تصدقون فيه يوم من الايام كان بيني وبين زوجتي خلاف على موضوع مالي وقالت ( انا بصراحه انسانه ماديه ) يعني ان الفلوس هي من يتحكم بسلوكها ومن بعد ذاك اليوم وهي طايحه من عيني .


بصراحه انا الوالد من كبار تجار الرياض ومعروف ولله الحمد بالسمعه التجاريه الطيبه ووضعه المالي جدا ممتاز والموضوع اني انا احاول بقدر المستطاع اني ما احتاج له وهو ما يقصر ابدا معي لو اطلبه لكن انا ابي اعتمد على نفسي وبصراحه انا امر بوضع مالي صعب لكن ولله الحمد الامور جيده لكن السيوله عندي ضعيفه حيث ان معظم سيولتي في شركه اسستها مع احد الاخوان ووضع الشركه متوسط والقسم الاخر من السيوله قضت عليها الاسهم ولا اخفيكم علم بأني ملتزم على زوجتي بأعطاءها مصروف شهري ما بين 3000 ريال و2500 ريال شهريا غير بعض المبالغ الي اشتريها معها اذا رحت للسوق معها وايضا غير شنطه ماركه على الاقل مره بالسنه وبالنسبه لها هذا المبلغ ما يجيب حتى تيور واحد لها ودايم تزعجني لدرجه انها قالت دبر نفسك حتى لو تسرق المشكله انها تتهمني بالبخل لدرجه ان اصبحت احول لها الفلوس عن طريق حواله النت عشان اعرف كم اعطيها عشان ما اظلمها وتكون بينه عليها ومره من المرات اتهمتني بأني اقصر وبالاصح بالبخل معها واني ما عطيها بكفايه رجعت للنت وشفت اني محول لها في هذاك الشهر 6000 ريال .

المشكله معها انها ما تشتري الا الغالي جدا من لوي فيتون ودي اند جي وغيرها من هذا المحلات واكيد ان المبلغ هذا لن يكفي مع هذه المحلات . وامس ازعجتني وتبكي ورسائل وكأني انا ظالمها وتقول دولابي فاضي ولو تجي اي عزيمه انا ما اروح. تصدقون عاد من اسلوبها صرت اذكر المسلسلات وطلبات الحريم الا ما يهمهم الا انفسهم وزجتي تشبههم في الاسلوب.

سؤالي هل انا محق في تصرفي او فعلا اناظالمها ؟ لأني بجد انا اعاني من ازمه سيوله

هل تصرفي بأني لم اطلب من ابوي شيء صحيح ؟

وش نصيحتكم لي وكيفية معاملتها ؟ خصوصا اني كنت اول اصرف عليه اكثر من الحين بكثير جدا وايضا كانت غير راضيه نوعا ما .


ملاحظه هي تحبني موت في حالتين بس اذا سفرتها او اذا اعطيتها ودلعتها بالفلوس وقبل ما نسى ابوها يعطيها حصه لها في عقار من 15 الى 20 الف ريال يعني بأخر السنه تصرف 50 الف ريال تقريبا اذا ما جمعنا المبالغ هذي.