السلام عليكم ورحمه الله وبركاته
اخواتى الحبيبات
اولا دى اول مشاركه ليه فى المنتدى وعاجبنى جدا وانا بتصفح بعض مواضيعه
وانا دخلت المنتدى من موضوع كنت ببحث عنه
اولا انا مخطوبه وان شاء الله هانعقد قرانى قريب ادعولى كتير
ثانيا انا خطوبتى ممكن تكون عن البعض غريبه شويه انا اتخطبت عن طريق الاهل وخطيبى كان مسافر ومازال وكان تعرفنا بعد الموافقه المبدائيه وبعدين اتكلمنا على النت وشفنا بعض واقتنعنا واتخطبنا وهو مسافر والكلام بينا كله على النت او فى التليفون بس بالرغم من ذلك انا حبيته جدا وبحبه جدا جدا جدا وهو كمان بيحبنى بس المشكله انه عصبى شويه وبيزعل من اقل حاجه مع انى موش بحاول ازعله خالص ولو قلت حاجه موش بقصد انى ازعله وزعل بتأسف وبتأسف كتير حتى لو حاسه انى موش غلطانه
كنت بخاف من بدايه خطوبتنا انه اقوله انى حبيته وانه بيوحشنى وبالرغم من ذلك كنت بقولها لانى حساها وانا من النوع اللى مبيعرفش يخبى مشاعره خالص وحضرت ندوه كان فيها دكتوره داعيه وسألأتها بعد الندوه ان كان دا صح ولا لاء قالتلى عادى لان وسيلة التفاهم بينكم هى الكلام وكمان دا اللى بيقربكم من بعض لكن واحده صحبتى قالتلى دا مش مبرر ومينفعش بس انا بقول ومش عارفه ان كان دا صح ولا غلط بس الموضوع اللى شيفاه اكبر انه ساعات كتيره كان بيطلب منى انى اقبله بس فى التليفون وانا كنت بقوله ملهاش معنى ولا لازمه لما نكتب الكتاب وهيكون ليها معنى وقتها وقفلنا الموضوع داوزعل منى كتير ورجع فتحه تانى وقالى دا كلام هو انا معاكى يعنى فى نفس المكان وكنت بقنعه ان دا لو كلام لما نكون مع بعض اكيد موش هايكون كلام وانا خايفه بس فعلا حصل وعملت كدا عارفه انى ضعيفه قدامه علشان كدا انا صممت انه لما ينزل نكتب الكتاب على طول بس اهلى موش موافقين وموش عارفه اعمل ايه وانا متأكده انى لو اخذت موقف هايكون فيه زعل منى بس هل فعلا طلبه دا من حقه او حرام حتى لو كان كلام بس زى ما بيقول؟؟؟
يعنى لو استمرت خطوبه بس انا موش هاكون مرتاحه وموش عاوزه حتى اخرج معاه مجرد خروج الا لو كتبنا كتبنا نفسى اقنع اهلى بس موش عارفه ازاى ان الاحسن كتب الكتاب انا لسه قدامى سنه خطوبه وانا مخطوبه من سنه
ساعدونى وقولى لى اتصرف معاه ازاى علشان ارتاح واقنع اهلى ازاى مع انى حابه انى اكتب الكتاب لانى مقتنعه بيه ومقدرش استغنى عنه وخلاص احنا عرفنا بعض
اسفه انى طولت عليكم

الاشراف : تم تغيير العنوان, بالتوفيق