السلام عليكم ورحمة الله وبركاته .. اريد ان اكتب رائ لي فيكم قبل ان اكتب موضوعي


ماشااااااااااااء الله تبارك الله اجد فئة من الناس هنا رجالا ونساء لم اجدهم في اي منتدى اخر


حكمة وعقل واراء تثلج الصدر .. الله يديم عليكم ان شاء الله هذه الصفات ويزيدكم من فضله


الحين اجي لموضوعي ..

انا مطلقه ولست مطلقه

انا تركت زوجي لعيوب وهي كثيره والله ماقدرت اتحملها اكثر من 8 سنوات خلالها

انجبت 3 اطفال ربي يصلحهم ان شاء الله

بسبب هذه العيوب صرت لا احترمه !!

انا الحين مو حابه افصل العيوب والاسباب .. بس ابي استشيركم في كيف اتصرف

زوجي طلقني بعد ان تركته بشهر ظن بي ظن السوء واكتشف انه ظلمنيى واراد ان يرجعني

قلت له انا اريدالطلاق قبل ان تريده انت فسوء انت ظلمتني ام لا هذا مو سبب طلبي للطلاق

وسبب لي ولابوي مشاكل كثيره وتقريبا يوميه لمدة شهرين

بعدها طلب من صديق له ان يتوسط بينه وبين ابي ليعيدني له

وابوي بين له انه ماعنده مانع مع انه غلط عليه واجد وابوي يصير عمه

وله فضل عليه وعلى اسرته من 20 سنه وربى زوجي مثل ولده وهو الي تحمل مصاريف زواجنا

وابوي حاول من الاول يصلحنا وانا كنت رافضه وهو كان معاند .. وبعدين هو ماحاول يصالحني

وهو كان واعدني يتغير بس بعدين قال ماراح اتغير

وللمعلوميه ابوي يشتغل في منطقه بعيده و زوجي زارنا مرتين بيشوف اطفالي وكنت استقبله

ومايفتح فمه بكلمه لا بنقاش ولابعتب وفي هذيك الفتره ماكان طلقني

ولما خل صديقه يتوسط وشخص اخر فهمهم ان ابوي هو سبب عنادي

والله والله انه لمده 3 اسابيع وهو يحاول فيني وانا ارفض لاني ماشفت من زوجي اي محاوله منه

ينتظر ابوي يحل مشاكلنا كالعاده

المهم انه رجعني بعد الطلقه .. وقاله ابوي روح خذ زوجتك

وكلمني قال ابي ارجعك .. قلت مو الحين ابي فتره ارتاح واقرر

فرح ووافق لاني كنت مفهمته اول اني ماراح ارجع نهائيا

بس بعدها بربع ساعه كلم وقال وش قررتي !!

قلت توي قلت لك افكر

خذت امه السماعه وقالت لي ارجعي الحين والا مافيه رجعه

هو بعد ماطلقني .. قفل جوالي .. ورمى ملابسي واغراضي بحوش اهلي .. وراح خطب !!

وجاب امه واخذ اطفالي عنده وعند امه وقال بيتزوج بالصيف

وهذي كلها افكار امه .. وهي وبناتها ولا مره كلموني وسئالوا عني او حاولوا فهم المشكله او حاولوا الاصلاح

وانا مابيني وبينهم مشاكل !! .. بس قلت الحمدلله على كل حال ..

الناس تبان وقت الشدايد

فهي تبي تتاكد انا بارجع اكيد ولا ازعل مره ثانيه لاني اذا رجعت راح يتراجعون عن الزواج وترجع امه لبيتها

فخايفين ارجع بعدها وبعدين ازعل مره ثانيه وماراح يقدر يخطب البنت مره ثانيه .. لانه رجع بكلامه مره

وهو يتوقع ماراح يوافق عليه ابوها مره ثانيه


فانا والله والله والله اني كرهته واني لااحترمه ولا اشعر بالامان معه ..بس بارجع لاجل اطفالي ..

فوافقت وانا مجبوره..بس رجع قال تعتذرين من امي ومن اخواتي وتحترمينهم ..هم الي مفروض يعتذرون

مو انا !! واذا رجعتي ترضين فيني بعيوبي راح اغير طبعي للاسوء !!!

يعني تبيني اقول لا!!!

انا صراحه مااحس بالامان معه اذا هو مااحترم عمه الي ماشاف منه الا كل خير

كيف بيحترمني ويعاملني معامله حسنه..!!

وبرضوا حتى بعد ماغلط عليه ابوي سامحه لانه قعد يكلم ابوي يقول ابي ارجعها وبعدها يوافق ابوي

وبعدها يرسل يقول لا خلاص انا عزمت اتزوج!! وهكذا يمكن اربع مرات يسويها .. هو انسان متناقض

ويستغل طيبة ابوي مع ذلك ابوي سامحه .!!


انا سواها فيني مره وحده بعد ماوافقت ارجع قعد يتشرط ولا حتى بيعتدر لي عن اغلاطه

ويبيني اعتذر لامه وخواته


وانا ماغلطت عليهم .. هم قالوا له كذا عشان يدرون اني بعد ماارجع له ماراح تصير علاقتي معهم مثل

اول لانهم ماسعوا بخير ..فيبون يسكتوني يخافون اني اسوي لهم مشاكل وانا عمري 27 سنه

والحمدلله مافيه احد اعرفه والا مااعرفه يكرهني لاني عمري ماغلطت بحق احد ابدا

فقلتله خل امك عندك ورب اطفالك وتزوج الله يوفقك.. انا الي زعلانه مو انت واهلك غلطلوا بحقي

وبرضوا ماطلبت يعتدرون والحين هم يبوني اعتذر!! انا اذا احد يزعل مني معناته هو الي فيه العيب

واقولها بكل ثقه ماعمري غلطت على احد لا قريب ولا بعيد .. انت انسان متناقض

ولا اقدر اعيش مع انسان كذا


مايقدر اي معروف او تعب نعبته معه كاني انسانه غريبه عليه وانا والله ضحيت لاجله واجد

وتنازلت عن اشياء كثير بس لاجل ارضي ربي ثم ارضيه .. كنت ابي اعيش حياة زوجيه سعيده ..


بس عرفت متاخر اني اعيش مع انسان (مريض نفسي) ..اقولها وانا متاكده منها 100%

الحمدلله الذي لايحمد على مكروه سواه


اطلت عليكم احبتي واريد من قرا قصتي .. ان يبدي لي رائيا صائبا دون تجريح

اريد ان اعيش مع ولاطفالي ولا اريده .. ماذا افعل ؟؟؟



ودمتم بود


صبرا جميل والله المستعان