السلام عليكم ورحمة الله وبركاته...


انا جديده بالمنتدى وماخلاني اسجل الا القسم هذا لاني محتاجه لوقفة ناس مثلي او اقرب مايكون حسوا بموقفي او احساسي....

انا متزوجه من 5 سنوات من انسان مافيه بيني وبينه اي توافق ابدااااااااااا

لا حب ولا تفاهم ولا اسلوب ولا اي تواصل بيننا الا المشاكل والتهزئ والسب فقط

وماانسى الكراهيه..

تزوجنا ومع الايام اكتشفنا اني لا اناسب له ولا هو يناسبني ابداااااا
انا يمين وهو يسااار حياتنا ماشيه وكانها حلبة مصارعه...يمكن اعظم من كذا..والمصيبه اني جبت منه طفلين ..ليش؟؟الله اعلم يمكن يكونون خير لي بالمستقبل ومو يمكن الا ان شاءالله اكيد الله يخليهم لي يارب
اخر السنوات زاااادت المعاناة بيننا وصرنا عايشين بنظام ياقاتل يامقتول..ياانا اعيش ياهوو
وصلت السالفه للضرب والصراخ المهم الحياة صارت ميؤوووووس منها(سامحوني لو طولت بالوصف بس محتاجه افضفض ))
واللي اقدر اقوله عن هالانسان انه تجرد من صفات البشر واقرب له الحيوانات في تصرفاتهم
مايصلي ابدااااااااااا ولايذكر ربه نهائيا

....

وكان لسان حاله يقول انا عايش حتى اعيش الحياة فقط واستمتع فيها حتى امووت لكن لاعباده ولا اخلاق ولا قيم
انا وصلت حدي خلاااااص وقررت اتطلق وهذا افضل قرار اتخذه في حياتي وهو القرار الصحيح
رحت لاهلي من بعد مشكله سواها وتكفيخ جاني منه رحت انا وعيالي لاهلي وطلبت الطلاق
هو رااااااااااافض تماما طبعا يقول ماابيك ابي فلوسي حلالي
تخيلوا بعد كل هاللي سواه يبي فلوسه؟
انا ابي تعويض ع اللي راااااااااااح من ايامي وسنيني معه
هذا يبي فلوسه؟؟؟
والمصيبه كل اهله واقفين معه وماخلوا اتهام ماحطوه فيني
ومالي اسبوع رايحه لاهلي الا يهددون انهم بيزوجونه
فرقااه عيد وعرس وافرااح وكل شئ ماااااااااهمني بس ماعليش ابي ورقتي
هم مرررره رافضين بتاتا يعطوني ورقتي
يقولون روحي للمحكمه تاخذ حقك
ابوي يقول لو رحنا للمحكمه بيطلبون مننا نرجع له فلوسه مثل ماهو يبغى
بس لو اقول للشيخ انه ماعمره ركع او سجد لربه واحلف يمين ماراح يطلقني منه؟؟؟؟
مو يسقط عقد الزواج اذا ماصار يصلي الزوج؟؟
والمصيبه الثانيه الان له شهرين ماشاف عياله ابددد ولا صرف عليهم
مابيه ولا هم يبونه بس على اي اساس يحرمهم منه؟؟
ولما كلمته قلتله ليش ماشفتهم قال مابيهم وانا متبري منهم وهم لك والله يعوضني بغيرهم وماراح اصرف عليهم ولا ريال (وللمعلوميه انا سجلت كلامه هذا بتسجيل هل ممكن راح ينفعني بالمحكمه؟؟؟)

انا الان معلقه..
ابغى الطلااااااااااااااااااااااااااق وماافكر ارجع له
ولو ارجع له اشك اني ممكن ارتكب جريمه فيه واذبحه من شدة كرهي له
لكن هو من نجاسته مايبي يطلق الا لما ارجع له حلاله وابوي مايبي يعطيه ولا ريال
مااقدر اخذ من الضمان الاجتماعي شئ لي ولعيالي لاني مو مطلقه وهو متبري منهم ولايصرف عليهم وانا ماعندي وظيفه

ايش ممكن اسوي؟؟؟

ايش المفروض اسوي بهالحاله؟؟؟
تكفون ادعوا لي ثم وجهوني لشئ ممكن اكون جاهله عنه قد يكون حل لي بحالتي

محتاجه لكم.......


اختكم المعلقه ((مكافحه))

الإشراف / تم تعديل العنوان بما يناسب المضمون

الله يفرج لك اختي عليكِ باالأستغفار الزميه ليل نهار

__________________

لاحول ولا قوة إلا بالله العلي العظيم

اختي الحبيبه الله يكون بعونك يا رب


لكن هالاقوال اللي تقولينها عن القاضي والمحكمه هل سألتوا عنها ؟

لانه ما اعتقد في قاضي رح يقبل ترجعي له فلوسه !! هذا مو طلب خلع .. هذا طلاق وغصب عنه يطلق ويدفع نفقة لك ولعياله مو بكيفه

اتمنى تراجعين مع محامي علشان تعرفين حقوقك قبل لا تخلي الكلام ينرفزك بزياده ويزيد همك

__________________

الحمدلله منتظمه ع الاستغفار بشكل يووووومي واساسي عندي
وواثقه ثقه تامه ان الله بيفرجها لي باذنه...ياااااارب
بس ابي حل..
او...ايش ممكن اسوي حتى يطلقني
تكفون ليش تدخلون وماتردوون؟؟؟؟
ادعوا لي ع الاقل

بكر الشايب
اول شئ مرررررررررررررره بردت قلبي حسيت فيه امل اتطلق منه..
بس اخاف القاضي يحسبها لي خلع ومو طلاااق
ممكن زوجي بوقتها يقول مابي اطلق وابيها ترجع لي
وهو كذاااااب ماعمره قال ابيك يقول ابي فلوسب وانتي فاارقي مابيك...لاانتي ولا العيال
وبصراحه ماكلمت شيخ ولا قاضي بس كلام وصلني من اللي حولي انه ممكن يقول كذا ويحكم علي ارجع له فلوسه وبعدها اتوهق لان ابوي مستحيل يرجع له(لان هالحيوان متكلم على ابوي ومصارخ بوجهه ومااحترم كبر سنه للمعلوميه هو بزر عمره 23 بس...))يااارب اقدر اتطلق منه يااارب
وما يحسبونها علي خلع ياااارب....بصراحه صعبه خلع من وين لي اعطيه حلاله؟؟وانا مو لاقيه نفقه حتى لعيالي؟
حسبي الله عليه ونعم الوكيل

يا حياتي ... الله يفرج عليك قريب
أنا مالي خبره بهالسوالف
لا تسمعي كلام من هنا وهناك
وصبرك شوي لا تستعجلين ياقلبي بتفرج بإذن الله
لو السالفة تدخل المحاكم بتكبر وتطول
خلي أحد فاهم عاقل يتفاهم معه ويقنعه بحل يرضيك ويرضيه
الله ييسر لك أمرك يارب

__________________
ي رب رضاك و الجنة

مشكوره الوان ع المرور ياقلبي
بس لاوالله ماابغى ارضى عليه ولا يرضى علي
ابي اتطللللللللللللللق منه مابيه نهائياااااا

وان شاءالله يارب يطلق بالقريب العاجل

اختي اميرات تعرف منتدى فيه محامية سعودية مختصة بأمور الطلاق

اعتقد انه اسمه منتدى مبادرة الطلاق السعودي

لكن ماني متأكده من اسم المحامية .. سجلي هناك وحطي مشكلتك وباذن الله بيردون عليك مختصين بهالامور حبيبتي

باذن الله تفرج

لكن تأكدي انه الدنيا مو سايبه .. وان الحكم بإذن الله بيكون عادل وبصفك

ربي يوفقك

__________________

مشكوووووووووووووووره بكر الشايب ان شاء الله

كان الله في عونك


أرى في الوقت ماينفع معه غير التطنيش لحد ماهو يصير منه موقف



بعدها اثبتي عليه انه مايصلي باي دليل المهم ان الكافر (إذا مايصلي ) مايصير تجلسي على ذمته


والله اعلم


بعدين يوم طابت نفسك منه قلتي مايصلي المفروض من البدايه


الله يفرجها علينا وعليك ويخلف علينا