الموقف ::



شخص من كان عمره تقريبا 17 يقال انه لبنت من جماعته اصغر منه ب سنتين في

19 خطب الفتاه والكل ( على قولتنا شارينه ) لاخلاقه 00 لسمعته 00 لاهله 00 لامه

اخوان البنت يشفون انها صغيره و انه ما توظف رغم ان الوظيفه مضمونه وهي صغيره

بالاخير الام تبي والابو ا يبي ووافقوا عليه هم بعد يحبونه يعني مافيه اشكاليه

قبل فتره لما خلصت الثانويه 00 طلب انه يملك عليها 00صار عمره 20 يبي على الاقل سنتين 3 يتزوج ماحدد

رفضت الام قالت البنت صغيره وبتدخل الجامعه وتو الناس ماراح تتزوج الحين

قال ماعليش ياخاله نملك وبعد فتره نتزوج 00


قالت تملك بشرط :

البنت على كيفها 00 تتغطى ماتتغطى كيفها

البنت تسوق سياره 00 ماتمنعها

مافي عرس الا بعد ماتخلص 00 و يمكن تاخذ 5 سنوات يعني مافيه زواج


و ام الولد تقنع فيها مافي فايده 00 تروح تدق على الولد


قال الولد ياخاله الغطى شي ضروري 00

و جامعتها انا اوديها وين ماتبي اوديها ليش شرط الا تسوق

والزواج انا رجال ماادري يمكن بعد سنتين اتزوج

قالت لا مافي زواج انا حالفه بنتي اخليها على كيفها 00 ماحد يتحكم فيهااا



قال الولد لامه اعتذري منهم انا مااقدر ابدا مع هالشروط من زمان خاطب ليش

ماقلوا ماراح تتزوج البنت على سن 23 او 24 ليش نطروها


رغم ان لها اخت ملكه من كانت صغيره وصارت بالملكه 8 سنين وكل سنه تدق الام على اهل المعرس بدون فايده تو الحين تبي تتزوج 00

مااعتبرت من بنتها وبعد البنت الثانيه ملكت وهي صغيره وماتزوجت الا متاخر

وسبحان الله بنتها عمرها 18 سنه والولد يقول ابيها والزواج ابيه مو متاخر وهي ترفض



وش رايك بهالاعذار ::

الام تدور له بنت ثانيه : فلانه : لا

فلانه : لا مابيها لانها ولانها


المهم

الولد بصراحه طلب من امه تخطب له وحده جمال 00 وسمعه 00 واخلاق

اكبر منه بـ 10 شهور وهو مرتاح لها

وخطبها ولما درت ام البنت كلمت ام اللي خطبها الولد صديقتها ومن الجماعه

قالت وهي تبكي شلون تاخذين على بنتي ؟

الام استغربت : والله مو ملكه وتطلقت بنتك 0

والقسمه والنصيب صارواا

قالت : لا يمكن الناس تقول انك مدبره الموضوع

قالت : سبحان مدبرته وانتي اللي حطيتي شروط والولد شاريكم

قالت : ايه بس هو مايستاهل بنتك ((( رغم الكل يمدح فيه )) رجال ومراءه صغير وكبير

قالت ام البنت : طيب ليش مايقولون الناس انك تبين احد ثاني البنت 00 ليش الناس بتتكلم علي 00 ويامره القسمه والنصيب فوق كل شي

صار كلام موطبيعي وصارت تتوعد الام باخته المهم كلام اللي يسمع يقول وش هالام

حرام عليها 00 فوق اللي طلبته ماتبي احد يتركها هي وبنتها


ومن اسبوع 00 في واحد خطب البنت اللي تركها الولد وهذا قبل امها تمدحه وتقول والله كان يبيها بس هي فايته لفلان كانت تسولف على صديقتها

وكانت تمدحه حيل ولد اخوها 00 وتقول لو غلاة فلان واخلاقه وانه رجال مافوت بنتي لولد اخوي

وراح يملكون والولد كبير يعني مستحيل ينتظر اكثر من سنتين وراح يتزوج !!

وحده تعرفها عز المعرفه تقول : هي ماتوقعت يترك بنتها 00 وانها بالعكس متحسفه على قد شعر راسها لان امها طيبه بشكل ماتتصورونه

وهو اخلاق وسمعه 00

ولما ترك بنتها صحيح استانست لان في احد بيحل مكانه بس ماتمنت انه يخطب بنت زينه نفس بنت صديقتها 00 لانها ماكنتت تتوقع يبي ياخذ اكبر منه

خصوصا كل اللي كبره واصغر واثقه انهن مو حلوات ؟؟



بالله وش تستنجون من السالفه؟

وهل زواجه من اللي اكبر منه ب 10 شهور ياثر رغم جمالها 00 واخلاقها وسمعتها وتفوقها وطبعا دينها وعلاقته مع اخوانها 00 وهو اللي قال ابيها ؟


تتوقعون هو اللي قهر ام البنت وخلاها تقول انه مخططين لترك بنتها ؟

سلام .... اسف لانه ردي ليس له علاقة بموضوعك

قبل مدة انت ذكرت في موضوعي ان لك صديقة قصتها مشابهة لقصة زوجتي

"اخي الكريم مأساتك حاصله لفتاه اعرفها 00
وهي الان تكمل الثانويه العامه 00 وما جرحها هو ضرب زوجها لها وعدم رحمته
وانانيته وهي في الغربه 00 تقول انها جرحت كثيرا 00 "

اريد ان اسالك ما حصل للفتاة؟ هل عادت الى زوجها؟ واذا كان الجواب نعم فمالذي حصل وكيف استطاع زوجها ارجاعها؟
ارجو الافادة

تركت الدراسه ورخلص دراسته ورجع رجعت له الحمدلله ووهي حامل على وشك ولاده ثانيه
والحين ساكنه بالرياض عنده دوره يخلصها 00 ليش في تقارب بالقصه لهدرجه

اذكر قالتها اختي من زمان لانها صديقتها ومو بنفس الاسم اللي الحين ادخل فيه بالمنتدى غريبه شلون عرفت ؟؟

لانه المعرف الجديد موجود في موضوعي وانا كنت قاعد اقرا الردود

هل رجعت بعد ان انهى هو دراسته؟

هل طلبت الطلاق في فترة جلوسها عند اهلها؟

كيف كان رجوعها وماذا فعل لترضى بالعودة؟

بصراحه مااذكر بالضبط شنو اللي حصل بس لا الطلاق ماصار ومااصرت عليه صحيح تعبت 00 بس اساسا اللي اذكره هي

كانت غلطانه بعده امور كانت تقول اختي هي مهملته وكانت تبيه يهتم فيها من هالامور 00

كانت تبي تكمل بس هو كان على وشك يخلص وخلص ورجع واساسا قبلها رجعها بس قعدت عند اهله بشقتها

والحمدلله رجع والحين عنده شغل وما استغنى عنها قال تاجل دراستها واخذها معه


كيف كان رجوعه بسب الاهل تدخلوا وحلوا الموضوع اعترفت بخطائها واعترف بخطئه كان تجاهل منهم



ليش اخوي اللي اذكره كنت بنفس حالة البنت اللي قالت عنها اختي واللي اتذكره كانت زوجتك والد او حامل شي

نفس كذا00 ليش ماحليت الامور مع زوجتك

للاسف هي لا تريد الرجوع والان صايرلي سنة ونص صابر و باقيلي كورس و ارجع

لكن هم مصرين على الطلاق

الشاب صغير هل هو قادر يفتح بيت ويتحمل مسئوليه ؟؟؟

اذا قادر هذه نصيحتي
حماه متسلطه من البدايه وتفرض شروط غريبه وتبيك تنتظر خمس سنوات مملك ووووووووين حنا فيه.... لا وماتبيك تقول لها شي اذا ماتغطت ........!!!!!!!!
يا اخوى لاتوجع رااااااسك معها وبكره لو تزوجت بتطلع لك بشروط ثانيه وراح تكرهك حياتك
لو امها صدق تبيك كان يسرت الأمور وسهلتها مو أسلوب التطفيش هذا ياكثر البنااااااات متزوجات وهم يدرسن بس حماتك والله مو عارفه مصلحه بنتها ولا البنت تعرف مصلحتها ..............الا وين ابوها من هالسوالف كلها

أخوي بنات الحلال واجد واذا راحت فيه الف غيرها خلك مع الكبيره اذا مرتاح لها

تحياتى

الله ييسر لك امورك يارب 00 واللي الله كاتبه صدقني بيصير 00

الشاب عمره 20 و بنيته الزواج بعد سنتين 00 ومشاء الله كل اخوانه كذا يتزوجون صغار

والله يشهد انهم رجال مشاء الله الكل يمدح فيهم


الابو 00 بصراحه تصدق هالنقطه مدري عنها بالسالفه بس كل هالسوالف الله يستر اكيد الام متسلطه


انا اقول حماة كذا متسلطه وماتبي الولد
شكرا على مروركم

ام البنت متسلطة وحسودة وزين تركهم
والله يوفق الشاب ويكتب له الخير