قبل زواج البنت هناك قيود كثيره تحيط بيها من كل جانب،، خطواتها محسوبه كلمتها تفسر بكل تفسير،، نظرات الشك

حولها،، القرار في اي امر ليس بيدها تتكرر على مسامعها دائما كلمة (عيب) واذا تزوجتي افعلي ما شئتي لـــــــكــــــن

بعد الزواج تنال البنت شهادة حريه من اهلها غير طبيعيه تذهب لزيارة صديقاتها تذهب الى السوق او المكتبه بمفردها ونظرة الشك تختفي وتتبدل بنظرة محبه وثقه لم تكن موجوده من قبل..


طبعا انا اقصد اذا تزوجت الفتاة من رجل عاقل وليس مجنون غيره..


بالنسبه لتجربتي في السابق قبل الزواج وتجربة صديقاتي ( واعمارنا تتراوح ما بين 23الى 27سنه)اجمعنا على التالي:

ممنوع الخروج كثيرا،، ممنوع التاخر في الجامعه ،،المكالمات الهاتفيه مراقبه،، اصابع الاتهام ونظرة الشك دائما

حولنا،،الذهاب الى السوق او المكتبه ممنوع بدون مرافق،،البعض اشتكى من الحرمان من زيارة الصديقات او التحدث

بالهاتف او اقتناء جوال او استخدام الانترنت،، بالاضافه الى ان العلاقه مع الام متوتره بعض الشيء،، الثقه المعدومه..


وبمجرد عقد النكاح اصبح الممنوع مسموح ،،زيارة الصدييقات مسموح ،، التاخر في الجامعه عادي،، الامهات صرن ا

اقرب لبناتهم العلاقه تتحسن ،، الثقه موجوده ،، قضاء المشاورير بمفردهن عادي الخ الخ الخ..



باختصار قائمة المحظورات اصبحت مسموحات..


اتذكر في فترة الملكه كنت اخرج كثيرا بحكم تاثيث عش الزوجيه او شراء وترتيب حاجيات الزواج وبما ان اختي الوحيده تسكن في مدينه اخرى وامي مريضه فكنت اضطر ان اقضي هذه المشاوير لوحدي،، فجاء اخي واشتكى لامي اني اصبحت اخرج كثيرا وفي بعض المرات اتاخر فضحكت امي وقالت :خلالااص هي الان بحكم رجال واحنا مالنا دخل فيها!!



هل هذا معناه ان الزواج يعتبر شهادة حريه او كرت اخضر(green card) للفتيات؟؟!
لماذا هذا يحدث في مجتمعي؟؟
اتمنى مشاركتكم..

__________________

والله اختي انا ما عشت جذي بس لازم اكون فى البيت قبل الساعه 8 اما الطلعه بروحي او التأخير


فى الجامعه كان عادي جدا

موضوع رائع للنقاش اختي كريستال

ولي عوده بأذن الله

__________________
وما من كاتب إلا سيفنى ويُبقي الدهر ما كتبت يداه

فلا تكتب بكفّك غير شيء يسرّك في القيامة أن تراه

نعم تربينا كذلك وكنت والله الوم امي واتمرد يوم كانت تربينا كذا كان وقتها كل شي عيب عيب تاكلين علك وعيب تشربين قهوه وعيب تتكلمين مع حريم اكبر منك وعيب وخروج لا قطعيا رجل امي على رجلنا صديقات مافي لا يزورونا ولا نزورهم صديقتك على قول امي بس في المدرسه وغير كذا حتى اللبس كانت تحكمنا فيه قصير لا بنطلون لا عيب
الا ان ظهر صمام الامان واقصد بيه الرجل وتزوجت وقتها انحلت كل عقدي او بالاصح الي كنت احسبها عقد


حبيبتي الحين يوم تزوجت وصرت ام وربي عرفت انهم ربونا لنفسنا وعندي بنت بعد بربيها نفس تربيتي عارفه ليش يا غاليه اهالينا ربونا كذا مو عدم ثقه فينا ولا تخوين ولكن يرون في الزمان مالا نراه نحن وبخبرتهم يعلمون مانجهله نحن وكانوا يستشعرون حجم مسئوليتنا على عاتقهم واننا امانه سوف يسئلون عنها يوم القيامه
فاسالك بالله لو احد امنك امانه بالله ما تجلسين خايفه تحافظين عليها لحد ما يجي صاخبها ياخذهاا هذي الامانه نحن واهالينا ما غلطوا والله بالعكس حمونا من مخاطر وشر نفسنا وقتها صح اشره علي الاهل في شي واحد انه زوجونا وحنا مغمضين ما علمونا وش في هالزواج وجلسنا نتصارع مع الدنيا لين تعلمنا بس ارد اقول ما الومهم الجهل له دوره وما كانوا اهلهنا مثقفين بتلك الدرجه الي تأهلهم ينورونا ويثقفونا جنسيا للزواج يعني كل شي عيب طول عمرنا تربينا عليه وفجاه في يوم ليله تلقىالبنت نفسها مع رجال يسمونه زوجها وعليها تسوي كل شي عيب

بس والله افلحت تربيتهم وها نحن فتحنا بيوت وجبنا ابناء وصح بربيهم تربيه امي المحافظه بس باسلوب حضاري ثقافي يعني اقنعها وتقنعني واعلمها وشو لها ووشو عليها

اختي الكريمه احمدي ربك على هذه النعمه ولا تزعلي انهم اهالينا كذا بالعكس والله صح نلومهم زمان بس الحين نقول الله يجزاهم خير عرفوا يربونا

اختك

امل الحياه

انا عكسك اختي والدي كان يسمح لنا بالخروج طبعا بشرط الساعة السابعة مساءا ممنوع الخروج حتى للاولاد


كنت ماخده حريتي لانه والدي كان واثق فينا واحنا كنا نخبره اول باول بمكانه يعني اتصل فيه اقوله بابا احنا رايحين السيتي سنتر لسنا يقول الله يسهل عليكوا بس لمتا نرد عليه يقول قبل السبعه انتو في البيت وحتى لا نخليه يعصب نكون الساعة 6 في البيت حتى يسمحلنا دايما والطلعه اما مع بعض واما لا يعني انا وخواتي او معنا امي او اخونا الصغير


اما في بيت زوجي يارب لك الحمد مافي طلعه الا مع زوجي مع اني اسوق ومعي السيارة اترجى دايما اذا كان مشغول اروح للمحلات الي جنب البيت اوفي احتياجاتي طبعا الرد معروف لاااااااااا

المشكلة في دوام زوجي مو فاضي ابدااااااا جنني احب الطلعه معه لكن هو مو فاضي

تخيلوا لبس العيد اقوله نروح نجيبه يقولي مو فاضي اقوله اروح اجيب يقولي لا اقوله متى بتفضا يقولي مو لازم لبس للعيد يعني بتمتوا اذا مالبسته لبس جديد على العيد







قوليلي العيشه مع اهلي اريح ولا مع زوجي

مااقول الا الله يحفظه ويحنن قلبه ويهدي

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

اختي موضوعك هذا ينطبق تماما علي ,,

بس فيه اشياء معينة ما نطبقت علي
1-.. هو صحيح ممنوع اروح لبيوت صديقاتي بس الحمدلله مسموح لصديقاتي يجون عندي هذا ((اذا اهل صديقاتي سمحوا)) هههههههههههه يعني بالسنة مرة,,

2- انه الحمدلله اهلي معطيني الثقة من ناحية اكلم صديقاتي و دخولي في النت,, وثقتهم في محلها ,,لان الحمدلله تربينا تربية اسلامية قوية و شديدة من ناحية امي طبعا,,

لان ما اشوف انه والدي له اي دور داخل البيت

الله يعين بس ,, و ان شاءالله الفرج قريب

و مشكورة اختي على الموضوع

__________________

السلام عليكم .. اختي الفاضلة ..
احمدي ربك انك في مجتمع ينهاكي عن أمور عادية ( لكن اذا انزلقتي فيها ) فستندمين طول عمرك .. مثلأ اذا طلعتي السوق لوحدك , اتتك نظره اعجاب ( واعجبتي بذلك ) وتعرفتي عليه , حتى لو انهيتي هذا الغلط فانه سوف يسبب لك مشاكل نفسية واحساس بالذنب , وربما تجر الى اكبر من ذلك لاسمح الله .. فالتي تحافظ على نفسها ( حتى من الاشياء التي قد تقودها الى الشر ) سوف يرزقها ربها برجل عظيم وصالح يستاهلها ان شاء الله .. فألأهل اذا منعوا بنتهم من شئ ( صدقيني انهم يحسون بقهر خفييف لأنهم ما حققوا رغبة البنت )
ويتمنون ان الله يعوضهم بشي كبير بعدين ..
وأنا عن نفسي لما امنع احد اخواتي من شئ ( والله اني ازعل ليش اني سويت كذا واحيان ودي ابكي ) لكن والله والله اني اخاف عليهم بشكل كبيييير ومن كل شي .
والبنت أول ما يصير لها شي شين لاسمح الله .... تسأل نفسها وين اهلها عنها وليش محد اهتم فيها من أهلها , وليش تركوها كذا وخلوها .
اكرر , حمدي ربك ..
وانك مو مثل اي مجتمع آخر .. والامريكيات والاوروبيات , البنات اقصد .. لو اهلها عرفوا ان فلان تعرض لبنتهم ( والله العظيم ) انهم مارح يسووا شي , ولو سووا شي رح يكون فقط من أجل رفع قضية وكسب الفلوس , وبس
لكن غيره وخوف .. مااااااااافي.
غير انهم يرمون بنتهم ولا يفكروا فيها وفلوس مايعطونها , ومايبونها تقعد معهم ( خلاص كبرت ) ..
اختي , المسلمين محسودين على هالشي , واي كافر يحسد المسلمين , ليش ان بناتهم وحريمهم لهم كل هذا الحفظ والصون والخوف الزايد عليهم ..
اللهم احفظنا ووفقنا وعافنا واعف عنا ويسر امورنا.. وزي مافلت لك , عادي لاتشيلي هم لا انتي ولا غيرك. واذا تزوجتي انتي والا غيرك , اهلك رح يعرفوا ان في واحد يهتم فيكم , واللي هو الزوج .

أخوك .. More Than a MAN

بالرغم من أني لست أم ومتزوجه من فتره بسيطه
بس مقتنعه بكلام أختي الغاليه 100%
ورأيها أعجبني جدا جدا جدا
الله يوفقها يارب

__________________
.. ربي لك الحمد والشكر ..

لسه ما اتزوجت عشان اقووول اذا مسموح لي اسوي اي شئ ..

لكن كل شئ فعلا ممنوووووووع ...

اذا سويت اي شئ كانها مصيبة وفضحتينا وايش يقولوا عننا ... واتكلمي عدل ... سيبي الدلع ... ومافي اي احد

يتكلم معايا كاني طفلة

اف والله شئ يطفش ..

اذا جلسنا في البيت قالوا كيف بعدين تتزوج ؟.. ومين يشووفها

واذا خرجنا قالوا ... عيب تخرج كثير وتتكلم مع حريم او تسوي اي شئ ..