السلام عليكم ورحمة الله وبركاته
انا عندى مشكلة انا مصرى مقيم فى مكة الحمد لله وعملت زيارة لوالدتى وهى موجودة معى هنا الان وكانت متفقة هى و والدى انها ممكن اما تيجى هنا تشوف ليا اى عروسة تكون كويسة
وشافت بنت فى الحرم وكلمتها هى ولكن لم يحدث نصيب ولم اكلمها ولم ارائها
بعدها با سبوع والدتى كانت تتحدث معى انها رات فتاة فى الحرم جميلة ومتدينة لكن لديها اعاقة ان ذراعها الايمن مقطوع من عند الكوع فى حادث منذ 4 سنوات وكانت تحكى لى عنها فقلت لها كلميها انى اريد ان اتزوجها فقالت لى ان ذراعها مقطوع وممكن لا تستطيع ان تقوم بكل طلبات المنزل قولتلها خير باذن الله وكلمت الفتاة والبنت قالت انها هتصلى استخارة وصلت استخارة وكلمت والداتى انها و والداها يردون رؤيتى وكلمت والدى وقلت له ان فى الموضوع ده والبنت كانتعملت حادثة وذراعها مقطوع قلى روح عادى شوف وربك يقدم اللى فيه الخير فذهبت لرؤية البنت و والدها فى الحرم وتحدثت مع والدها ثم تحدثت انا والفتاة والصراحة انى استريحت للبنت جدا وصليت استخارة اكثر من مرة والحمد لله مستريح بعدها باسبوع رجعت البنت و والدها الى مصر
والدى فى هذه الفترة كان لديه موضوع واحد يشغله انه خايف ان يكون الحادثة اثرت على موضوع الانجاب فقال لى ساسئل هل بتر اى عضو يؤثر على الانجاب ام لا والحمد لله لا يؤثر على الانجاب
وبعد ذلك والدى كلمهم بعدها بيومين انه عايز يشوفهم وذهب للقائهم فى البيت وكان اتفق معى قبل الذهاب لبيتهم ان كان الوضع كويس والناس كويسين بيكلمنى على الجوال حتى احدثهم اذا لم يعجبه الوضع لن يتصل بى ثم اتصل بى وهو لديهم وجعلنى اكلمهم كلهم هناك واما رجع المنزل قال انهم اناس طيبون والبنت طيبة واهلها محترمون والبنت كويسة ولا يوجد اى مشكلة واتفق معاهم على الشبكة والزواج وكل شئ
بعدها بيومين تحدث مع اقاربى واقاربى يقولون له انه غلطان البنت ذراعها مقطوع ولن تستطيع ان تقوم بخدمات البيت وانها ستتعبنى وانها بذراع واحد فقط ووالدى اقتنع بكلامهم وبدات هنا معاناتى
فى هذه الفترة بدات اتكلم انا والبنت نتعرف على بعض لكن فى حدود الشرع ونخاف الله فى حديثنا
ياتى والدى بعدها باسبوع انه مش موافق وانى انا ساتعب وايه اللى يخلينى اخذ واحدة ذراعها مقطوع وقلى فكر تانى قولتله حاضر وفكرت مع نفسى وان شاء الله استحمل وسئلت البنت قالت انها تستطيع القيام بكل الامور جميعها ولا يوجد لديها مشكلة وانها بعد الحادث عملت كشف شامل عليها للتاكد من عدم اصابة او وجود اى شئ اخر وانها ذهبت لدكتورة نساء وعملت كشف حتى تطمئن على موضوع الانجاب والحمد لله انها سليمة ولا يوجد لديها اى شئ
واقنعت والدى وقالى طيب ربنا يتمملك على خير ثم بعدها بثلاث ايام والدى يقول انا غير موافق على هذا الموضوع اتكلمت معاه تانى واقنعته بعدها ايضا يرجع يقول انا ابنى سليم ايه اللى يخليه ياخذ واحدة زى كده انا مش موافق البنات موجودين وكويسين وانه لن يتمم الموضوع وان كنت اريد ان اتزوجها اذهب لوحدى لخطبتها وهو ليس له شأن بالموضوع كلمته انا و والدتى واقنعناه قعد 4 ايام بعدها يقول انه شم موافق نهائيا والموضوع ده لازم ينتهى
بصراحة جدا البنت كويسة جدا ومتدينة جدا جدا جدا واعلم يقينا ان شاء الله ان حدث نصيب معها ربنا هيعنى ان شاء الله وانا اريد ان اتزوجها لها هى وليس شفقة عليها او عطف او شى اخر والبنت من كلامها معى محترمة جدا ومهش طماعة واهلها ناس طيبين ومحترمين واتعلقت بها وهى تعلقت بى
و والدتى سترجع مصر غدا ان شاء الله وتقول لى انها ستحاول اقنعاه
مش عارف اعمل ايه انا عايز اتزوج البنت و والدى غير موافق وحاولت اقنعاه وهو غير مقتنع وانا الصراحة هحس بالذنب لو تركت البنت لهذا السبب . لو البنت مثلا اهلها مهمش كويسين او البنت اخلاقها مش كويسة او فى حاجة زى كده مفيش مشكلة انما الحمد لله كلهم كويسين
افيدونى ماذا افعل مع ابى
تم تعديل العنوان ليتضح المضمون ..الإشراف
06-05-2010, 06:08 PM
ضوابط المشاركة
العرض العادي
