السلام عليكم ورحمة الله وبركاته


اعرض عليكم مشكلتي بإختصار .. وساعدوني بارك الله فيكم ..
انا لي اقارب في دولة مجاورة لمحل اقامتي .. لم ارهم منذ 15 سنه .. ناس محافظين يخافون الله قمه في الأدب والأخلاق ,,
طريقة التواصل بينا منذ فترة النت .
لهم بنت .. ( بنت خالتي ) .. سمعت عنها الكثير .. جدتي . خالتي , خالي , اختي , يتكلمون عنها وعن وصفاتها .. اعجبتني .. ( خلق ودين وجمال )
احببتها منذ 4 سنوات ..
لليوم .. اول اتفاق كان بينا .. هو الزواج .
طبعا مشت الأمور ومشت ومشت .. ولله الحمد لليوم هي تمام التمام .

طبعا هذي القصة بختصار .
الحين المشكلة .
المشكلة انه خوالي رافضين الفكرة تماما ً .. امها متردده .. البنت موافقة اهلي موافقين .. الكل موافق .. ولكن خوالي مو موافقين .
انا مسافر لهم بعد ايام ان شاء الله .. وسيتم فتح الموضوع .. وان عرفت اقنعهم .. سوف يكون هناك خطوبة وعقد قرآن بإذن الله تعالى .

ما اعرف شلون اقنعهم .. انا حاط ايدي على قلبي .. كيف راح تكون المواجهة ؟
واحد من خوالي هو الكبير .. يحبني ويعزني .. ويعرف اني احبها .. بس مايبي .. يبيلها واحد غريب .
امها كانت موافقة .. ورفضت .. او اصبحت متقلبة في الرأي.
انا عمري 20 سنه والبنت 16 ..
يعني ما ادري .. احسن الناس الأيام هذي ترجح الحرام على الحلال.. الواحد بدل مايقول اي الحمدلله فكر بروحه .. وطلب اطاعة ربه .. مع انحرف ما سلك سلوك غير شرعي ..
سبحان الله
يا اخوان اقسم بالله انا اعيش منذ 2003 وحدي ..
بعد وفاة الوالده . لي اخت صغيره قائم بحتياجاتها .. مع هذا كله فيه ناس ترفض .
لا لا .. دور لك جنسية اوربية انت عراقي ماتنفع في هالبلاد .. لا لا انت بعدك صغير .. لا لا البنت كبيره عليك خذ اختها الي اصغر منها بسنتين ..


ما ادري شسوي .. ارشدوني وفقكم الله .