السلام عليكم
.
اخواني اخواتي اعلموا ان هذه القصةحقيقة وانا اؤمن ايمان تام بان الشكوى لغير الله سبحانه مذلة.
ولكني اعرض مشكلتي هنا للعظة و الاعتبار. وهي كالتالي:
في شهر رمضان الماضي توجهت لاهلي لاقضي فترة العيد معهم(وكم تمنيت اني مارحت) المهم اول ما وصلت رحت لابوي علشان اسلم عليه وبعد دقائق من جلوسي معه اتصل واحد من زملاءه في العمل وكانت زوجة صديقه تعمل في كلية البنات و سبق ان الوالد و صاه انه يكلم زوجته تبحث لي عن بنت الحلال لان البنات يظهرون على حقيقتهم في الكلية من خلال طباعهم و البنات الي يمشون معهم، المهم انه اتصل فيه و قاله ترى البنت الى تبغى حصلناها و بالطبع فرح ابوي لدرجة انه قاله خلاص كلمهم علشان نروح لهم الليلة بس انا رفضت و قلت احسن ناجل الزيارة لبكرة علشان اتجهز و ارتاح من السفر.
المهم رحنا اليوم الثاني علشان نتعرف عليهم و يتعرفون هم علينا و كل طرف يساءل عن الثاني و بعدها بكم من يوم بعد ما سالنا عنهم وكل الى سالناهم مدحوهم لنا .المهم رحنا علشان اشوف البنت و تشوفني و سبحان الله حبيتها من اول نظرة و اعتقد هي بعد. ولما شاف ابوها الرضا من كلا الطرفين حدد موعد الملكة بعدها بيومين بالطبع انا ماكن ودي نستعجل بس ابوي قاله طيب طبعا من الفرحة من دون حتى ما يسالني، طبعا ابوها طلب ان الموضوع يكون مختصر علينا احنا وياهم.
المهم رحنا على الموعد انا و ابوي واخواني وعمي و عياله. وهنا بدات الشكلة لان ابوها يوم وصلنا قال لعيال اختها الصغار يفتحون الباب مع العلم انه بصحة جيدة وجلس في المجلس ينتظرنا طبعا بحكم عاداتنا اعتبر ابوي و عمي هذي اهانة.
طبعا بعد ما دخلنا و تعشينا ملكنا و دخلت انا و ابوي على البنت علشان انسلم عليها طلعت في ملابس عادية يعني مو حقت مثل هذي المناسبة و يوم شافها ابوي تفاجاء وسكت.
المهم انه كتم في نفسه ومشى الوضع طبيعي بس انا لاحظت وسالته قال لا مافيه شيء. بعد كم من يوم خلاص ما عاد تحمل وصارحني بالحقيقة المرة وقالي هذولا لا هم من ثوبنا و لا احنا من ثوبهم ويكفيك انهم استقبلونا بكل برود طبعا انا سالتها بعد الملكة عن لبسها ليش كان عادي و عرفت انها ماكانت تدري ان فيه ملكة الا وقت ما حنا جالسين نتعشى و قالي ابوي هالكلام قلت له الى هي قالته لي بس انه ما اقتنع و قال يكفيك طريقة استقبالهم لنا لا والى زاد الطين بلة ان حتى اخوانها ما حضروا و اخيرا قالي انت حر في اختيارك و قلت الحمد لله انتهت المشكلة وسافرت في نفس اليوم.
بعد اسبوع اتصلت في الوالدة و جدتي و عمتي و كلهم قالوا لي نفس الكلام وهو ان ابوي صار ما ينام من كثر التفكير لانه يحس انه هو السبب في كل شيء حصل لانه هو الي اختار هذولا الناس من دون ما يشاورنا من البداية.
وبناء على هذا وافقت اني اطلقها لسببين
1-اريح والدي من هذا الهم طاعة و برا به
2- البنت من شدة حبي لها شفت انه من الاصلح لها انها ما تبداء حياتها على مشاكل مع اهلي
ممكن انكم تقولون هي بتعيش معك انت مو مع اهلك وارد عليكم واقول ارتباطي باهلي قوي ولا يمكن اني اقابل كل الى عملوه لي بالنكران واقول لهم ماقصرتوا وهذي زوجتي والي ما يبيها انا بعد ما ابيه.
خلاصة القول يا شباب لا احد يستعجل في مثل هالامور.
والله يوفق الجميع لما يحبه و يرضاه...
04-01-2004, 10:59 AM
للعظة و الاعتبار
شكرا
تطورات خطيرة
ضوابط المشاركة
العرض العادي
