سلام عليكم

اخواني واخواتي الكرام , اسعد الله صباحكم بكل خير

عجبني المنتدى ماشاء الله عليكم متعاونين بشكل كبير , اشكركم جميعا


انا متزوج من شهرين تقريبا , مشكلتي باختصار مع زوجتي ( لا اعتبرها مشكلة بل شي يضايقني) هي تصرفاتها مع خالها !

علاقتها مع خالها كانت قوية وقريبة منه ,خالها عمره تقريبا 35 سنة , اكثر من مرة تقول لي ( بحسن نية ) انها تمزح مع خالها ,مزح انا اشوفه ثقيل صراحة , يعني يتضاربون , يدفو بعض , يعضو بعض , اخر مرة صورت نفسها وهي نايمة في حضن خالها وهو جالس يلعب في وجهها بالمكياج ( اقصد بنايمة في حضن خالها , يعني راسها على فخذه وهو جالس ويلعب في وجهها بالمكياج )

دايما مزحها مع خالها هذا بالذات ثقيل وزائد عن حده , ما الومها صراحة لأنه علاقتهم كانت قوية قبل الزواج , وضحت لها انك الان متزوجة ولازم مزحك واسلوبك معه يتغير ويصير فيه شوي رسمية , مو معقول هذه التصرفات تطلع منك وانتي متزوجة , ووضحت لها اني اتضايق من هذه الافعال واني اغار عليها .

ما ادري هل تصرفي صحيح ؟ هل غيرتي زائدة عن حدها ؟ مرات اقول الافضل اني ما اكلمها وان الشي هذا بيروح مع الوقت .

للعلم اني احبها جدا , وقايمة فيني وفي شغل البيت بأكمل وجه ماشاء الله عليها , لكن زي ما يقولو " الزين ما يكمل "

لا استغني عن ارائكم

شكرا لكم

(تم تعديل العنوان ليتناسب المضمون)



(حلت الرد 109)

http://66n.com/forums/showpost.php?p...&postcount=109