السلام عليكم ورحمة الله وبركاته
بعد صراع نفسي دام طويلا قررت اكتب مشكلتي
لعل وعسى القى حل عندكم بعد الله تعالى ..
لدي ولدان وبنت ..زوجي عصبي جدا
ومشكلتي ان زوجي يفرق بين الاولاد والبنت في المعامله
يعني لما يغلطو الاولاد يكسر راسهم ويهلكهم ضرب بس لما تغلط البنت
مايلمسهاا مع انو احيانا غلطها يكون اكبر من اخوانها !!!!
واذا مرا استفزو غلطها يكسر اي شي قدامه ويقولي وينك عنها ليش ماشفتيها
المشكله انو لما يضرب الاولاد يضربهم بدوون رحمه وكانه عدوهم مو ابوهم ومره
مسك اذن ولدي الكبير وعلمت فيه والكل يسال وش هذا وانا قلبي يتقطع
ومرا جا من برا ولقي اشيائه مبعثره ويقول من سوا كذا ويوم قلتله انها البنت طنش
ولا رد .. ومره ولدي الكبير اخذ لعبه من يد اخته وبكت وقام ابوها زي الشيطان طاح ضرب في الولد كانه
قتله احد انا تفاجات مرا وانصدمت وماعرفت كيف اتصرف بس صرت اجر ولدي من بين يدينه واقله ابعد عنه يامريض وهوا يشده من شعره ويضربه وبعدين دفني انا ومد يده عليه ودعيت عليه بالكسر والموت ومسكني وضربني ضرب مبرح وقالي لعد تتدخلين بيني وبين ولدي انا هنا انهرت مررا ولما جيت اكلم ابويا سحب مني الجوال وقفل علي الغرفه وطلع وانا مت من البكي بعدين جا يعتذر ويقول هذا الشيطان ومدري ايش المهم اني هديت وطنشت ولا علمت احد بالسالفه بعدها بفتره طلعنا نتمشى واحنا راجعين تضاربو ولدي الصغير واخته وجلس يبكي ويقول شوف ضربتني ويلتفت لهم ويقول دام هي ضربتك عادي خليها ويمدلي لسانه يبي يقهرني !!!صرت اقله لابجد انت مريض وفيك عقده ولازم تتعالج ومن ذا الكلام وهوا يضحك كاني انكت له !!بعدها كمان بفتره ولدي الكبير تضارب مع ولد عمه وابوه طالع شافهم ودخل ولدي البيت وطاح فيه ضرب ويقول ليش تتضارب معاه قلت انت ليش حاط عقلك بعقلهم هم يتخارجون وشاله ورماه وجره من اذنه وضربه فراسه وصرت اصررخ وجا ودفني بقوه من صدري وقال لااسمع صوتك فقدت اعصابي مرره ودقيت على امه وانا ابكي واقلها تعالي شوفي ولدك المريض وكان هذي اول مرا ادخل احد بحياتي وجت امه مفجوعه ورجولها مي شايلتها مسكينه وتقول ايش فيه وقلتلها الحكايه وقالت اي اب بيضرب ولده وعادي جدا ولو كبر وتمرد عليكم بتندمين وتقولين ليتني خليت ابوه يربيه يانااس ياعاالم الولد صغير ماارتكب اي جريمه عشان يضربه كل ذا الضرب انا ماعندي مشكله لو ضربه بشكل طبيعي زي مالناس يضربون اما انه ينتفله شعره ويشيله ويرميه ويكسر راسه بالدولاب مافي اي ام مجنونه بترضى بهالشي فما بالكم بالام الطبيعيه وقام وقال تبالغ ومدري ايش كل ماجيت اكلم الولد قامت تصرخ ولدي وولدي وانا احس اني تمنيت تنشق الارض وتبلعني ولا انحط بموقف مثل هذا ويحطون اللوم عليا بعد !!!المهم اني ندمت اني كلمت امه وناديتها لان مااستفدت اي فايده من جيتها بس تقول تعوذو من الشيطان ومن ذا الكلام وبعدين قال والله انا ماكنت ابغاه بس طالع ولقيتهم والشيطان شاطر قلتله انت كل ماارتكبت جريمه بعيالك حطيتها بالشيطان وانت الشيطان بكبره المهم كلمه منه وكلمه مني وسحبتني امه وقالت تراكم محسودين ولا ذا اللي يصير مو طبيعي وانتي اللي ماقد سمعنا صوتك اش جرالك ومدري ايشوقلتلها زوجيه وشوفي بتصبر عليه كثري ولا بتفضحه وقال اللي ماتبغاني ماابغاها المهم بعد ماطلعت جا عندي وقالي اسف ومدري ايش وقام يعتذر ويقول انا مااتزوج غيرك لو اموت ومن هالكلام اللي جنني من تناقضه وعدت الايام واخر مشكله صارت امس جا من برا ولقي ولدي الصغير واخته يلعبون بكتاب وقطعوه وقال من قطعه وتعال ياضرب وجلد بالسلك الين ماعلم بجلد الولد وربي انقهرت مره يعني مهما كان الولد صغير ومايتستاهل كل ذا الضرب عشان كتاب قلتله شايف بعينك اخته معاه ليش ماضربتها وطنشني وصرخت عليه وقلتله انا ماعد فيني اتحمل عقدتك النفسيه قلي الحين اش مشكلتك مع الاولاد والبنات يعني ياتضربهم كلهم ياتتركهم كلهم وقالي عناد فيك مابلمسها وهو لاذبحه !! ولاول مرا اخذ اغراضه ونام برا غرفة النوم مو قادره اافهم وش اللي قاعد يصير ولا قادره اقول لاحد بمشكلتي الاانتم ولو تفارقنا انا وزوجي كثير بيفرحون وينبسطون وبيقولون انهم انتقمو مني لانهم كانو معارضين زواجنا من الاول ..
ياليت القى عندكم الحل وارتااح ..

تم تعديل العنوان ليتناسب مع المضمون

!!!!!
يعني تبغيه يكسر بنتك نفس ولدك هذا الحل بنظرك !!!!!
حتى انتي تفرقي لمن تطلبي منه يضربها حلي مشكلة ضربة لولدك بدون ماتقحمي بنتك بالموضوع كلهم اولادك

لاعاد تبينله انك مهتمه بضرب الولد عن البنت اولا

ولاجا يضرب الولد سوي نفسك مو مهتمه وعادي وقوليه زيد الضرب شوي
واطلعي من المكان واتحملي اشوي وسوي نفسك مرتاحة
زوجك عرف ان هالشيء بيقهرك فلاتبينينله
قوليله ذا ولدك وانت ابخص وذي بنتك وش علي انا
ولاتهتمييييييين انتيةفتحتي عينه على هالشيء ليش تفرق وليش تفرق تنطشية
بعدين هو من نفسه بيستحي ،،

إذا كان هادئ اشرحي له أثر الضرب على أولاده وإنه هذا شي ممكن يقسي قلوبهم عليه إذا كبروا
غالبا هذا سببه خبرات سابقة من الطفولة
لكن بهدوء ممكن تنحل
وحاولي تعزيز العلاقة بين الأولاد وأبوهم وحنني قلبه عليهم وحزنيه
وإن شاء الله يبطل

__________________
## مهم ##
هل تتعرضين للابتزاز في الانترنت؟


هنا من ينقذك

معاك حق كلهم اولادي وهي بنتي وعيني وقلبي
بس افقد عقلي لما اشوفه يسيطر على نفسه لما تغلط وكيف لما الاولاد يغلطو
يضربهم بشكل مو طبيعي والله عجزت افهم .!!

ماانكر اني جربت هالطريقه ولما ولدي يصرخ ماما ماما كنت اقله احسن اضربه
يستاهل وارجع اضربه انا بعده من قهرري بس اروحله واحط قهري كله عليه وتنقلب
المشكله بيني وبينه ..الله يعين

واضح انه كان ينضرب بقسوة من ابوه و جالس ينتقم من ابنه

__________________

(انما يوفي الصابرون اجرهم بغير حساب )

ياما شرحتله وهو يدري بكل شي بس مايقدر يسيطر على نفسه
تصدقي ان ولدي قله مره انا لمااكبربدفك من الدرج وتفاجئنا وقام يبوسه ويقوله انا احبك
ومن ذا الكلام وهو لما يضربهم يزعل وبعدها يراضيهم ويقول خلاص اخر مره بس بعدين
ترجع حليمه لعادتها القديمه .

هم الاولاد والبنت منك ياختي؟
لو الاولاد منك والبنت من زوجه ثانيه؟

__________________


ما أنا في الدنيا الأ كراكب أستظل تحت شجرة ثم راح وتركها

دايم اردد عليه هالكلمه وينكر ويطيح مدح فابوه وللامانه والده جدا محترم واسلوبه جدا راقي في الحوار ومع الاسف هوا اللي يخليني اضطر اتكلم كذا عن ابوه