فاتورة جوال خطيبتي (مستجداتي ) - منتدى عالم الأسرة والمجتمع

31-07-2009, 02:00 PM

عابر سبيل 8989

عضو نشيط

تاريخ التسجيل: Mar 2008

المشاركات: 112

فاتورة جوال خطيبتي (مستجداتي )

بسم الله الرحمن الرحيم

السلام عليكم ورحمة الله وبركاته :

لم تحل مشكلتي ماذا افعل عاجل يا أخوان مشكلتي بعد ما صارت المشكلة اللي قبل المشار لها بهذا الرابط

http://www.66n.com/forums/showthread.php?t=189136

انا يا اخوان ما احس براحه وانا مفارق وليس الفراق عن طيب خاطر مثل كأن نتفق بيننا على انا لا نلتقي الا بعد فترة معينها وهي التي تم الأتفاق عليها ونحن متخاصمين افكر في ما بعد الفرق وبعد الفترة هذي كيف سنلتقي ؟وماذا سنقول ؟ومن المبادر بهذا اللقاء ؟
فكرة يا اخوان ان ارسل لها رسالة خطيه ابين فيها ما اريد منها وما هو سبب زعلي وانصحها بأن تقرأ بعض من الكتب المفيدة عن الحياة الزوجية علماً اني لم ارسل هذه الرسالة الا اني اريد منها تذكري لأني احس انها نستني الأن لنا أكثر من شهرين ولا ارسلت الا رسالتها الموضحه في الرابط اعلاه وانا رسالة الرد فقط لا ادري ما هو حالها الا عن طريق اخوانها وهي لا تدري عن حالي

افيدوني جزاكم الله خير

التعديل الأخير تم بواسطة وردة بين الثلوج ; 01-08-2009 الساعة 04:11 AM السبب: العنوان ليناسب المضمون

31-07-2009, 02:44 PM

انــــــــ بنوتة زوجي ــــــــــــا

موقوف

تاريخ التسجيل: Jul 2009

المشاركات: 315

انــــــــ بنوتة زوجي ــــــــــــا غير متصل

غريبه والله

ما اعرف شون قدرت تتحمل بعدك عنها!!!

اريد شوي من ارادتها حته اتحمل اجافي خطيبي يومين مو شهريييييييييييييييييييييين

طيب اخي الكريم الزواج متى ؟؟؟ عن قريب لو بعده مطول؟؟؟

لان في نقط لازم تنحط على الحروف قبل الزواج

هي مسأله الفراق جدااا خطئ وكان لازم تنهون المشكله من اولها

بس هي ممكن مشغوله في حياتها يعني صديقاتها باين انهم اهم من اي شي ثاني

ما اعرف شنو اقول

بس الضاهر هي واثقه من حبك الها وتعقلك فيها ,, انا اشوف انك تروح تزورها وتبين لها انك جداا مضايق من الي صار

وانك جاي اليوم علمود تنهي هاي الامور الي تصير وتتكلم معاها بحب + جديه +حزم

ما تنفع الرساله لان باين انها مو من النوع الي يهتم

لازم توقف امامها وتكلمها وجها لوجه وتشوفك في صوره غير الي متعوده عليها

الله يهديكم لعض ويهديها الك يارب

31-07-2009, 03:00 PM

ورد وذبل

عضو متألق

تاريخ التسجيل: Apr 2008

المشاركات: 802

خلال فتره ملكتك لها سنه وسبع شهور
كل كم يوم تكلمها
وتشوفها
هل انتوا تمونون على بعص ولارسميات

__________________

يمــــــه ... مـا تدريـــــن اشكثـــــــر احبــــــــــك

31-07-2009, 03:01 PM

عابر سبيل 8989

عضو نشيط

تاريخ التسجيل: Mar 2008

المشاركات: 112

الله يجزاك خير اختي مكروهي بالنسبة لوقت الزواج باقي مطول اما عن واثقة من حبي شي اكيد وهذا هو اللي قاهرني ليتني كنت غامض معها وما ابين حبي لها لأني كنت مجنون بحبها كثير و حبيت انه يكون لنا قصة حب خيالية لكن مع الوقت ما فيها تبادل بنفس الشعور الجنوني انا ما اقول كذا ابين انها ما تحبني لا هي تقول انها تحبني لكن احسه بس كلام
مشكورة على ردك

31-07-2009, 03:32 PM

dant!L ~}

عضو مثالي

تاريخ التسجيل: Jun 2009

المشاركات: 1,237

،

الله يعينكم ..

الآن المشكله كلها عشـان الجوال ؟!

اذا هـي عقلها صغير ولسـاتها صغيره ..

لازم انت تبـادر .. انت اعقـل وافهم لأبعـاد المشكله اكثـر منها ..

بس مو تكلمها جوال !!

لا اخـاف ماترد عليك .. وتحس انك ذليت نفسـك ..

الأفضل انك تبلغ احد اخوانها بالسـالفه .. وتحكيله المشكله وان شـ،اءالله يتفهمون الموضووع

وبعدين تحدد يوم وتطلب منه انه يبلغها انك راح تجـي ..

وروح واجلس معاها وتفاهموا .. وقول كل الي بقلبـك ..

ماااااااااااااااااينفع مسجات وخرابيط .. السـالفه جدا مؤلمه نفسيـا ..

انـا متأكده وابصم عالعـشره انها متألمه وتنتظر مبـادرتك ..

بس مافيه غير المواجهه اما الجوال والمسـجات ابدا ماراح تحل اي شي ..

روح وخليك حازم وحنون بنفس الوقت .. يعني كون عند رايـك بأن لك حقووق وانها تجاوزت المعامله الحسنه
وانها ضايقتك بتصرفاتك .. ولازم تتغير عشـان انتوا امـامكم حيـاة زوجيـه واسـره .. لابـد من البـدايه تتفاهمـوا ..

وتصفـوا خلافاتكم .. المشكله هذي لو مانحلت وماحد فتح قلبـه للثاني راح ييصيـر هناك ترسـبات نفسيه
ووزعل من الآخر .. فا من الأولى انكم تصفون قلوبكم وتبـدون صفحه جديده

وخلك حنـون .. وتفهم رأيها .. وبين لها انك قريب منها ومعاها مو ضـدها ..

ضروووووووووووري تنتهي هالمشكله .. اكثر شي اكرهه هالمماطله وهالتغلي بين الزوجيـن ..

الله يهدي بـالكم وطمنـا عنكم ..

__________________
{ احبــــ

ـــكم بلا استثنـاء ~

31-07-2009, 03:49 PM

GREEN222

VIP

تاريخ التسجيل: Jun 2008

المشاركات: 11,121

خلال فترة الزعل

هل ما زلت تدفع الفاتوره ام 400 ريال كل نص شهر

ام توقفت عن الدفع

والافضل انك تحاول تزورهم وتراقب تعابير وجهها وكلامها

ولو كانت مثلا تتكلم انها زعلانه وان الزعل يظهر على الوجه

وادعو الله ان يجمع بينكم على خير

انا مش عارفه كيف كنا عايشين من غير جوال

كانت الحياة جميله

__________________
http://live.gph.gov.sa/
اللهم اني استودعك اولادي

16-08-2009, 11:47 PM

عابر سبيل 8989

عضو نشيط

تاريخ التسجيل: Mar 2008

المشاركات: 112

السلام عليكم ورحمة الله وبركاته
طبعاً ما فيه اي شيء صار بيني وبينها من هذيك الأيام بصراحه انا صرت احاول انساه الأيام اللي راحت لكن قبل يومين تقريباً دقيت على رقمها من كابينة اتصالات يعني ما راح تعرف من اللي دق عليها المهم انا سويت كذا على شان استفسرت عن الفاتورة تبعها قبلها ما ادق بيوم وما طلع لي انها تعدت الحد الاتماني وستغربت وراح في بالي انها مقفاله الجوال من هذيك الأيام لكن اللي حصل انها مشغلها الجوال ودق وكانت حاطه نغمت صدى لما يدق عليها احد يسمع شعر انا بصراحه يوم سمعت الشعر اللي حاطتها وكان فيه كلمات مشتاقلك ... انا ما عاد قدرت اكمل وقفلة الخط وحسيت بالدمع في عيني .
المهم اليوم راتبي نزل في الصراف ورحت استفسر ولقيت انها باقي ما نزلت لها فاتورة
وسحبت من الرصيد 200ريال وهذا هو المصروف اللي دايم كل شهر اعطيها اياه ما عدا الشهر اللي فات وكلمت اخوها واعطيته الفلوس على شان يعطيها ويبلغها سلامي المهم وش رايكم في تصرفي هذا !!
فيه حاجه ثانية حبيت افهمكم اياها واللي هي ان السالفه ما هي سالفة فاتورة جوال اسالفه فيها اهلي وفيها اني احس انها كانت تكذب علي بخصوص بعض الحاجات لكن ماني متأكد منها ومنها فاتورة الجوال لكن اللي متأكد منها ان قبل ما افاتحها في اللي انا متضايق منه يعني قبل ما نتفرق كنت انا واهلي عندهم في البيت جلست مع تقريباً خمس دقائق ثم قالت بروح شوي واجيك انتظرت كثير وانقطع عندي الأمل انها تجيني يعني لو انها مشغوله مثل المفروض انها تجي وتستأذن من يعني تعبرني شوي انا ما عندي مشكله بعدها بوقت جاني عمي وجلسنا نسولف الى ان جأت الساعه اللي بنمشي فيها المهم انا طلبت من عمي انها ينادي بنته وعمتي على شان استأذنهم بالخروج استأذنة ومشيت اخذيت اهلي في السيارة حسيت من اهل وهم في السيارة بالطفش باين فيهم وخاصة اخواتي وش فيكم قال ما فين شي بالرغم انا ما طولنا كثير لكن بعد ما اصريت على وحدة من خواتي واللي هي بسنها قالت لي ان زوجتي أبد ما جلست معهم ولا عبرتهم وكانت هي وابنت خالتها جالسين لحالهم في غرفة ومطنشه ان عندهم ناس ومو اي ناس الناس اللي اختاروها لولدهم ولأخوهم في اليوم الثاني طلبني عمي وقال ابغاك في كلم مهم لما تقابلنا طبعاً مو في بيتهم قالي انه حس في اليوم اللي كنا عندهم بحاجه غريبه وسألني كم سؤال ومنها هل جلست مع زوجتك امس ؟ قلت اني جلست معها وانبسطت كمان وهو حاس بالعكس فقام ينصحني كم نصيحه ومنها اني ما اعطيها اي شيء الا لما اقوله او اذا صار بيني وبينها اي مشكله وما قدرت احلها اقوله وهو راح يتصرف ما كأني قلت له اي شيء فهمتو علي .
هذا اللي حبيت اقوله ومدري احس انها ما تستاهل اني فكرة فيها واني ارسلت لها مصروفها واحس كمان بعكس هذا الأحساس
والله يوفق الجميع

17-08-2009, 09:11 AM

انــــــــ بنوتة زوجي ــــــــــــا

موقوف

تاريخ التسجيل: Jul 2009

المشاركات: 315

اخي الكريم عابر سبيل

تصرفات زوجتك مو مال وحده ناضجه ابد ابد وانا اقدر اقول انك من الغلط انك تعلمها على هذا الطبع وتخليها تتمادى

شنو الي صار حته تقاطعك وتتحمل ما تشوفك ولا تسمع صوتك

يا اخي اصور انت لازم تتكلم بجديه في هذا الموضوع مع اي احد مسؤل عنها ابوها مثلا

بس هي ممكن يزيد زعلها اذا قلت لابوها

يعني انت شاريها وهي باااااااااااااااااايعه

كانها متاكده مالك غيرها سواء تكلمت معك او لا مصيركم لبعض

الله يعينك يمكن بعدها صغيره وتحتاج احد ينحصها

خلي امها مثلا تنصحها انو هذا الشيء جداا غلط تسويه ويه خطيبها وعيب وراح يأثر على مكانتها

بس العكس هي الي صار حبها زاد

وانا لو كنت رجال ما كنت عبرتها وكنت اتخذ اجراء اراويها اني مو هين ,,, يعني انطيها درس كيف تتعامل معك

حتى تضمن انها تكون جديره بحبك

اذا امكن<<خلي اهلك يسون زياره الهم ويتكلمو عنك انك ملتهي ومشغول وسافرت كم يوم لاي مدينه وانك حتى ما اتصلت فيهم من قد ما لاهي بالسفره ... وخلي مثلا امك او اختك تقول امامها انها خايفه عليك يعني كشاب لحاله مسافره <<من هذا القبيل

خليه تغير عليك وتحس بقيمتك للأسف شكلها ما مسويتلك اي حساب ولا اكو اي مكانه الك

الله يهديكم ويوفقكم

17-08-2009, 10:57 AM

سوري حنون

قلم مبدع

تاريخ التسجيل: May 2008

المشاركات: 718

طيب ياأخي أنت تنازلت الحين وبعدين شو رح تساوي ؟!!

المشكلة ليست التنازل أم عدمه المشكلة مسألة احترام وتقدير

انا استغربت منك لأنك أرسلت المصروف ؟؟!! أمرك عجيب

والله إني مقهور عليك

ترى أنا عشت تجربة طويلة من الألم والذل مع خطيبتي الأولى وتنازلت كتير بس إذا كانت البنت عنيدة وبايعتها عمرها مارح تتغير

انت بين خيارين لا ثالث لهما

ياتعيش مع زوجتك كما تحب زوجتك أن تعيش هي

أم تضع النفاط على الحروف بجلسة مواجهة بشرط يكون أبوها موجود وجالس يسمع كل كلامك

وفقك الله

__________________

18-08-2009, 12:39 AM

#10

أبن المكلا

عضو متألق

تاريخ التسجيل: Jun 2009

المشاركات: 597

الله يعينك اخوي على زوجتك
با ين من كلامك ان زوجتك دلوعه , تحب تدلع
وهي واثقه من حبك , عشان كذا تدلع
ومن كلامك باين انو حتى ابوها عارف انها دلوعه
وما قالك هذا الكلام الا لانه عارف بنته زين
خليك حازم شوية معها ولا تعطيها كل شي تبغاه
يمكن هي عندها ظروف او اشياء تخليها تتصرف معك كذا
صارحها قولها اذا فيها شي او شي صاير معها عشان تسوي معاك كذا
خلها تصارحك بلي في قلبها
حاول انك تفهمها وتفهم ايش هي تبي با الضبط
وحاول تفهم اسلوبها ,, عشان تعرف كيف تملك قلبها
املك قلبها با الكلام المعسول با الهدية الحلوة وفي نفس الوقت كون شديد معها
اذا تأزمت الامور استشر والدها ,, هو قالك اذا في اي شي كلمني
خلاص ارجع لابوها وهو اكبر منك وادرى
لا تفكر ابدا ً با الانفصال الا اذا انقطعت كل السبل
ولا تنسى الدعاء لها ,, كل يوم ادعي وادعي
وربك ماراح يضيعك ولا راح يردك
هذه نصيحتي لك من اخوك المسلم
اتمنى لك التوفيق اخوي

__________________
::: لا تقنط من الواقع فإصلاح الموجود خير من انتظار المفقود :::

التعديل الأخير تم بواسطة أبن المكلا ; 18-08-2009 الساعة 12:48 AM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه