بسم الله الرحمن الرحيم

السلام و عليكم و رحمه الله و بركاته:

اول مره اكتب مشكلتي في منتدي انا حتي لو هي مو مشكله بس حبيت افضفض يمكن ارتاح شوي .

مشكلتي بدت من 8سنين من اول ما تزوجت قريب لي انا كنت عايشه برا لا اعرف عاداتهم و لا تقاليدهم كاني مو منهم اتا قريب اي و خطبني و اهلي وافقوا لانهم مستحيل ياخذون حد مو من الاهل حتي لو كان حالته حاله المهم يكون من الاهل و طبعا و لا و حده من بنات العايله تقدر تخالف هالشي و الا تستوي فضيحه المهم لم اعترض و شوي شوي تعرفت علي عاداتهم و تقاليدهم اللي ما عجبتني ابد و كنت لما اتكلم معاه قبل ما نتزوج (بمعرفه الاهل)لانه كنا مالجين كان كلامه غيرررررررر و لما تزوجت اكتشفت هالعايله علي حقيقتها خذاني ابوه و اختارني لولده لانه ابوه انسان ما يبا يصرف علي عياله و يبا الفكه منهم و يختار بنات الناس الاغنيه المهم زوجي شفته بعد الزواج ما بحيلته شي و قلت لابوي قال عادي انا بصرف عليكم المشكله فيه و في اهله صرت و الله اتقرف من عيشتي و من تصرفاتهم من اول ما تزوجت كانت امه الله يرحمها تتحكم فيه لدرجه انه ما خلوني استقل في بيت بروحي عشان ولدها كان يصرف عليها من مالي الخاص و قلت ما علي و لما توفت امه بدت المشكله الاكبر صرت الخدامه في البيت بيت فيه اكثر من 11 فرد صغير و كبير لا فكروا يجيبولي خدامه تساعدني و لا شي سنه و انا تعذبت معاهم مع اني والله في بيت اهلي كنت معززه مكرمه و عندنا كان ولله الحمد خدم و كل شي حتي زوجي ما حس فيني و لا فكر يجيبلي خدامه تساعدني المهم مرت الايام علي هالعيشه و تزوج ابوهم من وحده في عمري و طلعت من البيت بعد فتره و طبعا زوجته يابلها بدل الخدامه خدامه و طباخه بس ايامي ما حد حس فيني حتي اهلي قالولي استحمليي بس انا ما كنت اخبرهم بشي ابد خصوصا انهم في الغربه المهم مشكلتي الحين زوجي ما يحس فيني ابد ابد تخيلوا ما يخليلي و لا فلس في البيت كل فلوسي معاه و كل ايجاراتي و كل ما امللك معاه و يشحتني منهم حتي لو فتحت فمي ابا شويه فلوس خلهم في البيت يزعل و يطلع من البيت انتي عايرتيني اني ما عندي شي و يهددني باجر لو استويت مليونير اول شي براويج و بخليج تيجين و تبوسين رجلي استغرب من كلامه لاني لا عايرته و لا شي قلتله بس ابا فلوس في البيت حتي طلعه ما يطلعني حتي يشك فيني لابعد الحدود والله بدون سبب بالعكس انا و اعوذ بالله من كلمه انا انسانه اصلي و اعرف ربي حتي قبل لا اتزوجه هم اللي عايلتهم و لا حد فيها يصلي و لا يعرف ربه تخيلوا ابوه جا الاسبوع الماضي مع زوجته عندي و تم يامرني اسوي جي و اطبخ جي و زوجته تطالعني بكل تكبر و زوجي ما قالهم و لا شي هو ليش ما يحس فيني وابوه مرات يعزم ناس عندي و ولده ما يقول و لا شي عشان ما يزعل ابوه للعلم زوجي الان لا يعمل و اصريت عليه يكمل دراسته و الحين قاعد يكمله بالقوه انصحوني بنات نفسيتي الله يعلم فيها كيف الواحده لازم تتعامل مع انسان مو واثق من نفسه و كيف اخليه يحس فيني بدل ما اقوله انت ما تحي فيني يعصب و يقول هالكلام اللي الحرمه تقوله قبل ما تسير و تخون زوجها و لا تعرفلها واحد ثاني الصراحه اتقرف من كلامه و اسلوب تفكيره انصحوني و جزاكم الله كل خيررررررررر