت على شباب لاني عرفت انو الموقع تجاري مادي بحت وكل اللي فيلو هواه تكوين علاقات..بعدها باسبوعين جيت دخلت الموقع وبدي اقفل الحساب تبعي..قبل ما اخرج والله جاتني دعوه من شاب سعودي في استراليا..قلتلو مابضيع وقتك معايا انا مو جاده وبدي اخرج من الموقع لانو ماعجبني..قال بس انا جاد فكوني جاده ولو ماناسبتك براحتك و..حسيتو مهزب..قلت طيب ..جلسنا نتكلم بالمسن اسبوع ..وحلف انو جاد واني مناسبه ليه كتير..وباقي على نهايه البعثه شهور..انا كمان انبسطت من تفكير الشاب بالزبط زي ما انا اتمنى دايما متعلم وجالس ياخد الماستر الان...اتطور اللي بيننا بكل احترام لاني اعرف مثل يقول ((عز نفسك ..تجدها))ومابينتلو انو في اعجاب ولا حاجه بس الكلام اخد وعطا..اتطور برضو سار يكلمني جوال ادري راح تلوموني بس والله الحمدلله انا عفيفه بس هو كان مصر يكلمني عشان يعرف مع مين يتكلم..خلاصة الكلام<<الحمدلله كل اللي بيننا احترام متناهي ومحترمني ومحترمتوو..ودايما يحلفلي انو صادق وجاد وانو دخل الموقع مو من اجل التسليه وسار يكلمني يوميا الان ((بصراحه يعني حتى لو ما اتصل انا ارسلو مسج)) بدي اقلكم كل شي عشان ماتبخلو عليا بمشورتكم..دحين هو راجع في شوال وراح يجي يتقدملي رسمي ..انا اعرف كل شي عنو هو حكالي ..وكلمني عن اهلو وعن كل حاجه بس هو من جده وانا من مكه مع ذلك قلي هم فين ساكنين وقالي فين مقر عملو اللي ابتعثوو..اي نعم انا عارفه المفروض ما اصدق كل شي يقولو ..بس لو كداب ماكان واثق معايا كل دي الثقه ويحلفلي ويوعدني كمانا..بصراااحه على قد ما اتمنيت ربي يرزقني بواحد زيوو على قد ماني محتااااااااااااااااااره وبموت الان من التفكير..هل فعلا صح اللي انا بسويه دا والا غلط..هل فعلا في ناس تتزوج بدي الطريقه او لا..مره قلتلو اول ما اتعرفنا انت مصدق دا الموقع قلي صاحبي اتزوج من الموقع ودلني عليه وانا بدي اتزوج وحده اعرف كيف تفكيرها واكدلي كلامو انو عمرو ماطلب مني حاجه تخدش الحياء وعمرو ماطلبني صور ولا كلام فاضي حتى مكالماتنا تدور حول دراستو وكيف يقضي يومو ويسالني انا ايش عامله ويجلس يحكيلي عن بيتنا ((لو ربي اراد)) لانو جالس يبنيه ودحين خلص..ودايما كمان يرسلي روابط اثاث منزل وانا اختار ومن دا الكلام يعني
ادري طوولت بالمررره والله اسفه واسفه جدا بس بجد ابا احد اخد رايوو ابا احد يساندني الله لاحد يبخل عليا الله يفرج همومكم ويرزقكم من حيث لاتحتسبون يااارب ((اللي انا اسويه صح او غلط..وهل بتكون حياتي بعد كدا مستقره او غير متزنه))
نونة منصور

[/FONT

]

أنا من رأيي خلاص بطلي مكالمات ومسجات وقولي له لو كنت تبغاني جد دق اخطبني من أهلي وتعال ملك وساعتها أكلمك

أنصحك حبيبتي قبل ماتتعلقين فيه زياده.......شااايفه أنتي ليش تعبانه وتعبتي من التفكير؟؟ لان اللي تصلحينه مو صح غلط..

فأنا ماأدري لو أحد كد تزوج أو ماتزوج من المواقع هذي........لكن خليك قويه وفكري بعقلك مو بعاطفتك وبقلبك!!!

قولي خلاص أنا فكرت وقررت اني ماأكلمك واذا تبغاني تعال اخطبني........

والله يوووفقك

__________________
ربي لا أعلم بما تحمله لي الأيام لكن ثقتي بأنك معي تكفيني ~

اختي الكريمة ,,

قبل ان نقفز الى نهاية الموضوع (موقع الزواج) خلينا نبدأ بالموضوع حبة حبة ..
انتي ذكرتي ان كل اللي تقدموا لاهلك كانوا غير مناسبين .. ممكن توضحين اكثر ليش ما كانوا مناسبين ؟؟
ثانياً انتي ذكرتي انك طموحك علمي و تريدين اكمال دراستك كما انك ذكرتي ان الشاب اللي راسلك عن طريق موقع الزواج مبتعث في استراليا .. هل يعني ذلك انك تريدين ان تجعلي من هذا الشاب (جسر) لتحقيق طموحك لاكمال دراستك ؟؟
اذا كان استنتاجي صحيح فاكثر ما اخشاه عليك ان يكون طموحك العلمي سبب في تعاستك الزوجية !
ايضاً زواج المصلحة يبدأ بسرعة و ينتهي اسرع !!

يجب التروي كثيراً قبل اتخاذ قرار الزواج , و لا بأس من ان يكون لكي طموح علمي و دراسي لكن يجب ان تحذري من ان يعميكي هذا الطموح فيحجب عنكي عيوب الطرف الثاني او يجعلكي تلجأي لوسيلة زواج ليست الانسب مثل مواقع الزواج و غيرها !

المشكله مو تعلقي في الشاب ...لو قلتلو نبطل مكالمات المن ترجع راح يقولي ليش طالما هو راح ينفذ وعدو ..وغير كدا راح يشك فيا ويقول دي لعابه لمن جا الجد سارت تقول اتركني المن ترجع..بجد فكري مشوش بالمره
دايما ادعي ربي يسخرلي الخير فين ماكان وشكرااااااااا مره على ردك جمال الروح لاني حسيت احد حامل همي ومشاركني
معليش الفونت مره كبير ومو مريح ومعرفت اغيروو[a

اخويا صقر الشرقيه مافهمتني او انا ماعرفت اعبر ..هو راح ينهي تعليمووو في شوال..القصد انا اريد الارتباط بشخص متعلم وليس اريد شخص اذهب معه واتعلم..وااضح؟؟ المعنى يهمني التكافؤ الفكري والتعليمي جدااا
ولو كان نفس الشخص بنفس مستوى التعليم في السعوديه راح يكون قراري واحد
غير كدا اللي يتقدمو لاهلي اما طلاب..او عساكر..او اقل مني في التعليم..ومنهم من طلب مني التخلي عن وظيفتي اللي لسه ما وصلتلها كوني ((طبيبه)) باذن الله

يعني ما تقدم لك و لا واحد جامعي ؟
ثانياً مواقع الزواج ربما تكون آخر الحلول و ليست اول الحلول لاسباب كثيرة اولها المصداقية و الجدية التي تفتقدها اغلب هذه المواقع و اغلب من يرتادها من الرجال بالذات !

اخيراً الشاب اللي ذكرتيه اذا كان صادق فليتقدم الى اهلك و يخطبك امام الناس و الاضواء ,,
لا ادري .. احس بدايته معك ما هي زينة .. يعني لو هو جاد كان تقدم لاهلك بدل ما يكلمك على الجوال !
انصحك باتباع الحكمة التي ذكرتيها بانك تغلي نفسك عشان يحترمك (اذا كان فعلاً صادق) و اقطعي المكالمات و الرسائل معه نهائياً و اطلبي منه ان يتقدم لاهلك اذا كان جاد !

آآنا رأيي ...
بكل بساطة اقطعي كل وسيلة اتصال بينك وبينه وبأسرع وقت ..
ودامه يعرف اسمك وبيتك , صادق وجاد في كلامه
راح تلاقينه على باب بيتكم أول ما يرجع الوطن
ولو حاب يلعب عليك لن تريه ابدا ً ....
كوني قوووية وشجاعة واقطعي العلاقة لأن مالها داعي ولا اهمية في الوقت الحالي ..
ولو خايفة يآخذ عنج فكرة غلط إنج كذابة وتلعبين عليه .... تقدرين بكل بساطة
تشرحين له سبب الانفصال الي راح يصير ورغبتك في الارتباط به لو تقدم لك لاحقا ً ...

ربما كلامي لن يعجبك ... ولكن في نظري هذا انسب حل ؟

__________________

اخويا افهمني انا قلتلك الطريقه اللي دخلت بيها الموقع انو تصفح مو نيه جاده في البحث عن زواج انا بس حبيت انوه عن طريقة تعارفي بالشاب كانت باي وسيله ...
اتقدملي جامعيين بس في عوائق مثلا احدهم كان يبغاني اسكن مع اهلو في نفس البيت .. وواحد برضو كان جامعي بس طلب مني ما اشتغل بعد الدراسه....وغير كدا بيكونو طلاب جامعيين يعني لسه يدرسو ما انهو الجامعه..وغيرهم بيكونو موظفين بالثانويه الى جانب دبلومات


انا عارفه ان المواقع دي كلها كدب بس كيف اعرف ان الشاب دا صادق خصوصا انو مافي اشي يدل انو يلعب او يكدب عليا في شي...سؤالي يطرح نفسوو
اللي انا اسويه صح؟؟ينفع اتزوج بدي الطريقه؟؟

أختي الكريمة ...

أنا مع الرأي اللي يقول و قفي المكالمات معاه حالياً و فهمية بأنه إذا كان جاد فعلاً إذا وصل بالسلامة يتقدم لأهلك و بعد أن يسألوا عنه و يتأكدوا القرار في وقتها قرارك .. الحين عندك بعض المعلومات عنه و حكيتي معاه و إذا كان فعلا صادق راح يتقدم لك ...

أتمنى لك التوفيق ...

الله يوفقك في كل قراراتك

ليس لدي ما أقوله و اللوم لا ينفع الان , انت في 22 من عمرك و ظروفك كانت تسمح لك ان تجدي الانسان المناسب بطريقة امنة و ليس بهذه الطريقة الخطرة , انا اراها مخاطرة و لا يمكنني ان اثق برجل بسهولة لو اتى من الباب فكيف لو اتى من النافذة ..

انتبهي لنفسك و كوني حذرة و فكري بمصارحة احد من اهلك الموثوق بهم فالى متى سيبقى هذا سرا عليهم؟

__________________
اللهم تقبل دعاء