حقولكوا النهادة طريقة عمل النجرسكو (مكرونة بالفراخ) بس مش على طريقة لبنى عبد العزيز

المقادير:
كيس مكرونة فرن اقلام (البينى)
مقدار و نصف من صلصة البشاميل
فرخة مسلوقة
بصلة كبيرة مقطعة شرائح
2 فلفل رومى مقطع حلقات
مشروم
جبنة شيدر مبشورة
ربع كوب زيت ذرة
ملح و فلفل

الطريقة:

1- نسلق المكرونة
2- نجيب الفرخة و نفصصها من الجلد و العظم و نقطعها شرائح
3- نجيب حلة و نحط الزيت و نحط البصل و نشوحه الى ان ينفصل من بعضه (بدل ما يبقى شرائح يبقى حلقات) ثم نضيف الفلفل و نقلب حتى يصفر البصل و يستوى الفلفل (نعرف انه استوى لما نقطعه بالمعلقة يكون سهل القطع)
ثم نضيف المشروم نشوحه دقيقة ثم نضيف الفراخ و نشوحها لمدة دقيقة ثم نضع عليهم الملح و الفلفل و بكدة تكون الحشوة خلصت
4- نأخذ 1\3 البشاميل و نخففه بالماء لحد ميكون خفيف بس مش ذى الماية و نضع عليه المكرونة
5- باقى البشاميل نضع عليه الجبنة الشيدر و نقلبهم (ممكن نحطها على الوجه بعد نصف ساعة من دخول الصينية الفرن بس لما بتخلط مع البشاميل بتكون اطعم)
6- نجيب الصينية اللى حنسوى فيها المكرونة ندهنها بالزيت ثم نضع نصف مقدار المكرونة ثم نضع الحشوة كلها ثم النصف الاخر ثم البشاميل (ممكن نخلط المكرونة كلها بالحشوة و نضعها مرة واحدة فى الصينية)
7- نشعل الفرن على درجة حرارة متوسطة و نضع الصينية فى الجزء العلوى من الفرن لمدة ساعة او الى ان يجمر الوجه

و بالهنا و الشفا

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة