زوجة المستقبل أخلت بإتفاقنا بعد الملكة(( المشكلة حلت ولله الحمد ))
السلام عليكم ورحمة الله وبركاته
أطلب مشورهـ بالنسبه لي تعتبر معقده وما ادري كيف اتصرف ؟
وأرجوا من الأخوان والأخوات هنا مساعدتي فيها ونقاشي
انا ملكت قبل أسبوعين وكان بيني وبين زوجتي مكالمات ونقاشات حول امور حياتنا المستقبلية
من ضمن النقاش بكل اختصار السكن
فتحت موضوع السكن وقلت لها مثل ما اتفقنا اول ( اقصد بالخطبه ) السكن شقة مفروشه مدة 6 أشهر الى ان نرمم البيت ونسكن بالدور العلوي واهلي بالدور السفلي
لكني تفاجأت انها تقول لا انا مو موافقه أريد شقه بعيد عن اهلك وعن اهلي
ابغى ابعد عن المشاكل <<< بخاطري اقول يعني اهلي بالنسبه لك مشاكل امي اللي اختارتك من بين عشرات البنات لكني اعلم انها لا تقصد ومعذورهـ
قلت لها اني ماخذ قرض من البنك ومصاريف كبيرة مثل كذا ما بيجي اخر الشهر الا والراتب طاااار وخلص
تقول لا بعض صديقاتي واخوات صديقاتي تعبانات مو مرتاحين لانهم مع اهل ازواجهم
مع العلم اني خلال الاسبوع الماضي احاول تهدأتها واحاول ان افهمها ان القسم العلوي مفصووووول بالكامل
يعني لو بزور اهلي لازم اطلع برا الشارع والف وافتح الباب وادخل
حتى الحوش مفصووول عنهم مافيه باب يفصل بيننا مافيه اي وسيله للتدخل
ماني عارف كيف اتصرف وليه بدلت رأيها بعد ماكانت موافقه ؟
ساعدوني بطريقة اقدر ارجع لها عقلها لاني بصراحه مو قادر استأجر شقه وعلي قرض من البنك وهالقرض برضو ا على الزواج مصروووف
جزاكم الله خير
التعديل الأخير تم بواسطة !!حنيين!! ; 06-04-2008 الساعة 08:42 PM
04-04-2008, 10:20 AM
ضوابط المشاركة
العرض الشجري