السلام عليكم

عندي مشكلة و مسببة لي شوي قلق و حبيت آخذ آراءكم فيها..

انا تعرفت على بنت الجيران و كانت بيننا علاقة هاتفية استمرت قرابة السنة , و الشهادة لله انها جميلة و خلوقة و مؤدبة و دخلت قلبي من أول ما شفتها بالصدفة في بيتنا..

خواتي كانوا يمدحوني كثير عندها..فالبنت خذت رقم جوالي من جوالات خواتي و اتصلت بي..خواتي كانت علاقتهم معها سمن على عسل و كانوا مع بعض مثل الخوات و اكثر..لكن بعد ما عرفوا انها تكلمني من وراهم اعتبروها خيانة لهم و أخذوا منها موقف تسبب في قطيعة بينهم من ستة أشهر إلى الآن..و نفس الشي بالنسبة للوالدة صارت ما تحبها..

خواتي يحاولون دائماً يشوهون سمعتها عندي و انها تكلم شباب..الخ.. و الوالدة تقول نفس الكلام و تستغرب و تقول لي كيف تثق في واحدة كانت تكلمك و يمكن بكرة تكلم غيرك..

طبعاً أنا و لله الحمد اعتبر نفسي انسان متفتح.. و فاهم جداً الحاجة العاطفية للبنت.. و عارف انها يوم كلمتني كانت بدافع عاطفي بحت و ليس للخراب و الفساد..و كانت نيتها واضحة من البداية و هي الزواج.. و مسألة ان البنت تكلم أنا اعتبرها شي سيء لكن ماهو مبرر لرفض الفتاة لأن أغلب البنات يكلمون إلا ما ندر..حتى خواتي سبق انهم مروا بتجارب معينة و تنبهنا لهم..فصرت اقول لهم كيف تعيبون عليها شي انتم سويتوه بنفسكم..

فوق كذا..و الله يا جماعة ما ابي امدح نفسي و يعلم الله اني متواضع..لكن انا سمعتي في العائلة أروع مما تتصورون.. معي شهادة في تخصص محترم و دخلي الشهري مرتفع بفضل الله و الآن أدرس الماجستير بالخارج و بعدها بيكون منصبي جيد و راتبي عالي.. و الوالدة تقول انا ما ارضى لك الا وحدة من مستواك.. و البنت هذي ما فيها شي لكن تقول انها عادية و تدرس في تخصص عادي و انها تبي لي وحدة مميزة و ترفع الراس على قولتها..و هذا نفس كلام خواتي.. و صاروا كل شوي يقترحون علي وحدة إما ملكة جمال أو دكتورة ..الخ

لكن بالنسبة لي انا ما تهمني الشهادة و لا يهمني غير اني احب البنت و أفهمها و هو الشي الحاصل مع بنت جارنا.. و مسألة انها كانت تكلمني فهذا صحيح انه غلط لكن كثير بنات مروا فيه و بعد ما تزوجوا عقلوا و تركوا الحركات هذي..

يا جماعة وش الحل..انا ما يهمني راي خواتي مع اني ما ابغى اكسر بخاطرهم..لكن اللي يهمني راي الوالدة..رايها و رضاها قبل كل شي بس انها تقول مستحييييييل ارضى لك هالبنت..

وش اسوي يا اخوان؟ اتركها و الا استمر في المحاولات مع امي و الا كيييييف؟

الاشراف : عذراً تم تعديل العنوان .و بالتوفيق

أحي فيك يا اخي ضميرك اليقظ الذي ندر في هذه الايام

انصحك تأخذ الي اختارها قلبك لانك ماحتنساها ابدا بالذات انك مقتنع فيها تمام الاقتناع

لذا اننصحك بإقناع والدتك بالأمر وطبعا مع الاستخارة الله يوفقك للخير

__________________

السلام عليكم ورحمة الله وبركاته


خذ اللي تحبها وافضل تقنع بامك حتى توافق



هذه تعرفها

اطلب منها ان تستخير وانت ايضا استخر وبنت الجيران ايضا



شوية اضراب عن الطعام ويمشي الحال


الاضراب امامهم فقط لكن تناول الطعام في العمل

__________________
http://live.gph.gov.sa/
اللهم اني استودعك اولادي

نسيت أقول لكم .. البنت بعد ما تزاعلت مع خواتي مرضت و عانت بشكل كبير في الفترة الأخيرة لأنها كانت تحبهم ..
و هذا شي يحسسني بالذنب و يدفعني اني أعوضها عن اللي حصل لها بسببي..

شلون دروا اهلك انها تكلمك؟حركتها جدا قويه وجريئة كان بإمكانها تلمح لخواتك انها تتمناك لكن حركتها سيئة واحسن لك انساها عمر اهلك ما حيتقبلونها وبيعايرون اعيالك بكره بأمهم والله يستر عليها بس ماأيد الزواج ابدا

هذه جرئة زائدة جدا جدا ! أين الحياء؟!

اخى عين المحبه عمياء فلا تستطيع ان ترى عيوب الحبيب
المشكله ليست بانكم تعرفون بعض مسبقا وتتهافتون
لكن خلى باعتبارك ان اخواتك عرفوها اكثر منك وعارفين اى نوع من البنات هى
صدقنى لو اخواتك يشعرون انها اهلا بك وبنت ممكن تصونك كانوا اول من بادر الى المباركه لكم
انصت لهم وكلمهم بهدوء واسئلهم بشكل مباشر ماذا يملكون ضدها

بسراحة انا مع اخواتك

و انت ادرى

يعني انا لو كنت بمكانهم كان عملت نفس الشي
انا حطيت نفسي بمكانهم

على العموم ربي يساعدك

__________________

لا تطاوع اخواتك

ترا البنات اذا حقدو على احد حطو فيه عيوب الدنيا

انا وخواتك زوجي كنا مثل الاخوات

ولما زوجي فكر يرتبط فيني حطو فيني عيوب الدنيا

وانا تزوجت اخوهم وانقطعت علاقتي فيهم بعد ماكانت علاقه ود اصبحت عداوه

اخي الكريم ..



في البداية اسال الله لك التوفيق .. وان يهديك لصالح الاعمـــال .. قوي صلتك بالله عزوجل ففيها سعادة الدارين ..

اخي الكريم تحملني شوي ..

حديثك مع فتاة اجنبيه عنك .. خطأ ..

اتصالها عليك جرأة زايدة وخطأ .. ايضاً ..

وكلام الوالدة صحيح .. كيف تكلم شــاب وهو اجنبي عنها ..


مستقبلاً .. يأخي لو فرضنــا انك تزوجتها .. كيف سوف ترتاح ووالدتك ليست راضية عنك ..

الله يشرح صدرك .. وينور دربك ..

اقتباس:

أغلب البنات يكلمون إلا ما ندر

الامــــاندر ضع تحتها الف خط .. الحمدلله كثير الذين لايكلمون شباب ..

كثير منهم الوازع الديني والخوف من الله .. نصب اعينهم ..

الحق يقال .. على القليل في مجتمعي ..


اللهم ياحق ياكريم .. ارزق اخينا بزوجة صالحة ..

ووفقه في الدارين ..

__________________
حَسْبِيَ اللَّهُ لا إِلَهَ إِلا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ