السلام عليكم



اليوم طبقنا مقلوبه مقلوبه باذنجان وبطاطا ودجاج

المقادير :
دجاج مسلوق مع حبات مسمار وقرفه وهيل حسب عدد افراد الاسره
باذنجان مقلي
بطاطا مقليه
رز
بهارات عربيه
مرق دجاج (اللي سلقنا فيه الدجاج )

قليت البطاطا والباذنجان وعلى ورق ماص للزيوت نقلل قدر الامكان من الدهون


صفيت قطع الدجاج مع كم حبه بطاطا تعطي شكل في النهايه حلو وتمسك المواد مع بعض


تبلت الرز المنقوع بماء بارد لمده نص ساعه بالملح والبهارات والقرفه


ورشيت كميه قليله من الرز مع الدجاج


ثم نصف طبقه باذنجان


بعدين باقي البطاطا


ثم الرز


ثم نغطيه بالمرق.....بين كل طبقه وطبقه ارش رشه بهارات


طبعا راح تطفو الخضار لايهم بالاخير لما ينطبخ الرز راح يصير كل شي بمكانه ....صورتها وهي على النار



تطبخ على نار عاليه الى ان يمتص الرز كل المرق ثم تهدأ النار اقل ما يمكن وخليها ساعه ونص واذا فيه مهدايه (قطعه حديد توضع بين القدر والنار )علشان النار توصل لكل مكان في قاع القدر وتطلع محمره وشكلها روووعه





قدمت معاها سلطه وسلطه لبن وخيار بالثوم وشوربه فطر .....ان شاء الله عجبتكم