السلام عليكم ورحمه الله وبركاته

فيه موقفين (بنظري إن هالموقفين جداً وقحة) لكن مرات أقول يمكن الشيطان مكبرها ويمكن تفكيري غلط
لذلك ابي رايكم فيها ... وكيف أتعامل مع ذا الشخص لا شفته

الموقف الأول / أبوي اقدم على الإنتحار وجو مسعفين ودوريات وانقذوه ولله الحمد والمسعف يكلم ابوي ويقوله سوي كذا وكذا - الشخص الي اكلمكم عنه كان واقف ورا ابوي وياشر للمسعف بحركة بيديه يعني يوضح للمسعف ان ابوي خبل مجنون - والحقيقة يوم شفته يسوي هالحركة انقهرت بالحيل

الموقف الثاني / يوم عمي سوى عزيمة بمناسبة رجعتي رحنا للإستراحة وعمي قام يغرف العشاء قال ابوي للرجال : تفضلـوا يا رجال وجى بيمد يده ابوي للصحن يبي ياكل .. شوي الشخص هذاك نفسه قال انتظر فلان الي هو عمي .. احس ابوي انحرج مدري .. واحسها حركة وقحة منه انه يقول لابوي كذا

الشخص هذا الي يشوفه من حركاته وطريقة كلامه يبان انه شخص متكبر وهو يعتبر زوج عمتي
أفكر مرات لا شفته بمجلس رجال اسلم على الرجال كلهم واسحب عليه ودي افشله زي مافشل ابوي

ابي اقرى رايكم عن الموقفين الي صدروا منه ، يمكن لكم راي ثاني ؟