تغيرت حياتي بعد اتصال قريبتي
السلام عليكم اخواني طمنوني عنكم ياجماعة بقولكم قصتي انا قبل سنة تقريبا كتبت كتابي على انسانة حطيت فيها كل املي انها تكون ام عيالي بس طلعت مو كفو وانفصلت عنها المهم ومن هينا تبدا القصة لما انفصلت عنها قلت اخذ بريك شوي وارجع ابحث لين الله يرزقني بنت الحلال اللي تسعدني واسعدها قبل 3 شهور جاني اتصال من احدى قريباتي حرمة بالخمسين حتى عيالها كبري استغربت للامانة من اتصالها حتى استغربت من وين جابت رقمي بس ماسئلتها المهم كلام عادي طبيعي تسئل عن الحال والاحوال وسكرت صارت ترسل لي فديوهات ونصائح عن طريق الوتس اب !! بس للامانة ماكنت ارد بعدها كلمتني وعرضت على الزواج من بنتها وعشان اكون معكم صادق بنتها الله يستر علينا وعليها سمعتها مو ذاك الزود وعليها كلام كثيير انا رديت عليها بكل احترام اني لا ارغب بالزواج بالوقت الحالي واني ما اجل الموضوع هي بنتها اكبر مني تقريبا ب 7 سنوات قالت لي مافيه مشكله بعدها اتصلت علي من خلال السوالف قالت لي انها معجبه في شخصيتي !!! وقامت تتكلم بطريقة غريبه وربي شاهد علي اني صادق المهم عطيتها حظر بالوتس اب وتجاهلت اتصالاتها عقبها حياتي ياجماعة انقلبت فوق حدر تجيني حالات غريبه ماخليت مستشفى الا مارحت له يقولون لي سليم واتجهت بعدها للرقيه الشرعيه لما اسمع الرقيه ارتعش ويضيق صدري احس اني بموت خلاص ياجماعة حياتي صارت نكد بنكد وربي شاهد علي اني مو قصدي اني اظلمها انها سوت لي شىء الظلم ظلمات يوم القيامة بس لما طحت عن الشيخ العارض جاب طاري اسم بنتها من هينا اهلي شكو بس مع ذلك ماودنا نظلم احد تكفون انصحوني وادعوا لي لاني جدا تعبت حتى عملي اهملته واصدقائي تركتهم صرت شخص انطوائي في غرفة ماغير على هالجوال ولا المحمول حتى هلي ماصرت اجلس معهم وشكر
تم تعديل العنوان ليتناسب مع المضمون
التعديل الأخير تم بواسطة ويبقى الحنين ; 06-09-2017 الساعة 09:48 AM