عزيزتى ق ص م 100
انا ايضا احب البسبوسة جدا جدا ومن كام يوم اكلت فى بيت جيرانى بسبوسة لكن صدج عجيبة وخفيفة وسهلة وحلوة ولا تاخذ وقت فى عمايلها يمكن 10 دقايق
ها لعابج سال والا للحين
المهم اهى حتى ان كليتى نص الصينية بتقولين بعد ابى
الحين اكيد اتقولين بسج لغوة وكتبى المقادير
بكتبها لكن على شرط لما اتسوينها لالالاماابى منها
لما اتسوينها لاتقولى مكوناتها الا بعد التعليق عليها لان فيها مفاجئة وان البسبوسة على روتى سليز مو سميد المهم بكتبلج المقادير بعدين نكمل المدح
4 بيضات +رشة فانيلا
كوب زيت
كوب سكر
كوب ناريل (جوز الهند)
4 روتى سليز مطحون
نص م صغيرة بيكنج بودر
الطريقة
فى خلاط الكيك شرخى البيض والفانيلا والسكر والزيت والناريل والبودر واخر شى
الروتى المطحون
شرخيهم زين لمدة 5 دقائق وصبى الخليط فى صينية بايركس ودخليها الفرن لمدة
نص ساعة على نا هادئة وممكن تاخذ ثلث ساعة
وبعدين خليها تبرد وقطعيها مربعات وقدميها لزوجج مع القهوة وقوليلى النتيجة
لا تخافين عندى غرفة زيادة فى المنزل حج الطوارى يعنى سويها وانتى مغمضة عيونج وبالهنا والشفا
على فكرة كمية الروتى ممكن تذيديها لو حسيتى ان الخليط وايد لين ممكن ل 6 روتى تذيين عل حسب الكوب ايلى حتستخدميه
انا استخدم كوب الشاى مع اربعة روتى صديقتى استخدمت كوب الجبن السعودية او ندى ووضعت 6 روتى لان الكوب اكبر ( ياريت تكون واضحة )
وطبعا الكوب المستخدم واحد لكل المقادير
جربيها وردى على لن فعلا ايلى ما يعرف مقاديرها ما يقدر يلاحظ ان ما فيها سميد وانها على روتى سليز
مع تحياتى