السلام عليكم ورحمة الله وبركاته
الصراحة اشكر اصحاب الموقع وعضاءه الي كل ماجلست اقرى موضوع اتحمس اني اروح للي بعده.

انا وعواذ بالله من كلمت انا ملكت قبل يومين والحمد لله تم كل شي على احسن وجه وزرتها من ثاني يوم جلست معاها ساعة تقريبا ومشيت وفي اليوم الثاني قلت خلها ماني متصل عليها بشوف هي تتصل علي ولا لأ، لاكن للأسف انها ماتصلت وانا ولعت حدي بصراحة ضاقت فيني الدنيا لدرجة اني حتى وانا في الدوام ماني عارف اشتغل اتصلت عليها الساعة عشر في الليل ولا ردت وفي هذا الوقت انهبلت الزيادة وبدت الشكوك انها ماتبيني وتبي تفسخ الخطوبة !!!!

ارسلت لها رسالة .......... ويوم جت الساعة وحد في لليل وانا في الدوام اتصلت علي ويوم سالتها وش فيك سلامات عسى ماشر قالت لي اني في المستشفى ..........

زبدة الكلام حبيت اني ازرورها اليوم وجيب لها ورد معاي وقلت افضل شي اني اخليه لونين احمر وابيض انتو وش رايكم ؟

وياليت اذا ماعليكم امر تعطوني شوية نصايح عن فترة الخطوبة علما بأنها تستحي بالمررررره وبالموووت تتكلم وطول وقتنا سواء واحنا جالسين او على التلفون ساكتين !

الله يهداك بس ..
تعصب وتولع لأنها ماتصلت ..
مافكرت إن هي بعد تنتظر منك مبادرة ..
وأكيد هي زعلت أكثر لأنها في المستشفى وإنت ماتدري عنها لأنك ماحاولت تتصل وتسأل عنها ..
تأكد إن المرأة خجولة أكثر من الرجل ..
والرجل أكثر جرأة ..
يا اخي ..
لا تبدأ حياتك معها بالزعل والشكوك ..
أنتبه .. انتبه ..
وألتمس لها 70 عذرا ..


بالنسبة للورد فأفضل ورد يهدى للمريض في المستشفى اللون الأبيض ..
ولا تدخل معه الأحمر لأنه لا يناسب جو المستشفى <<<<< دع الأحمر لليالي الرومانسية ..
ولا مانع من إضافة ألوان أخرى بشرط تكون فاتحة تسر الناظر وتضفي الحيوية والنشاط ..
أسرع إليها وزرها وحسسها بخوفك عليها وأهتمامك وحرنك عليها ..
أسأل الله العظيم رب العرش العظيم أن يشفيها ..

اشكرك جزيل الشكر لسرعة استجابتك على الموضوع

وصحيح انا غلطت بعد كان المفروض اني ماتسرع

ومن ناحية الورد ناوي اني اخليه ابيض ومعاه كم وحده حمرا يصلح ؟ وهي في البيت مش في المستشفى

اللهم امين ويشفي جميع المسلمين انشالله

أهاا .. في البيت ..
طيب ..
شكلك حاب تعطيها ورد أحمر ..
لا مانع ..
كثر من الأبيض وخل بينهم شوية حمرا ..
مثلا تسع وردات بيضات و 3 حمرات .. والشريطة وورق التغليف أبييييييييض .. <<<< مصرة على الأبيض ..
لكن أنا أقول تخلي الأحمر للرومانسيات أكثر ..

لا تستعجل و تريت قليلا فى هده الفترة يجب ان تكون البادرة منك و لا تلومها و اصبر حتى تاخدوا على بعض و على فكرة ليش ما ايكون الورد كله احمر و تزينها بالاوراق الخضر فهدا اجمل مع تشكيلة من الشكلاطة ليش لا الله ايسهل عليكم

__________________
[[IMG]

الله يعطيكم العافية وكلكم خير وبركة وردودكم ريحتني بصراحة

هههههههه اختي بحرينية الابيض يتوسخ بسرعة بس في النهاية شكلي بسوي مثل ماقلتي عجبتني الفكرة
اختي sanna مشكلتي اني عجل وحب كل شي بسرعة بس انشالله بترك العادة هاذي لأنها ماتصلح

باقة ورد ابيض
مع وردة حمرة

__________________
.
.

استودعتك أهلي في سوريا يا من لا تضيع ودائعه

مشكورررررررررررة اختي ماريا

الله يسعدك اختي مبتسمة صراحة ردك اعيطه عشره على عشره والحمد لله اليوم رحت لها البيت وقدمت لها الورد ومبين عليها انها مبسووووووووووطه مررره واليوم في تحسن صارت السوالف بينا تدور ومافي سكوت مثل اول وابشركم بعد ماطلعت من عندها بنص ساعة اتصلت تتطمن علي اذا وصلت البيت ولا لا