اخواني واخواتي اعاني مش مشكلة كبيرة

انا (26 سنة) لسه خاطب من شهر تقريبا وذلك بعد ما شفت كتيير قوي ييجي اكتر من 30 واحده لغاية ما الحمد لله ارتحت لخطيبتي(21 سنة) ووجدت فيها المواصفات المبدئية اللي كنت بدور عليها.

اما عن نفسي فلم يكن لي علاقات سابقة و كنت اراعي الله وابعد عن كل الكلام ده يعني لا عمري صاحبت ولا كلمت بنات وكنت دايما بأنكر الكلام ده علي صحابي واقولهم اتقوا الله.

انا حبيت خطيبتي قوي من اول يوم وهيا كمان حاسسها انها حبتني قوي قوي

طبعا هيا بتتكلم كتيير وانا قليل الكلام .. الي حد كبيير انا ما بعرفش اتكلم في هيافات بس بحاول اعمل حوار معاها.

مشكلتي الكبيرة دلوقتي ايحاءتها في الامور الجنسية
يعني هيا اللي بدات بلمس ايدي ودايما عايزاني امسك ايديها ... انالا انكر اني بكون فرحان بس برده بكون مضايق لما اسيبها احس اني عملت حاجه حرام.

المشكلة ان الموضوع اتطور جداا في فتره قليلة - شهر بس - اخدنا علي بعض بسرعة قوي لدرجة ان الموضوع لم يتوقف بس علي مسك الايدين وصل لاماكن اخري .................... ببرر لنفسي ان ده بيكون من حبها ليا وعايزه تحس بيا وان كان ده غلط طبعا ...



بحس انها بتكون فرحانه بل انها فرحانه فعلا بس انا مش عاجبني الوضع وبتعذب من لوم نفسي. ودلوقتي بحاول اقلل من المكالمات واتحجج اني مشغول في الشغل جداا

قولت ديه كده مش ح تنفعني وكنت بفكر اني اسيبها ... علشان لقيتها مش بتعيني علي طاعة ربنا بس برده ساعات بتقفل معايا علشان تقوم تصلي وهيا كمان محجبه.

ممكن يكون ترددي في حاجتين اني ما برتحش لحد بسرعة وتعبت علي ما لقيتها ؟؟؟؟؟!!!!!!!!!

ارجوكم محتاج نصائحكم