السلام عليكم و رحمة الله و بركاته ,


ابشركم خطبت و البنت وافقت و اهلها وافقو بالاجماع و لله الحمد ... ما احد سال عني الا و لله الحمد و ذكرني بخير سوا صغير او كبير ..


احبابي ,

ان سبق و قولت لكم انه انا مدرس و راتبي 6400 ريال سعودي و املك شقة و لله الحمد ... لكن علي قسط سيارة 1656 ريال سعودي و باقي تقريبا 42 شهر .. المهم باقي على السيارة 58600 ريال في حالة السداد والمبكر ....

الحمدلله خطبت و النية اتزوج بعد سنة من الان ............ لكن في مشكلة .... اللي هي ... ان والدي قال لي يا ولدي لا تشيل هم من ناحية القصر و الزواج .... لكن انت الله الله بالمهر و تاثيث الشقة طبعا تاثيث الشقة يحتاج له اقل شي من 50000 الى 70000 ريال اذا ما كنت غلطان ....... و المهر من 35000 ريال الى 40000 ريال ...



باختصار يا جماعة الخير زواجي بعد سنة تقريبا من الان و اللي مطلوب مني تزبيط و تاثيث الشقة من سيراميك الى بوية الى اثاث و مطلوب المهر اللي بحد 35 الى 40 الف ... ابغى منكم افضل الحلول..


و هذي معلوماتي بشكل مفصل :

المهنة : معلم

الراتب : 6400

الاقساط : 1656

شقة ملك : نعم



اتمنى مساعدتي و لكم جزيل الشكر و الله لا يحرمني منكم يا رب

تاثيث شقة من 50 الف الى 70 الف ليششششششش؟


تاثيث الشقه ولاحظ انها شقه مو فله تكلف 30 الف بالكثير

عزيزي لاحظ الشقق الجديده جميعها تأتي معها مطبخ والبعض الاخر مكيفات

وتجيك كامله مكمله من بويه + سيراميك


بخصوص القصر والفرح هذا دائما يكون على اهل العروس مادري عن عاداتكم انتم

ممممممممم وش بقى

نسيت شهر العسل يبيلك تقريبا 15000

__________________
عذراً ، الصورة الرمزية مخالفة ولابد من تغييرها حتى تستمر فاعلية العضوية

الادارة

التوقيع

أنت اجزم ويسرها رب العالمين

السلام عليكم ورحمة الله

أخي الكريم انت بالضبط وش بـ تسوي بـ شقتك يوم كتبت 70000 ؟

أقصد وش مخططاتك حتى تأثث شقتك ؟ أساسيات فقط ؟ كماليات ؟ أكثر من كذا ؟

مودتي لك

ماعرف ليش كاتب الموضوع يعني تنتظر معجزة؟ على كلامك ياخوي مايبقا من راتبك الا حول 4700 ريال يعني لو بتصرف 700 ريال وتشيل 4000 كل شهر اخر السنه بيكون عندك 48000 يعني يادوب المهر مع ثمانية الاف ريال! خلك منطقي حنا مانقدر نسحرلك فلوس لكن حاول انك تقترض مبلغ من احد او من البنك وتختصر مصاريفك شوي يعني ليش قصر وحفلة قل لابوك مانبي قصر ولا حفلة عطني هالفلوس احطها بالاثاث او المهر احسن..

وليش 70000؟؟ ياخي انت ظروفك على قدك حاول انك تختصر وتبدا بالمهم جدا يعني غرفة النوم وكنب الصاله والمطبخ والباقي بعدين حبة حبة لانك بالعربي ماتقدر تحط كل شي مرة وحده وهذي قدرتك المادية ..

لا تنسا فيه شي اسمه شبكة ودبلة وشهر عسل وو..

يعني شف لك حل وخل ابوك يعطيك اذا هو مقتدر..

__________________

اشكركم جميعا على تواجدكم و مشاركاتكم ..... انا اسف ان كان موضوعي اثار غضب البعض .... على اية حال ....


انا كنت ابغى حل ... مثلا واحد من الناس اعطاني حل : قال لي حاول قد ما تقدر تخلي والدك و اخوانك يساعدونك تخلص القرض اللي عليك و خذ قرض 80000 ريال .... و خلال الفترة هذي حاول تدخل جمعية ب 3000 ريال .... يعني في النهاية يطلع معاك مبلغ 110000 ريال ....


ايش رئيكم بهذا الحل ؟؟

ما اعنقد انك تحتاج هاي المبلغ حق الشقة ...
مو لازم اتاث الشقة بالكامل اهم شي انك اتاثث غرفة النوم والصالة والمطبخ و بعد الزواج اتاثث الباقي ...
والف مبروك مقدما ... الله يعطيك خير المراة ويكفيك شرها ...

__________________

انا طبعا ما اعرف بالامور الماليه كثير لان زوجي الله يخليه لي هو الي يتكفل فيها

بس ما اشوف الحل انك تخلص من اقساط السياره وتدخل مشكله القرض

انا اايد فكره الاخ الي ذكر انك تحاول تقنع الوالد بدل العرس والخساير يهديك المبلغ وتمشي امورك واذا ما اقتنع عندي لك حل

اذا فرضنا ان الي معك بيكون 48000 ريال بعد سنه من خلال كلامك عن قيمه المهر فمهت ان اهل البنت قنوعين وما يحبون المبالغه فلو قلنا المهر 35 الف يبقى معاك 13 الف اشتري فيها الطقم + الدبله ومو شرط يكون غالي مره بس المهم يكون ناعم علشان يعيش لعروستك

وعندي استفسار بالنسبه لاهلك اخوانك وخواتك وش نوع الهدايا الي يعطونك اياها يعني مثلا اتفق معهم على فلوس او اذا عندك خوات كبار قل لهم ودي تساعدوني بالتأثيث

اخوي يوم جاء يتزوج انا اهديته كنب الصاله طبعا هو اختاره مع خطيبته بس انا حاسبت واخواتي الكبار اهدوه المجلس

وانا لما تزوجت نفس الشي اخوات زوجي اهدوه يا اما فلوس يا اما ساعدونه بالتاثيث


واهم شي انت تفائل وفكر بحياتك الزوجيه لا تشيل هم الفلوس وكله بيد رب العالمين وفكر بالهدايا الي بتجيك

ولا تورط نفسك بسالفه القرض وهذي نصيحتي

ولو تعلمني كم اخ عندك وش طبيعه الهدايا واذا هي مبالغ كم توصل اساعدك ولو اعرف انت من وين قدرت اساعدك بالاسعار واسماء المحلات بعد

وصدقني اذا تزوجت بتنسى كل شي وتعيش مع زوجتك حياة سعديه تخليك تقول تستاهل اصرف كل الي عندي علشانها وخلك متافئل




تحياتي
دلوعه زوجي

اخوي كلام اخونا قزم بس عصبي صحيح

وشلون تاثيث شقه بخمسين الف ريال او سبعين
الفلل الكبيره تاثيثها العادي حوالي ثلاثين

وبعدين شف لك مناطق يكون فيها التاثيث رخيص مثل جده والرياض

بالنسبه للزواج اذا السنه الجايه مثلا الصيف القادم

يعني مايبقى الا قليل ويعطونك البنك قرض ثاني اذا قرب زواجك

والله يوفقك

نسئلك ونرد لك

__________________
[marq][gdwl]الانسان دايم له محب ومبغض وهذي امور كلها [/gdwl]ماتخافنــا[/marq]:14:

مبارك عليك أخي مقدماً
أمورك تمام كما ذكرت لك أول

أما تأثيث الشقه بالمبلغ الذي ذكرته خيالي جداً

30 وقابله إلى أن تقل تكفي تدلع الشقة لك زي ما تبي ..

ملاحظه / أنت في الرياض .. سوف أدلع على محلات أثاث رخصيه وفوق الخيال في جمالها ..

__________________