السلام عليكم

اخواني هاي قصتي واتمنى حد يساعدني

لاني شوي خايف


انا رايت بنت رؤيه شرعيه وجلست معاها

اول شي حسيت براحه بيننا حسيت انها تشوفني واشوفها

يعني هي ماتكلمت وايد لكن حسيت بشعور غريب ماهو بشعور الحب اعرف بتقولون جي

لكن شعور لاادري ماهو

والبنت ماعليها اي كلام ماشاء الله ادب ودين واخلاق

واهلها كان تعاملهم معاي نفس العسل واحسن من العسل

استقبلوني ورحبوا بي وشوي بحطوني في عيونهم جزاهم الله خير

وناس عندهم مال ولكن فيهم جانب التواضع ولله الحمد

المشكله اني انا دحينه حاس بالخوف .. لا ادري هل هذا خوف من التجربه القادمه

ام انه خوف ووسواس عادي ؟ ام انه عدم راحه ؟ ام انه فقط من الشيطان ليبعدني عن اكمل نصف ديني ؟

لو البنت فيها اي عيب ممكن فسرت الخوف منها مثلا لكن البنت الحمدلله جدا مواصفاتها زينه

واتوقع لها انها بتكون زوجه ناجحه بادبها وبساطتها وهاي الي يتمناه كل رجل

لكن مدري الخوف الي فيني شنو سببه

احيانا ممكن اقول الشكل لكن ليش اهتم بالشكل واحطه كعامل اساسي وهاي خطا

---

بعد ماسمعتم بمشكلتي ارجو حد يساعدني ويعطيني دفعه ايجابيه

ويعطيكم العافيه

السلام عليكم

انت تريد دفعة ايجابية ولك هذه الدفعة مقدماً

من واقع تجربة .... ما تشعر به طبيعي جدا والسبب في اعتقادي انك قابلت ( شريك حياتك ) وكما ترى فإن الموضوع ليس هينا وبالتالي انت ستشعر بتقلب مزاج حتى انك لا تدري هل انت تريد الزواج منها او لا. ومن ثم سيستقر حالك ان شاء الله بعد الاستخارة.

واظفر بذات الدين

تمنياتي للجميع بالتوفيق

وعليكم السلام ورحمة الله وبركاته

استخر ربك

ثم اعقلها وتوكل


وتأكد أن ترددك وحيرتك أمر طبيعي يمر به الكثيير من المقبلين على الزواج

ومبرووك مقدما


وأسأل الله أن يجعلها حورية في عينيك

وأن يؤلف بينكما ويرزقكم الذرية الصالحة المتعافية

__________________
صبرٌ جميل والله المستعــان ،،
الحمدلله على كل حال ،،

سلام عليكم


اشكركم على الدفعه الايجابيه الرائعه

بالفعل انا شعر انها بنت لاتتعوض

من ادبها واخلاقها

الجمال ليس شي اساسي في الحياه

كلنا بعد ال30 تطلع التجاعيد ونصير خصوصا النساء الله يعينكم

لكن الاهم جمال الروح والقلب .. الجمال الباطن الرائع الي يستمر للابد

رزقكم الله بالخير دوما

وانا متوكل والخوف كله من الشيطان \

انا استخرت وتقدمت

ان كتب ربي خير فستكون لي ان شاء الله امين
وان لا فالحمدلله دوما على كل حال

اشكركم ودعواتكم

زين سؤال ثاني ياجماعه

احيانا احس اني خايف من المستقبل

اخاف اظلمها .؟؟

هل هذا ايضا من الشيطان اعوذ بالله منه؟

اخواني هاي فتره حرجه وعشرة عمر

ولازم الواحد يحسب كل شي

اتمنى ان الله يجمعنا بخير يارب

الخوف هذا طبيعي لانك مقبل على زواج وبتم الافكار اتراودك والخوف يسيطر عليك بس هذا كله انشاءالله بينتهي بس انت لا تفكر وايد في المستقبل فكر في اليوم اللي انت فيه وخل تفكير المستقبل ليومه كل يوم ليه تفكير اتوكل على الله وابعد الشيطان عنك ربي يسعدك ويوفقك ويجمعك معاها بالحلال....

طبيعي جدا .. فهذا مستقبل وحياه أبديه .. فالجميع يشعر بالخوف .. فلاتجعل هذا الخوف يسيطر عليك ويضيع عليك الفرصة... إذا كنت مرتاح من سمعة أهلها وأخلاقهم ومرتاح من البنت توكل على الله .. وبتحس بعدين إنه هذا الخوف ماله أساس من الصحه



وبعدين ليش تخاف تظلمها .. عاملها زين وحاسب لها وغرقها في حبك وحنانك .. ما راح تظلمها ... وقول لها من البداية مثل ماقال لي زوجي الله يخليه لي (أي شي يضايقك مني لو بذر مني وأنا ما حسيت أو كنتي مضايقة من أي شي فيني على طول قوليه عشان ما تتراكم الأشياء وتباعدنا عن بعض) وصدق ما شاء الله إتبعناها وأحس كلا م الناس وتغير الأزواج في الملجة وبعد الزواج هراء .. أحسه أقرب من أول أصلا .. وكل ما تضايقت حتى لو منه أروح في حضنه وأبجي وأقول له كل إلي في خاطري..


أعرف إنك لو خليتها تحبك وحبيتها عمرك ما راح تظلمها يا ولد الناس..


آسفة لإطالتي .. تمنياتي لك بالتوفيق

__________________

بسم الله عليك الرحمن الرحيم


طبيعي جدا


ولكن انتبه من وسوسة الشيطان هذه الفتره


صدقني هذه الفتره وسوسة الشيطان مررررررره قويه

فأكثر من التحصين وقرآة سورة البقر

والاستخاره والتوكل على الله



انت صلي واستخير

وحدد اهدافك وخططك بما يرضي الله ورسوله


وتوكل على الله


وبتتيسر بإذن الله


الله يوفقك وينور بصيرتك ويألف بين قلبك وقلبها ويشرح صدركم وييسر امركم








اخي،،، همسه صغيره من فضلك..


هذا شعورك انت

فما شعورها هي ،، وهي تهب حياتها لرجل لاتعرفه

اكيد هي خايفه اكثر منك

الله يريح قلبها ويشرح صدرها




حصنتكم بلا اله الا الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

يزاج الله خير اختي ننجا
واسال الله ان اعيش سعيد معاها ان شاء الله

والله يوفقج ودعواتج

اختي معاك حق انا لازم ازيل الخوف وهاي كله وساوس

احيانا اقول اخاف شكلها مايعجبني اخاف ماتناسبني واخاف واخاف

ايش رايج هني ؟

وسؤال احس ان شكلها عادي ولكن حسيت براحه بعض الشيء

كيف تفسرين هالشي ؟


لكن هاي كله من الشيطان اعوذ بالله منه ..


وانا راح ابينلها ان الصراحه جزء مهم من حياتنا الزوجيه

واتنمى ان الله يكتبلي مافيه الخير يارب

وماقول الا

ياجامع الناس ليوم لاريب فيه اجمع بيني وبين زوجتي على الحب والموده يارب

وجزاك الله خير