السلام عليكم ورحمة الله

انا بنت عمري 22 وخطيبي نفس عمري تمت الملكة اللي كانت في البيت بناءا على رغبة اهله

وتكلفت فيها قدر المستطاع علشان مايحس انه اقل من غيرة خاصة انه الولد الوحيد

بعد الملكة طلبت منه انه مايكلمني يوميا وخاصة انه مغترب وانا مابى اكلف علية يعني مرتين في الاسبوع

تكفي وزيادة ومسجات طوال الاسبوع

المشكله عرفت انه يحب الشكليات بشكل مو طبيعي اقوله الزواج لاتتكلف فية وتقترض ومدري ايش على يوم

وياريت احد من الناس بيطلع من الزواج يقول حلو يقول الزواج لازم اصحابي يحسون اني احسن منهم

ولازم الكل يطلع وهو يتكلم فيه

المهم مرة قام يقول انا ابى اغير في شخصيتك اشياء كثيرة ابيك اذا زاروك اهلي تلبسين ماركات

ومابيك تطالعين في المباريات وبلاش الافلام اللي من النت وكمان النت قللي دخولك علية لانه عيب تجلسين

ع النت كثير وش بيقولون الناس عليك وابيك تصبغين شعرك اشقر لان البني مايناسب بشرتك ؟؟؟؟

وقسم احسة يامستخف يايستهبل ؟؟ حاشا متزوجة بنت مو ولد حتى يوم الملكة يقول الوان الشدو مو مرة

مناسبة للفستان

المهم المرة الاخيرة اللي كلمني فيها قالي ابيك تغيرين صوتك ويسير منخفض واذا ضحكتي لاتحطين يدك

على فمك وغيري عبايتك ابيها تكون ضيقة مابي اصحابي يقول اخذ متخلفة ؟؟

انا كنت امشي كلامه ان شاء الله حاضر مااجادل مع اني مستحيل اسوي اي شيء قاله لكن المرة الاخيرة

قلت له اني غيرت رأيي فيه واني ابي رجال اتزوجة مو حرمة اصير زوجها وان الاشياء اللي قالها اشياء

شخصية وماله حق يتكلم حتى عنها

عارفين وش رد ؟؟ قال انتي مررة شخصيتك غريبة كل بنت تحلم فيني وفي رومانسيتي وبعدين كم مرة قلت

لك احب يكون صوتك هادي وانا ماحب النقاش في هذي الاشياء لانك لازم تسويها !!

انا رديت وقلت انت انسان تافه وتستحق وحدة تافهه مثلك وقفلت في وجهه

ارسلي بعدها مسج قال انتي الخسرانه واذا ماتبين تكملين معي قولي لامي اني ماابي ولدك

ياعالم وقسم باروح اقتلة وش ذا ؟؟؟؟ شاكه انه ولد انا اعرف ان البنات يحبون الخرابيط هاذي مو الاولاد !!

كلمت امي قالت استخيري وشوفي براحتك انتي

انا استخرت بس برضة محتاجة اراء اكثر ساعدوني الله يخليكم

الله لا يلومك

ايش فيه هذا

شكله من النوع البصري يعني يدقق بالشكل مره

صراحه مو عارفه وش اقولك

بس اسلوبه كأنه بنت

والله الي اعرفه ان الرجال ما ينتبه للبس فما بالك بالمكياج

ننتظر اراء الأعضاء

نقطة من بحر وربي

الله لايحرم ايدك الجنة

بصراحة
أكره شيء عندي بقوله
اتركييييييييه
مرى لاتفكرين
واضح من اسلوبه انه مظهرجي
بعيد عن دينه
يهتم بالشكليات
رجال بالاسم فقط
من رأيي لاتقعدين معه دقيقة
والله يرزقك باللي احسن منه

ياحبيبتي دامك بالبر وللحين ماتزوجتو اتركيه وربي يعوضك

اجل في زوج يقول البسي عبايه ضيقه عشان اصدقاي وين الغيره

الا الزواج مايرضى اصدقاه يشوفون حرمته

وشكله دلوع امه وماله شخصيه وخكري

__________________
ليتك بعمري ثلاث اشخاص ما املك

واحد معي دوم

وواحد روحي يملاها

والثالث بجفن عيني....لا فقدت حسك...اوغمض الجفن جاني فيك يتباهى

مو بس احبك,,,,

انا والله من حبك احب حتى الارض اللي تاطاها

هههههههههههههههه

صدق شر البليه مايضحك


اول شي بسم الله ماشاءالله عليك اسلوب وتفكير مميز ويابخت الي بتكوني من نصيبه

ثاني شي اتوكلي على الله واتركيه بعد ماتستخيري طبعاً العيشه معاه تطلع الروح

ذكرتيني بحكاية وحده صاحبتي خطبها واحد مثل خطيبك وهذيك بجد بجد كانت بتذبحوه

يهتم باللبس اكثر منها مايلبس اللبس مرتين ويروح فيه نفس المكان مهوس بالماركات (التفاهات)

يعرف كل شي عن المكياج ويناقشها فيه


وصحابتي ماقدرت تتحمل ماكملت معها شهر وتركته قالت اتركه ولا أرتكب فيه جنايه

ههههه كانت تقول

اصوووم اصوووم وافطر على واحد اختي ارجل منو



الله يبعتلك الأحسن ويكتبلك الخير إن شاءالله

..كله كوم .. وهذه الجمله كوم ..

( وغيري عبايتك ابيها تكون ضيقة مابي اصحابي يقول اخذ متخلفة ؟؟ )

.. بصراحه فتحت فمي !! مستغربه !!

.. كيف يرضى على زوجته وحلاله , انها تلبس عباية ضيقه تفصل معالم جسمها !! والسبب ( انه ما يبي اصحابه يقولوا انه مآخذ متخلفه )

.. تفكيره تافهه , ومتخلف .. وما عنده غيره !!

__________________

أهلين خيتووو

بصراحه استغربت مره من كلامه حيل وغيري عبايتك ابيها تكون ضيقة مابي اصحابي يقول اخذ متخلفة

تبغين النصيحه واللي لازم تسوينه انك تتركينه هذا مراهق بعد توه ما يعرف شي ابد

نصيحتي لك تتركينه والله بيعوضك انشاء الله بأحسن منه يارب

__________________
http://www7.0zz0.com/2011/06/03/01/662428368.jpg

بصراحة هذا يعتبر عقله صغير مرررررة وضعف الوازع الديني عنده وإلا بالله في رجال يقول إلبسي عباااية ضيقة فين عقله وين رجولتك تحتم إنك تقول الكلام هذا وين الغيررررة إنت متزوج لؤلؤة بتصونها بتحافظ عليها ولا تتزين فيها قدام أصدقائك ياصؤلؤتي إنتي مو أول وحدة بتتطلق العيشة معاه بتكون مررررة صعبة أسأل الله الكريم رب العرش العظيم إنه يسخر لك إلي أحسن منه ويرزقك برجل الصالح يارب وبالتوفيق يارب,,,,,

وياريت احد من الناس بيطلع من الزواج يقول حلو يقول الزواج لازم اصحابي يحسون اني احسن منهم
هو مخطيء في هذا الرأي .. حيث ان الافضلية بين الناس ليس في كم الانفاق و لكن في قدر سعادته بالفتاة التي ارتبط بها .. فان كانت سعادته بها كبيرة .. وقتها يستطيع ان يقول انه افضل من اصحابه او مثلهم

ولازم الكل يطلع وهو يتكلم فيه
راي خاطيء .. لانهم لو تكلموا بالخير او بالشر عن الفرح فلن يغير ذلك من واقعه شيء .. لن يرفعه كلامهم و لن يخفضه .. كلامهم مثل عدمه .. و في كل الاحوال علاقتهم به تربطها المصلحه .. كان يكونوا يستفيدوا من ارائه او تكون تسعدهم صحبته او اي مصلحة اخري .. المهم ان علاقتهم به لن تتاثر بموضوع حفلة العرس تلك ..

المهم مرة قام يقول انا ابى اغير في شخصيتك اشياء كثيرة ابيك اذا زاروك اهلي تلبسين ماركات
طلبه ليس فيه شيء .. هو يريد ان يتباهي بك امام اهله .. و لكن اكدي عليه انك لن تفعلي ذلك الا امام النساء من اهله فقط .. و النساء المعروف عنهن التقوي و الصلاح .. لان غير ذلك ممكن ان يصفونك للرجال ..

ومابيك تطالعين في المباريات وبلاش الافلام اللي من النت وكمان النت قللي دخولك علية لانه عيب تجلسين

ع النت كثير وش بيقولون الناس عليك وابيك تصبغين شعرك اشقر لان البني مايناسب بشرتك ؟؟؟؟
رايه خاطيء في مسالة المباريات و افلام النت .. لو ليس فيهما عري او افكار فاسدة فما المانع .. اري انه يريد ان يفرض رايه لمجرد فرض الراي .. حتي يشعر بذاته .. اما مسالة اعتراضه علي جلوسك علي النت كتير .. فليس لها ما يبررها .. و خوفه من كلام الناس في هذا الامر غريب حيث ان الناس لن تدخل بيتكم ليشاهدوك و انت تتصفحين النت .. و لكن ربما يكون من الافضل الا تدخلوا النت الا في وجودكما انتما الاثنين معا حتي لا ينفرد باحدكما الشيطان .. اما طلبه بصبغ شعرك بالاشقر .. فهذا حقه .. حيث ان تزينك اصلا من اجله .. لذلك يجب عليك ان تتزيني بما يرضيه و اتعجب صراحه من اعتراضك علي ذلك ..

وقسم احسة يامستخف يايستهبل ؟؟ حاشا متزوجة بنت مو ولد حتى يوم الملكة يقول الوان الشدو مو مرة

مناسبة للفستان
اعتراضه علي زينتك من حقه و لكن يجب ان يراعي الاسلوب المناسب لذلك .. كان يقول مثلا ان استخدمت اللون الفلاني لكنت اكثر جمالا ..

المهم المرة الاخيرة اللي كلمني فيها قالي ابيك تغيرين صوتك ويسير منخفض واذا ضحكتي لاتحطين يدك على فمك
طلبه ان يكون صوتك منخفض هو طلب غريب .. اما عن طلبه بعدم وضع يدك علي فمك وقت الضحك .. فليس فيه شيء ان كنتم منفردان .. فمن حقه ان يستمتع بجمالك ضحكتك .. اما لو كان معه شخص اخر حتي و لو كانت امراة .. فالامر هنا يعتبر من خصوصياتك التي لا يجب ان يتدخل فيها و الله اعلم

وغيري عبايتك ابيها تكون ضيقة مابي اصحابي يقول اخذ متخلفة ؟؟
لهذا السبب فقط .. و بدون الحاجه لتعاون اي اسباب اخري .. اقول لك تطلقي منه علي الفور .. حيث ان دينه ليس ضعيفا فحسب .. بل انعدمت منه نخوة الرجال .. قد يكون الرجل دينه ضعيفا و يحتاج لرفع درجة ايمانه و التزامه فذلك نصبر عليه .. و لكن ان تكون نخوته و غيرته علي نساؤه ضعيفه فهذا امر لا نصبر عليه و لا نامن علي بناتنا و اخواتنا من ان نزوجها برجل - ان صح التعبير - مثل هذا .. اطلبي الطلاق فورا .. فلا امان مع مثل هذا ..