السلام عليكم ورحمة الله
أولا والحمدلله دخلت عالم المخطوبين وعقد قرآني
خطيبي يحبني ويموت فيني ولكـــــــــــــــــــــــــــــــــــــــــــــــ ـــــــــــن
هناك مشاكل او صعوبات تواجهني ولا أعرف اتجاوزها وأملي في الله ثن انتم انكم تساعدوني:
أولا أنا خطبتني امه اولا من امي واذا كنت موافقه عليه او لأ علشان بعد كذا يتقدمون لي رسمي علما بأنها تقرب لأمي وتمون عليها المهم وانا كنت واضحة معهم انا ماأقدر اخذ قرار إلا برأيي أبي في مثل هالامور وقالوا طيب ووافق ابي واخي و يوم وافقت انتظرته 4شهور ولا جاء والمشكلة ان خبر خطبتي طلع من عند اهلة واخواته لأنهم فرحوا فيني لكن يوم طول وجاني 3 خطاب وما حصل نصيب ارسلت امي عند امه وقلت خلااااااااص ماابغاه....إلا وأمه قالت:والله مستحيه منكم والولد فشلني منكم وماني عارفه ايش اقول لكن الولد مايبغى يتزوج إلحين وتراجع في قراره إلا ويقول لأمه ماعاد يبغى يتزوجني بعد ماكلمنا وانتضرته 4 شهور المهم انا زعلت انا واهلي لكن بما اننا ناس فاهمين قلنا قسمه ونصيب وماله داعي الزعل لأن امه زعلت منه مره لأنه احرجها معنا المهم وقلت حتى لو جاني مره ثانيه مارح اوافق عليه وبما اني جميله ومشهورة وخطابيني كثر لكن في نفس الوقت كنت اقول انه افضل مواصفات جاتني في زوج لي
المهم تفاجأت بعدها ان ابوه يكلم ابي ويبغون موعد علشان يزورورنا وما كنا متوقعين انها خطبه لأنهم من العائلة إلا وهو جاء يخطبني من ابوي كنت رافضه لأخر يوم في المهلة إلي أعطوني افكر فيها ولآخر لحظة قلت موافقه وسوينا النظرة واتجنن فيني وملكت وبعدها هو في سواليفنا يقول انه افضل اختيار اختاره ويعتذر من تردده انه زواج وعشره عمر وطلع السبب يقول انه شافني زماااااااااان لمحة بالخطأ وكل مايقولون له اهله خذها يقول إلا هذي ماهي حلوه وكان يستغرب من أهلة الرد العنيف عليه مع العلم اني انا ماشفته يوم شافني وقلتله يمكن ماني إلي شفتها يقول إلا متأكد انك انتي لأني سألت أمي
المهم
لمن يسولف لي عن هالشي انه ماكان يبغاني وكان يفكر اني ماني حلوة لكن مواصفاتي واخلاقي عاجبته ومالقاها في احد غيري لكن انه قبللايشوفني كان يكرهني ((أنقهر مووووووت منه ))كيف ارد عليه؟؟؟؟؟؟؟وصرت بصراحة انقهر يوم وافقت عليه علشان هالسبب مع العلم انه طيب وعلى نييييييييييييه بالمره وماقصده يجرحني لكن ما أدري عنه ويوم هو يقارني ببنات عمه يوم يفكر انه يخطبني ويقول يمدحهم لكن يقول انا احلى منهم في اخلاقي ومميزاتي فهذا الشي دفعه يخطبني ويوم شافني حلوووه اكتملت المواصفات إلي في راسه ويقول انا كأني رزق وجاه

بالله ايش رأيكم فيه وايش اسوي معه بصراحة ملييييييييييت موووووووووت وصرت اخاف اكرهه وانا صرت متزوجته وفكرت اتطلق منه قالوا اهلي اذا تتطلقت منه يقولون العيب مني والرجال مايجيه شي ؟؟؟
مع إن كل الناس يقولون ياحضها خطبها مرتين ميت فيها ما هم دارين ايش السالفة