زوجي وانشغاله عني وتصرفات اخوته معه
بس والله بدي رايكم
شو اسوي
حاسة حالي مخنوقة
مشكلتي مع جوزي وباختصار انو اي اشي بيليهيه عني بصير كأني مو موجودة
مثلا كان عندو امتحانات ماجستير والله بدون مبالغة شهر قطيعة لا حكي ولا اي اشي تاني
ابوه الله يطول عمره مرض من 3 شهور ابدا خلال هذه الفترة نساني بكل معنى الكلمة
اذا انا سألت بيجاوب اذا ما سألت ابدا ما بحكي
بيروح من الدوام بيروح على المستشفى بعدين بيجي الساعة 2 او 3 الصبح بعدين دوام وهكذا
اللهم لا اعتراض الله يشافيه بس انا كمان بنى ادم بدي بس يحكي معي احس اني موجوده
بدي يحضني وبس
كمان مشكلة جوزي انو الناحية الجنسية على المزاج اذا كان رايق ما شاء الله اما اذا كان مشغول ولو شوي بينسى الموضوع واكيد انتو بتعرفو انو هادا الموضوع مهم للتقريب بين الازواج لحصول الالفة وزيادة الارتباط .
طبعا انا بحاول معه بس بصراحة ما بحب اكون انا اللي ببادر دائما
وياما ياما حكينا بالموضوع واعترف بالتقصير بس بترجع ريما لعادتها القديمة
كمان مشكلة زوجي انو دائما بيحب يبين بوضع مادي ممتاز مع انو وضعنا الحمد لله عادي وبيخلص الراتب لما بيخلص الشهر وهادا الاشي عم بيطمع كل اللي حوالينا فينا حتى اخوانه
يعني كل الادوية والمستلزمات بيطلبوها منو وهو ما بيحكي لأ بيخجل من اخوانه
طبعا الموضوع حساس وانا مرة صارحته بس هو زعل وحكالي انو الكل بيدفع بس انا بعرف انو اكبر حمل علينا
اللي مزعلني انو احنا وضعنا على قدنا الاتنين موظفين وراتبنا بيخلص مع نهاية كل شهر اما اخوانه ما شاء الله شغل واعمال حرة ووظائف برواتب ممتازة وما شاء الله بيصرفوا على حالهم واولادهم ببذخ يعني ليش الاستغلال
المشكلة زوجي ابدا ما بسمع كلامي بهذه المواضيع وبيعتبرها تدخل بس والله انا حارق دمي التعب اللي بنتعبو بدون مردود .........!!!!!!!!
واخر مشكلة انو باعتبار زوجي اصغر اخوانه كتير بيقصرو معنا بمناسباتنا يعني زوجي تخرج ماجستير وما حد اجى بارك اما مناسباتهم بنكون اول الناس طبعا اهلي من اول يوم عملوا الواجب بس همو طنشوا
والمصيبة زوجي ما زعل ؟؟؟؟؟؟؟؟؟
شو رأيكم
تم تعديل العنوان ليتضح المضمون ..
التعديل الأخير تم بواسطة ملاك الغربة ; 20-10-2007 الساعة 11:54 AM
20-10-2007, 10:54 AM
ضوابط المشاركة
العرض الشجري