أخذت طريقة هذا الايدام من أخت زوجي وهو الفاصوليا مع الدجاج سهله وسريعة ولذيذه
المقادير
نصف دجاجه مشيول الجلد ومقطع اربع أجزاء
فاصوليا مقطعه
بصله
2فص ثوم
ماجي وبهارات مشكله
ليمون

الطريقه:

1-تحطي شوي زيت على النار وبعدين البصل تقلبيه الى ان يذبل وبعدها الثوم المهروس ثم ضيفي الدجاج وقلبي لمده دقيقه او اكثر تقريبا



2-اضيفي الفاصوليا وقلبيهم مع بعض وغطي القدر واتركيه على نار هاديه لمدة 7دقايق اذا حسيتي انه بدا يطلعلها صوت يعني بدت تنشف




3-حطي الماجي والبهارات وملح وضيفي كوبين ماء وخليه يطبخ تقريبا ربع ساعه او ثلث



4-خلي فيه شوية مرق واعصري عليه نصف ليمونه او ليمونه كامله على حسب الرغبه وقدميه مع طبق رز ابيض



طعمه يم يم يم جربوه ...وبالعافيه عليكم

ودمتم سالمين