السلام عليكم ورحمة الله وبركاته
شلونكم وشخباركم
امس لما قريت موضوع (( المراة القوية)) قلت باشوف راي زوجي فيه
وبعد سكوت دام 3 ساعات تقريبا بسبب دراسته
قلت اتودد له واسوف معاه بهالموضوع
وياليتني ما سولفت
اننقلب الموضوع الى هوووووووووووووووووووووشة
وهذا تقريبا ثالث نقاش ينقلب الى هوشة
الاسباب اللي خلت النقاش يتحول الى جدال وهواش
- اختلافنا في مفهوم المرادفات
مثلا اقوله القوة تعتني قوة الشخصية هو يقول لا القوة فقط في النفوذ و المنصب
اقوله ممكن تكون القوة بالمال
يقولي عطيني دليل شرعي
قلت عن عثمان لما جهز جيش العسرة بفلوسه
ما اقتنع
ومن هالموضوع شحطنا ونطحنا الى مالا نهاية.
- ما يعطيني فرصة للرد ابدا يسالني سؤال ومن اول كلمتين يسالني الثاني او ان هو يجاوبني
ومعظم ردي يكون مثل اللي يقوله
-ملامح وجهه وهو يتكلم هجومية - كاني ماخذه حقه او ماحذه حلال ابوه- وهذا اكثر شي يضايقني

طبعا قبل نهاية النقاش قلت له انت ليش تهاجمني - طبعا بصوت مخنوق اقرب الى البكاء -
رد علي ان انتي ما تعرفين تفكرين وانتي وانتي وانتي وانتي

انا اعتقد ان هو بعتقد اني دامني مراة ومرته بالاحرى فلازم اقتنع باللي هو مقتنع فيه ولو بالغصب
وانا اعتقد ان انا لي قناعاتي وهو له قناعاته - محد يخالف احد - وكلنا نكمل بعض

وبالنهاية اتفقنا ان ما انييب اي موضوع للنقاش طووووووووووووووووووول حياتنا
ونمنا كل واحد معطي ظهره للثاني ومادين البوز الى اخر الغرفة

ابي حل؟؟؟

شلون اقدر اناقش زوجي بدون ما يتحول هالنقاش الى خلاف او هواش

والا برايكم ما اناقشه كلش



ملحوظة

اغلب النقاشات اللي ناقشته فيها تكون خارجة عن اطار حياتنا الزوجية

وجزاكم الله كل خير

__________________
لا اله الا انت سبحانك اني كنت من الظالمين