السلام عليكم ورحمة الله وبركاتة
أنا عضوة جديدة في المنتدى..والصراحة المنتدى جدا رائع والموجدين فية أروع وانا أستفدت كتيير من المواضيع الموجودة فية...

انا فتاة مخطوبه ومملكة وبعد شهر زواجي إن شاء الله وانا أكلم خطيبي فقط على الجوال وماشفتة إلا مرة واحدة بس لظروف عملة...وانا وهو نموت في بعض..ومرة كان يكلمني خطيبي عن ليلة الدخلة وقد إيه هو مشتاق ليلة الدخلة وكل مرة يقولي انا بس أستنى اللحظة هادي..بعدين انا قولت لة أصلا انا ماأبغاك تنام عندي بعد الزواج لمدة أسبوعين في البداية هو اخذ الموضوع بالمزح وقالي لي لاتفكرين تتهربين مني والله إنك من اول يوم راح تكوني في حضني مجنون أنا أخليك تنامين لحالك..بعدين قولت انا أتكلم من جد....بعدها حسيت إنه تغير علي وصرت كل ماٌقولة أحبك مشتاقة لك أو أي كلام..يقولي مو أنتي ماتبين تنامين عندي
يقولي أنتي تمنعيني من حقي أنت ماتحبيني مع إني والله أموت على التراب اللي يمشي عليها..
والله أنا عارفة إني غلطانة حتى لما قولت لماما ماأني نايمة عنده لمدة أسبوعين قالت لي ياويلك لو تسوينها..ساعدوني كيف أصلح غلطتي عشان يرجع زي اول اخاف أقول لة تراجعت عن كلامي يفهمني غلط..
وبعض الأحيان أقول لازم أسوي اللي براسي بس أخاف ياخد مني بخاطرة ..
أرجوكم قولي لي كيف أصلح غلطتي لاني من جد حسيت إنة مرة زعلان..
ولكم مني جزيل الشكر