سلام عليكم ...

مشكلتي اعتبرها كبيرة صدقوني تعبت نفسيا من خطيبي

وانا الحين قررت اني اقول له كل شئ اما بوجهه ولا برسل له بالايميل

ما عدت اتحمل

احس اني مو متفقة معاه بالافكار واذا نختلف طبعا يعصب وانا اوجه له وجه نظري ومع اني عصبية بس معاه دايما اضبط اعصابي لان ابي اشوفه واعرف تصرفاته
توقعوا هو عنده اجازة في الاسبوع يوم واحد وهذا ساعات نطلع فيه وكل طلعة معاه لازم ارجع بنفسيتي التعبانة
تدرون بكل طلعة اشوفه الحين كل يعصب مع ان قبل كان غير وعلى اشياء بسيطة مثلا مرة كنا نبي نروح مطعم ما شفته الا موقف في مكان بعيد ! قلت له ما في الا هالمطعم ؟ فيه مطاعم كثيرة فيها باركات قريبة منها . ووووغير مواقف كثير يعصب فيها .
وصار لنا مدة ما رحنا مطعم راقي ... ما ادري كيف اوصل له هالنقطة يعني كفاية انو اجازته يوم واحد بس ... اوقات اقارن صديقاتي واندم ... يعني تصوروا بس يوم اجازة وباقي الايام يرجع تعبان ... بتقولون راعيه بس كيف اراعيه والحين صار لي يمكن 5 مرات اطلع معاه وكل ارجع مقهورة من كلامه معي.
انا امامه اتماسك نفسي ولا عمري قلت له انت غلطان او طلبت منه انه يوديني مكان ولا مطعم ولا شئ فما ادري ليش كذا يعصب علي .

ابي نصايحكم هل اسكت عنه ولا اكلمه ولا اصارحه بكل شئ؟؟؟؟ وادري عنه انه حساس وبيتاثر من كلامي لو صارحته بكل اللي في قلبي بس شلون يدري عن اللي في قلبي !

شوفي الغالية...
الرجال بسيطون جدا.. و لو نحن ما قلنا لهم الي في خاطرنا ما بيعرفونه ليوم الدين..لان تفكيرهم مختلف عن تفكير النساء..
الغالية.. اول نقطه لاحطتها في السالفه..
ان خطيبج عنده يوم واحد اجازة.. و انت تطلبين منه ان يكون معاج في هذا اليوم الوحيد.. اعتبر هذا شيء ايجابي.. لانه ما يطلب منج انه يقضي هذا اليوم مع اصدقاءه..
و بدل ما تطلعون في كل مره.. ليش ما تسوين عشاء من ايدج و تقعددون في بيت ابوج .. و تسولفون احسن لج ..
و بعدين شو الي تبين تقولينه لخطيبج.. ليش ما نروح مكان راقي... انتي غلطانه بهذا..
انا انصحج انت تقترحين مطعم معين في خاطرج احسن وايد .. لانه يمكن المطعم الي اختاره يكون راقي في نظره..
و بعدين لا تغلطين و تقارنين بين خطيبج و صديقاتج.. لان خطيبج يمكن تكون فيه صفات احسن من صفات ازواج صديقاتج.. بس المقارنه تخلي خطيبج و لا شيء..
و الموضوع بايدج.. اول شيء من يصير الموقف تقولين ان هذا الموقف ضايقج..
و ثاني شيء.. شوفي الاشياء الحلوه الي تحصلين عليها من خطيبج و لا تتوقعين انج بتحصلين رجل منصاع لاوامرج و طلباتج الي انت ما تنطقين بيها بس تلمحين ...
انصحج تقرأين كتاب الرجال من المريخ و النساء من الزهرة.. و بتلاحظين الفروق الي بين الرجل و المرأه..
و الاهم من هذا لا تذمين خطيبج مهما حصل امام شخص اخر.. الا اذا كنت تحبين ان خطيبج اذمج امام الناس

__________________
تذكرى ...
لقد كنت زوجه قبل ان تصبحي أما..

تذكرى..
الاطفال سيتزوجون و لن يبقي لك سوى زوجك..

تذكري...
لا تحاولى انقاذ العالم.. و تنسي انقاذ عالمك( زوجك)

أختي الكريمة ...

أثارني امر بالموضوع ... فآثرت ألا أخرج حتى اكتب ما بداخلي ....

تقولين : وعندما أقارن بينه وبين ازواج صديقاتي ...


يا اختي لو كتب خطيبك موضوعا هنا عنك وذكر عدة مساوئ عنك .... ثم يقول وكلما

أذكر مساوئها وأذكر زوجات أصدقائي أصاب بالإحباط واتمنى أني لم اتزوجها ..

والله أن المقارنات تزيد الجرح وتنزفه ... ونحن نريد لهذا الجرح أن يبرأ ..!!

خطيبك يبدو من النوع العصبي جدا ...

وهذا النوع تحتاجين لإيصال أي رسالة له لنفس عميق ...

تذكري ان هذا زوجك شئت أم أبيت ... فطوريه إلى الأفضل .. حتى ترتاحي في النهاية ..


أما المطاعم الراقية ... فلا تكن هي المقياس .. إن أتت أتت .. وإلا فلا تهمك كثيرا ..

فلعل زوجك على قد حاله .. أو أنه لم يتعود على هذه المطاعم ..


أصبري ثم أصبري ثم أصبري وسترين النتائج إيجابية بإذن الله ...

أسأل الله أن يألف بين قلوبكم ويصلح ذات بينكم ويهديكم سبل الرشاد ..



دمت بحفظ الرحمن ...

__________________

اللهـــــــــم ألن قلب زوج دمعات الروح ... ورده إليها ... وردها إليه معززة مكرمة ...

اللهـــــــــم أجعلني خيرا مما تظن زوجتي ... وأجعلها خيرا مما أظن .. ويسر لنا امورنا ...اللهـــــــــم آمين ...

اوافقها في رايها واذا كان لديك ما يضايقك به فعليك مصارحتوا

__________________
يارب وفق زوجي الي كل ما تحب وترضى يارب
اللهم لا تذرني فردا وانت خير الوارثين

مشكورين على الرد

ارتحت لردج اختي ام القلوب ... والحين هديت شوي وفكرت في السالفة ... على فكرة قريت بعض الفصول من كتاب الرجال من المريخ والمراة من الزهرة انا مثقفة بس فيه اشياء ما احب اني اقولها ... صحيح الرجال يحبون المصارحة بس ا1ا شئ في طلب او أمر ما اقوله ... بس ان شاء الله اغير الان طريقتي وببدء بطريقة المصارحة.
وعن سالفة الطبخ بالبيت ..اختي هو يوم واحد اجازة وانا يا دراسة او قعدة في البيت ... ما احب اني اقعد واطبخ بالبيت ... بعد الزواج بطبخ اكيد ........
في الاجازة الياية بقول له عازمتك على مطعم وبخليه هو الا يدفع هههه

تغيري المطعم عشان مافي مواقف

طيب خطيبك يريد هذا المطعم .. تقومي تقولي له غير المطعم عشان المواقف

والله له حق يعصب الرجال

... ... ... ... ...

وبعدين بالنسبة للمطاعم الراقية

يمكن الرجال مهو مقتنع أنه يضيع فلوسه في مطاعم غالية ويعتبر هذا الشيء من الإسراف ..

فإذا أخذك بدون طلب منك إلى مطعم غالي فجزاه الله خيرا

وإذا نفسك في مطعم راقي ممكن تقولي له إيش رأيك في المطعم الفلاني

فمن هذا السؤال ستعرفين رأي زوجك في هذه المطاعم

وبالنسبة لعصبية زوجك.. فكثير من الناس عصبيين ولكن كيف ممكن أن نتعامل معهم

والله يوفقك لكل خير

الحقيقة آنـآ مع الرسول يوم قـآل ( قل خيرا او اصمت ) .. !

انا راح اعلق على نقطـة وحدة بس ..

آختــي .. ( انتبهـي ، انتبهي انتبهي ) ..

انتبهي من المقـآرنة اللي راح تهدم عليك كل شي !

انتي وش يضمن لك ان صديقـآتك (( صـآدقين )) !

البنـآت هـ‘ اليومين همـّـهم الوحيد ( الفشخرهـ ) قدآم النـآس !

و (( مـآ خفي كـآن " أعظـم " )) .. و تعودي دآيم تشوفين اللي

اقل منك .. عندهـآ راح تحمدين ررربـك ..

__________________

آدعوا لـي .. " بالزوجة اللي تملى علي حيآتي " ..

أختي الرجل مايحب الأوامر اذا كان في خاطرك شي قوليله (( اش رايك نروح هذا المكان )) قوليها بصيغة اقتراح وهو اللي يقرر ،، لأن الأوامر عندما تكون بصيغة مباشرة تجعله يحس بعدم التقدير منك ( هذولي الرجال وهذا تفكيرهم ) ،،
وشيء ثانــي المقارنه تعب صدقيني ،، خليك مقتنعه في زوجك 100% حتى تصبحي سعيدة في حياتك ،،

تمنياتي لك بالتوفيـــق ياقمــر

تحياتــي

لينـــــــــــا

__________________
۩ஜ۩● قبـل الـزواج فكـر قليـلا .. فسيكـون هذا هو آخـر قـرار تتخـذه بمفـردك فـي كـل حياتـك بعـد ذلك ۩ஜ۩●

ஜ ،، دعاء للوالدين ،،ஜ
اللهم أبسط على والداي من بركاتك ورحمتك ورزقك
اللهم ألبسهما العافية حتى يهنئا بالمعيشة , واختم لهما بالمغفرة حتى لا تضرهما الذنوب
اللهم اكفيهما كل هول دون الجنة حتى تُبَلِّغْهما إياها برحمتك يا ارحم الراحمين
اللهم و أقر أعينهما بما يتمنياه لنا في الدنيا
اللهم أسعدهمــا بتقواك
اللهم وأعنا على برهما حتى يرضيا عنا فترضى
اللهـــم آميــن

ما ادري ليش كلكم حاطين علي ... انا قلت ساعات اقارن يعني مو بكل الاوقات واعرف ان المقارنة تخلي العيشه صعبة لان اصابع اليد ما هي سوا.

اناقلبي طيب يعني ما ابين له اني معصبة وقت اللي معاه بس الحين تصدقوا صار لي 3 ايام ما اشوفه ... هو رسل لي مسج حب بس انا ما عبرته ولا طرشت له .... اشعر اني من كثر ما انا شايله عليه اكرهه وما اطيق اكلمه بالتلفون لاني ما احب لا اجامل ولا انافق .
اعرف راسي يابس بس ما احب احد يعصب علي حتى هو قال لي انه يتاسف اذا عصب ويعرف انو كثر الطق يفك اللحام. والحين صار لي طول هالمدة اللي ما شفته اعيد المواقف اللي عصب فيها واكتشفت انها اكثر من 5 مرات

وعن سالفة الموقف تبع المطعم ... انا ما احب احد يوقفني مكان بعيد اعصب وانقهر واتمني الارض تبلعني ولا الناس يشوفوني اتمشي عشان مطعم فيه عدة فروع له وفيها باركات انا اقول له رايي بس يقول لي احب اكلهم لان هذا الفرع الاصلي تبعهم وييقول بمزح احسن تمشين عشان تجوعين ، وشرايكم من حقي اعصب ولا لا ؟؟؟

هذا غير انه سريع بالمشي وانا اقول له امش بجانبي احسن لك بس هو يقول انه خطواته سريعه .. على فكرة كم مرة قلت له هالشئ ولا فيه فايدة ما اشوفه الا يمشي عني وانا هني انجرح احس الناس يطالعوننا وكنا مو متفقين على شئ ، وقلت له هذا احنا تونا ما كملنا السنة وانت جذي عيل بعدين بعد الزواج شنو بتسوي ؟ يمكن يخليني اركض وراه !

اتمنى تعطوني حلول حق احل هالاختلافات لان المصارحة مو بكل شئ تفيد .

هههههههههههههههههه
شر البليه مايضحك
اقترح عليكم تشترون هيلوكبتر علشان ينزلك على المطعم مباشره وماتتعبين !!!