تحية طيبة للجميع
أنا عضوة جديدة عجبني هالمنتدى بروعة طروحاته فسجلت فيه

وحابه استشيركم بموضوعي

تقدم لخطبتي عريس فيه كل المميزات اللي أتمناها وبسرعه وافقت

لكني اكتشفت إنه أصغر مني بسنتين بس لأنه تحمل مسؤولية من صغره

فباين أكبر من سنه

مو عارفه شو أعمل هل اتمم الموضوع لأني استخرت قبل أوافق عليه؟؟

أو أفسخ الخطوبة ؟؟ خائفه فرق السن يأثر على حياتنا في المستقبل

تكفووون اشيروا علي..

ولكم بالغ شكري وامتناني

صدقيني ماخاب من استخار.....وبعدين العمر مو مقياس ومافي فرق كبير بينكم...كلها سنتين يعني ولاشي

واهو اختارك من بين كل البنات لانو شايف فيك شي مميز مالقاه عندغيرك...اناولدخالتي زوجته اكبر منه بسنتين نفس الشي...وعايشين ماشاءالله احلى حياة ومدلعها بشكل خورافي الله يباركلهم ...ويتمم عليك...ويارب نسمع فيك عروسه قريب....تحياتي

وعليكم السلآم والرحمه -
مبروك تستآهلين

توكلي على ربك و وآفقي -} بخصوص العمر فيه ناس مثلك و ياكثرهم والحمدلله عايشين بأحسن مايكون ،،، والعمر ماهو شي أساسي مثل الأخلآق والدين صح ولآ لآ

مبروك مقدمآ يآعسل :$

مادامك موافقه أكيد انك بعد الاستخااااره مرتاااحه ........لكن حاولي تستخيرين بخصوص هذا الموضوع فقط يعني استخيري اذا ارتحتي لعمرة الحمدلله............



الله يتمم لك بخير

اهم شيء هو موافق على فرق العمر ؟
خلاص لا تحبكينها انتي ،،، استخرتي والله بيعطيك اللي فيه الخير ،،،
موفقه

__________________
توقيع مخالف

مادام اعجبك الشب واستخرتى فتوكلى على الله السن لايؤثر مادام هناك توافق بينكما

ربنا يجمعكم على خير

لا مانع ابدا ..
طالما ان شخصيته جيدة و متحمل المسئولية

.. عزيزتي ..

.. هو يعرف الفرق بينكم؟ ويعرف انك أكبر منه ؟؟

.. واذا يعرف , هل انت عند مانع في انك ترتبطي بشخص انتي اكبر منه ؟؟

.. الرسول صلى الله عليه وعلى اله وصحبه وسلم .. تزوج السيدة خديجه , وهي اكبر منه بكثير ..

..ومادام انه تحمل المسؤليه من بدري .. يعني هو محتاج امرأه حنونه وطيبه , وتعامله بلطف وحنيه .. فهل انتي قادره على هالشيء ؟؟

.. الحين الامر يرجع لك .. انتي فكري ,, وان شاء الله راح تتوصلين للرد الا يريحك ..

.. نتمنى نسمع عنك اخبار حلوة ..

الله يسعدكم ولايحرمني منكم يالغالين

اسعدني تفاعلكم الطيب

راح اعيد الاستخااااره في موضوع السن وربي ييسرها

لاتنسوني من دعواتكم

جزاااكم الله عني خير الجزااااء

صلي الاستخارة كل يوم, و اطلبي منه هو ايضا ان يصليها كل يوم و لو ارتحتوا انتم الاثنين بعد فترة من الاستخارة, فتوكلوا على الله

الله يوفقكم و يسعدكم